Senpual

Ne senpual u senpual shuchit, yaja itukey cempasúchil u flor de muerto tik castilla, se shuchit ka yaja weya tik ne Americas. Kanaj senpual tik Kuskatan, Meshuki, Kawawtemalan, Belize, Bolivia, Colombia, Costa Rica, Cuba, Ecuador, Guyana, Honduras, Jamaica, Nikanhanawak, Panama, Puerto Rico, wan Venezuela

Yaja itukey senpual ika ipia miak shujshuchit. Ne senpual nusan yaja itukey senpual shuchit u ishushiw mikini tik nawat. Tik ukse tajtaketzalis yaja itukey Tagetes erecta, Aztec marigold, Mexican marigold, big marigold, cempaxochitl, cempoal, u cempasúchil. Nusan yaja itukey African marigold melka yaja weya tik ne Americas.

Ne senpual yaja weya ka se pual u nawi pual makwil centimetros. Yaja weya seujti (se shiwit) wan miki, u yaja weya miak shijshiwit.

Ken itachishka?

Ne senpual kipia shujshuchit itachiska tultik u achiuk. Yaja itzinu yamanik u kujkuluchnaj. Yaja itzinweyaka^[1] chamawak. Ne senpual puputuka ajwiak keman ne tuijikniwan kipitziniat.

Tejemet tikishmatik ne senpual ika yaja senweya miak shujshuchit, keman se pual shujshuchit tik se shuchit.

Tay kichiwa?

Ne ijikman yejemet kishpejpenatket ne senpual inpal yejement kipajtijket ne tuijikniwan, inpal inlijlilish, wan inpal ka yejement welit muejekchiwki inkal.

An tik Kuskatan wan uktajtalyu, tejemet tikishpejpenat ne senpual pal ne tanestuk pal ne mikini. Tejement tikanchulwia ne senpual inpal ne mijmikini.

Inpanpa Uni

↑ raiz

Ijilpika

Targetes erecta: https://es.wikipedia.org/wiki/Tagetes_erecta

Tagetes erecta: https://www.rhs.org.uk/plants/151627/tagetes-erecta/details

Cempasúchitl Flowers for Day of the Dead: https://www.thoughtco.com/cempasuchil-flowers-for-day-of-dead-1588749

Dia de los Muertos / Day of the Dead: https://libguides.ollusa.edu/diadelosmuertos/marigolds

[1] raiz

[1]