Wp/ppl/Rumi

Jalāl al-Dīn Muḥammad Rūmī(Rumi)

Jalāl al-Dīn Muḥammad Rūmī kaj tiktukeytiat Rumi se tawawasuani Muslimchanej katka. Nusan yaja se tamachtiani ipal Islam katka.

Yaja nesik tik ne techan Sangtuda tik Tajikistan se tunal se pual majtakti metzti chiknawi tik ne shiwit se shikipil ume tzunti chikume(1207) wan mikik se tunal kasthul ume metzti majtakti ume tik ne shiwit se shikipil ume tzunti yey pual majtakti yey(1273).

Ne itunal ichtaka

Ne itejtekuwan Persiachanejket. Ne iteku Rumi itukey Bahā ud-Dīn Walad katka. Yaja se tamacthiani wan se lujlun Islam nusan katka. Ne iteku witz ka Wakhsh se techan tik ne italyu^[1] Tajikistan. Ne inan itukey Mu'mina Khātūn katka. Keman ne Mongolchanejket kinsunket ne intalyu imiekawan, yejemet kisket kan kalaki ne tunal^[2] tik ne shiwit se shikipil ume tzunti kashtul(1215). Nemanha yejemet nakaket tik ne techan Karaman pal chikume shijshiwit. Karaman se techan tik Turkey. Keman yejemet nenket tik ne techan Karaman ne inan wan ne imanuj mikiket. Tik ne shiwit se shikipil ume tzunti se qual makwil(1225) Rumi munamiktij iwan Gowhar Khatun. Yejemet kipiatuyat ume piltzinmet. Se itukey Sultan Walad wan ne ukse itukey Ala-eddin Chalabi. Keman isiwaw mikik Rumi munamiktij senpa wan kipiatuya se ipiltzin wan se isiwapíltzin. Ne ipiltzin itukey Amir Alim Chalabi wan isiwapíltzin itukey Malakeh Khatun. Rumi wan imiekawan kisket Karaman wan yajket ka Konya tik Anatolia se tunal se metzti makwil tik ne shiwit se shikipil ume tzunti se pual chikwey(1228). Rumi nakak inak miak wey tajtanilis wan kiwawasuj miak ajamat. Yaja kiwawasuj ne Masnavi se wey amachti . Ne Masnavi ipanpa tiut, tuijikniwan, yultilis, mikilis.

Ken mikik

Tamik iijiu^[3] Rumi se tunal kashtul ume metzti majtakti ume tik ne shiwit se shikipil ume tzunti yey pual majtakti yey(1273) tik ne techan Konya. Miak ijikniwan chukaket ipal Rumi keman yaja mikik. Yaja kitalpachuat katka kan nemit ne shajshapuat "The Green Tomb" tik Anatolia.