Jump to content

Wp/ppl/Sacagawea

From Wikimedia Incubator
< Wp | ppl
Wp > ppl > Sacagawea

Sacajawea

[edit | edit source]
Sacagawea- pashaluani, tapatani, wan tapalewiani inpal Meriweather Lewis wan William Clark.

Sacajawea nesik tik Idaho se takutun ipal Estados Unidos, se tunal pal ne metzti makwil tik ne shiwit se shikipil chikume tzunti nawi pual chikyey (1788).

Yaja se pashaluani[1], tapatani[2], wan tapalewiani inpal Meriweather Lewis wan William Clark, tajtatemuanimet[3] Estados Unidoschanejket ka kitemua katka ne kan kalaki ne tunal pal Estados Unidos.

Ne itunal ichtaka

[edit | edit source]

Tesu tikmatit sujsul pal ne tunal pal Sacajawea keman yaja siwapil.

Yaja se siwat Agaidika[4]. Yaja nesik inawak pal Salmon, Idaho, Estados Unidos. Yaja iikaw pal Cameahwait, ne tatuktiani pal ne techan Agaidika.

Keman Sacajawea kipia majtakti ume shiwit ne techan Hidatsa kiwikaket[5] yaja wan sujsul pijpiltzitzin intechan inawak pal Washburn, Dakota del Norte, Estados Unidos.

Keman yaja kipia majtakti yey shiwit se takat itukey Toussaint Charbonneau kikua katka Sacajawea wan munamiktia iwan yaja.

Tay kichiwa?

[edit | edit source]
Sacagawea iwan Meriweather Lewis wan William Clark

Tik ne shiwit se shikipil chikyey tzunti nawi (1804) Meriweather Lewis wan William Clark tikchiwket ne Fuerte Mandan ipal ne shupan tik ne techan pal Sacajawea. Kishtemuat katka se tapatani[2] pal taketza inwan ne tejtechan kan kalaki ne tunal pal Estados Unidos. Sacajawea wan ishulejyu yajket inwan yejemet ika yejemet tajtaketzat katka sujsul tajtaketzalis pal ne tejtechan. Sacajawea taketza Shoshone, ne tajtaketzalis pal ne techan Agaidika.

Tik ne se tunal majtakti se pal ne metzti ume tik ne shiwit se shikipil chikyey tzunti makwil (1805) nesik ne acthu ikunew pal Sacajawea, itukey katka Jean Baptiste Charbonneau. Tesu kiajkawa katka ne ujti[6]. Sujsul kipalewia katka, kipata[7] katka, pashalua[8] katka, wan kishtia[9] katka wey ajamachti tik se apan, ka yejemet kitueytiat katka ne Rio Sacajawea.

Ne Montañas Rocosas- ne tejtepet ka Sacgawea wan iukujkumpawan panut.

Tik ne ujti, Sacajawea wan ikujkumpawan kiasjit katka ne techan Agaidika. Sacajawea kiputzua katka iwan imanuj. Tesu kiajkawa katka ne ujti[6]. Yaja kipashalua[10] katka iwan iukujkumpawan Dakota del Notre, Montana, Idaho, Wahington, wan Oregon tajtakutun pal Estados Unidos wan tiejkut katka ne wey puek at Pacífico. Yejemet walajket Dakota del Norte.

Ne itekiw:

[edit | edit source]

Sacajawea sujsul kinpalewia Meriweather Lewis wan William Clark. Yejemet mumachtiat pal casoj ipal kojtan[11] wan sujsul ipal ne kan kalaki ne tunal pal Estados Unidos katka. Ne yultajtaketzalis pal Sacajawea katka kipalewia katka ka muchi walajket yek.

Ken mikik?

[edit | edit source]

Tik ne shiwit se shikipil chikyey tzunti chiknawi (1809) Sacajawea wan ishulejyu tik ne wey techan San Luis tik Misuri se takutun ipal Estados Unidos iwan William Clark. Clark wey inchaku pal Sacajawea wan ishulejyu. Clark nusan sujsul kitajpia ne ikunew pal Sacajawea, Jean Baptiste. Tik ne shiwit se shikipil chikyey tzunti majtakti ume (1812) nesik katka ne ume ikunew pal Sacajawea, itukey Lizette Charbonneau

Sacajawea kukuya katka. Tik se tunal se pual pal ne shiwit majtakti ume tik ne shiwit se shikipil chikyey tzunti majtakti ume (1812) yaja miki.

Tik ne shiwit se shikipil chikyey tzunti majtakti yey (1813) William Clark kichiwki ne iteku pal ne ipilawan pal Sacajawea.

Inpanpa Uni

[edit | edit source]
  1. ↑ guia
  2. ↑ 2.0 2.1 traductor/a
  3. ↑ exploradores
  4. ↑ Lemhi Shoshone
  5. ↑ secuestraron
  6. ↑ 6.0 6.1 viaje
  7. ↑ tradujo
  8. ↑ guio
  9. ↑ rescato
  10. ↑ viajo
  11. ↑ historia natural

Ijilpika

[edit | edit source]

Sacajawea: https://es.wikipedia.org/wiki/Sacajawea

Journals of the Lewis & Clark Expedition: August 17, 1805: https://lewisandclarkjournals.unl.edu/item/lc.jrn.1805-08-17

Sacagawea: https://www.britannica.com/biography/Sacagawea

Toussaint Charbonneau: https://es.wikipedia.org/wiki/Toussaint_Charbonneau

Lewis and Clark: The Journey of the Discovery Corps: https://www.pbs.org/kenburns/lewis-clark/

Journals of the Lewis & Clark Expedition: November 4, 1804: https://lewisandclarkjournals.unl.edu/item/lc.jrn.1804-11-04#n08110401

Jean Baptiste Charbonneau: https://en.wikipedia.org/wiki/Jean_Baptiste_Charbonneau

Geographic Names Information System: Sacagawea River: https://edits.nationalmap.gov/apps/gaz-domestic/public/search/names/770322

What Happened to Sacagawea After the Expedition Returned?: https://web.archive.org/web/20120227060638/http://www.bonniebutterfield.com/sacagawea-death.html

Retrieved from "https://incubator.wikimedia.org/w/index.php?title=Wp/ppl/Sacagawea&oldid=6406942"