Wp/ppl/Sedum burrito

Sedum burrito

Sedum burrito kitukeytijket ne Tajtamatianimet se kwawitchín iwan iiswayu tepuntik kaj witz ka Meshiku. Ne Tamatiani itukey Reid Morgan kiwawasuj ipanpa yaja tik ne shiwit se shikipil chiknawi tzunti yey pual kashtul ume (1977). Tesu tikmatit kanka witz ne Sedum burrito, ika Reid Morgan kiajsik wan kikujki yaja tik se kan kitukat ne kwajkwawitchichín tik Coatepec, Veracruz, Meshiku. Ne Sedum burrito kachka uksé kwawitchín itukey Sedum morganianum. Melka, ne achtu kipia iiswayu kachka teksistichín, wan ne uksé kachka pulachín. Ne ishuchiyu ne se kachka ne ishuchiyu ne uksé.^[1] ^[2]^[3]

Ne itachishka ne Sedum burrito

Ne kwawitchín itukey Sedum burrito kipia miak ipiktuk iwan se istak u kuchiltik itzinu ka itajku sejsé. Ne iswayu yaja kachka kushushuknaj u kutultik teksistichín iwan kushushuknaj itewyu (tewti) ka tenkál. Ne ishuchiyu yaja kuchiltik, wan kipia sejsé makwil kuchiltik ishuchiiswayu, wan makwil shushuknaj ishuchiswayu. Ka ijtik sejsé ishuchiyu nemit miak tultik dajdatka kachka ichti. Ini kwawitchín kipia istak u kuchiltik itzinkutu. ^[4]

¿Ken tiwelit tikmutkitiliat ne Sedum burrito?

Pal tikpiat uksé kwawitchín, tiwelit tiktekit se iswayu yaja, wan nemanha tiktekat ini ka ijpak tal tikajwilijket. Ini iswayu yaw-kipia ne itzinkutuchín wan ne iiswayuchín isel, wan se yankwik kwawitchín yaw-nemi. Tiwelit nusan tikutunat se ipiktuk ne kwawitchín wan tiktukat ini pal kipia itzinkutu isel. Tejemet tiwelit tikpiat ne Sedum burrito tik tal iwan iswat waktuk. Tiwelit tiktaliat ka tenkál keman wetzi at u tikajwiliat se tanestuk, nawi tajtanestuk tesu, wan senpa, wan uksenpa. Ne Sedum burrito weli nemi kan tachia chupi ne tunal u kan tesu tachia ne tunal ka tenkál. ^[5]

Ne Sedum burrito an

Ne Sedum burrito se sujsul galanchín kwawitchín. Miak tuijikniwan kipiat yaja ika tesu wey ipatiw wan tesu uej pal weya. Kishmatit yaja tik miak tejtechan tik Taltikpak. Yaja se wey takulis Meshiku kimakatuk muchi ne Taltikpak.

Ijilpika:

[1] ttps://clubsuculentas.com/crassulaceae/sedum/sedum-burrito/

[2] ttps://verdecora.es/blog/cuidados-sedum-burrito-cola-de-burro

[3] ttps://www.researchgate.net/profile/Marco-Cristini/publication/332259451_Sedum_burrito/links/5caa4c744585157bd32a5e29/Sedum-burrito.pdf

[4] ttps://www.crassulaceae.ch/de/artikel?akID=182&aaID=2&aiID=B&aID=2923

[5] ttps://guiadejardin.com/sedum-morganianum-burrito-cuidados-y-multiplicacion/

[1]

[2]

[3]

[4]

[5]