Wp/ppl/Sitting Bull

Sitting Bull

Sitting Bull se Hunkpapa-Lakotachanej katka. Yaja se tatuktiani wan se tasumalis tatuktiani nusan katka. Miak shijshiwit Sitting Bull kinsunki ne Americachanejket. Sitting Bull wan iijikniwan minashket^[1] pal miak shijshiwit peroj tik ne shiwit se shikipil chiwey tzunti nawi pual se(1881) ne Americachanejket kinitzkijket yejemet.

Ne Hunkpapa-Lakotachanej tatuktiani Sitting Bull nesik intzalan^[2] ne shiwit se shikipil chikwey tzunti se pual majtakti se(1831) wan ne shiwit se shikipil chiwey tzunti se pual kashtul ume(1837) tenhapan^[3] Yellowstone talchin^[4] ne techan Miles City tik Montana se takutun ipal U.S.A. Yaja mikik se tunal kashtul metzti majtakti ume tik ne shiwit se shikipil chiwey tzunti nawi pual majtakti(1890) tik ne techan chikitik Standing Rock tik North Dakota se takutun ipal U.S.A.

Ne itunal ichtaka

Keman yaja kipiatuya majtakti nawi shijshiwit kisunki se tasumani Crowchanej wan kimajmawtij. Ika yaja kipiatuya wey itunal, nemituya se ilwit pal yaja wan iteku kimakak ne itukey Tȟatȟáŋka Íyotake u "Buffalo Bull that Sits Down" peroj ne Americachanejket kitukeytijket "Sitting Bull." Nusan ne iteku Sitting Bull kimakak se iujmiyu ne tujti wan se kawash, ika yaja muchiwki se tasumani.

Ne itajtasumalis Sitting Bull

Ne itajtasumalis Red Cloud

Tik ne shiwit se shikipil chiwey tzunti yey pual chikwasen(1866) ka se shikipil chiwey tzunti yey pual chikwey ne tatuktiani Red Cloud kinsunki ne Americachanejket. Sitting Bull kinekik Red Cloud, kunij, yejemet kinsensunket ne Americachanejket ka Fort Berthold, Fort Stevenson wan Fort Buford. Peyna tik ne shiwit se shikipil chikwey tzunti yey pual chikwey(1868) ne U.S.A. kinekik te ma kinsumat ne Lakotachanejket. Kunij Red Cloud kiwawasuj se amat pal nejmachnemilis peroj Sitting Bull tea kiwawasuj.

Ne wey tasumalis tik 1876

Tik metzti majtakti se, se shikipil chiwey tzunti yey pual kashtul(1875) Ulysses S. Grant, ne tatuktiani pal ne U.S.A. kintuktij ne Lakotachanejket kinkwepat peroj ne Lakotachanejket tea kinekiket. Kunij yejemet kipejket kinsumat ne Lakotachanejket se tunal se metzti ume tik ne shiwit se shikipil chikwey tzunti yey pual kashtul se(1876). Ne tajtasumanimet ipal U.S.A. pejket kintapewilia^[5] ne Lakotachanejket. Kunij yejemet yajket ka Sitting Bull.

Battle of the Little Bighorn

Ne tajtasumaniment ipal U.S.A. kinhajsiket Sitting Bull inwan tuijikniwan ka tenhapan Little Big Horn River wan kipejket kinsumat. Ne Lakotachanejket kinmiktijket miak tajtasumaniment Americachanejket. Nemanha ne tasumalis, ne Lakotachanejket kipiatuyat se wey ilwit. Peroj, nemanha, ne U.S.A. kikwepket wan kinsumat senpa.

Ne tajtasumanimet ipal U.S.A. kitzkijket Sitting Bull inwan tuijikniwan se tunal kashtulnawi metzti ume tik ne shiwit se shikipil chiwey tzunti nawi pual se(1881).

Ken mikik

Sitting Bull mikik ika yaja tapanik itzuntekun. Red Tomahawk iwan Bull Head kimiktijket Sitting Bull ika yejemet kiejekuj kitzkia ne tatuktiani peroj Sitting Bull kinsumki. Yaja kitalpachuat kan nemit ne shajshaput Fort Yates.