Wp/ppl/Ronaldinho
Ronaldo de Assis Moreira(Ronaldinho)
[edit | edit source]
Ronaldo de Assis Moreira kaj tiktukeytiat Ronaldinho Gaucho u san Ronaldinho se Brasilchanej mawiltiani katka. Nusan tiktukeytiat yaja "O Bruxo" u "Ne lujlun". Yaja nesik se tunal se pual se metzti yey tik ne shiwit se shikipil chiknawi tzunti nawi pual (1980). Yaja nesik tik ne techan Porto Alegre tik Rio Grande do Sul se takutun ipal Brasil. Ne tuijikniwan tikishkejketzat[1] yaja se sujsul yejka mawiltiani.
Ne itunal ichtaka
[edit | edit source]Ne inan itukey Miguelina Eloi Assis dos Santos wan yaja se tapajtiani. Ne iteku Ronaldinho itukey João de Assis Moreira wan yaja se mawiltiani nusan katka. Ne iteku Ronaldinho mawiltij ipal Esporte Clube Cruzeiro. Nusan ne imanuj Ronaldinho se mawiltiani katka. Ne imanuj mawiltij ipal Grêmio. Keman ne imanuj Ronaldinho pejki mawiltij ipal Grêmio, ne imiekawan pejket inchan tik Guarujá. Ne pujpudiente[2] Brasilchanejket inchan tik Guarujá. Keman yaja chikitik, kintasujtak kinitak ne majmawiltianimet: Diego Maradona, Rivaldo, Ronaldo, Rivelino wan Romário. Keman Ronaldinho kipiatuya chikyey shijshiwit ne iteku mikik. Ne iteku mikik ika yaja tapanik itzuntekun[3] tik ne aputzijtuk[4] wan mumelsinki[5]. Ronaldinho kipia se ipiltzin. Ne ipiltzin nesik se tunal se pual makwil metzi ume tik ne shiwit ume shikipil makwil (2005). Ne ipiltzin itukey João wan yaja se mawiltiani nusan.
Ne shijshiwit mawiltij
[edit | edit source]
Tik ne shiwit se shikipil chiknawi tzunti nawi pual kashtul yey (1998) Ronaldinho mawiltij ipal Grêmio. Ronaldinho mawiltij ipal Grêmio pal nawi shijshiwit.
Tik ne shiwit ume shikipil se (2001) Ronaldinho kisak ka France pal mawiltia iwan Paris Saint-Germaine. Yejemet kitashtawijket[6] Ronaldinho ume pual majtakti tzunti shikipil(5,000,000) tumin, se sujsul wey tashtawilis[7]. Yaja mawiltij iwan PSG (Paris Saint-Germain) pal yey shiwit wan tik ne ume shikipil yey shijshiwit(2003) yaja kinekik kisa.
Joan Laporta ne tatuktiani pal FC Barcelona kitashtawij[6] Ronaldinho se pual majtakti tzunti shikipil(30,000,000) tumin tik ne shiwit ume shikipil yey(2003). FIFA kimakak Ronaldinho ne itukey FIFA World Player of the Year tik ne shijshiwit ume shikipil nawi(2004). Tik ne shiwit ume shikipil makwil(2005) FIFPRO kimakak Ronaldinho ne itukey FIFPRO World Player of the Year. Senpa kinutzket Ronaldinho FIFA World Player of the Year tik ne shiwit ume shikipil makwil(2005). Nusan kinutzket Ronaldinho European Footballer of the Year uni shiwit katka. Nusan kinutzket UEFA Club Footballer of the Year tik uni shiwit katka.
Tik ne shiwit ume shikipil chikyey(2008) yajki ka Italia mawiltia ipal AC Milan. Yaja mawiltij iwan AC milan pal yey shiwit. Yaja kisak AC Milan wan yajki ka Flamengo tik ne shiwit ume shikipil majtakti se(2011).
Nemanha se shiwit iwan Flamengo yaja kisak ka Atlético Mineiro. Tik ne shiwit ume shikipil majtakti yey(2013) kinutzak 2013 South American Footballer of the Year. Ronaldinho kisak Atlético Mineiro tik ne shiwit ume shikipil majtakti nawi(2014).
Ronaldinho mawiltij Querétaro wan Fluminense tik ne shiwit ume shikipil kashtul(2015).
Ronaldinho kipia se World Cup ipal ne shiwit ume shikipil ume(2002).
Ipanpa uni
[edit | edit source]- ↑ To think; Imaginar
- ↑ Wealthy person; Rich
- ↑ to break one's head
- ↑ La piscina; Pool
- ↑ To drown
- ↑ 6.0 6.1 "they paid him"
- ↑ Payment
Ijilpika
[edit | edit source]Brasil:https://en.wikipedia.org/wiki/Brazil
Porto Alegre:https://en.wikipedia.org/wiki/Porto_Alegre
Rio Grande do Sol:https://en.wikipedia.org/wiki/Rio_Grande_do_Sul
Grêmio:https://en.wikipedia.org/wiki/Gr%C3%AAmio_FBPA
Esporte Clube Cruzeiro:https://en.wikipedia.org/wiki/Esporte_Clube_Cruzeiro
Guarujá:https://en.wikipedia.org/wiki/Guaruj%C3%A1,_Rio_Grande_do_Sul
Diego Maradona:https://en.wikipedia.org/wiki/Diego_Maradona
Rivaldo:https://en.wikipedia.org/wiki/Rivaldo
Ronaldo:https://en.wikipedia.org/wiki/Ronaldo_(Brazilian_footballer)
Romário:https://en.wikipedia.org/wiki/Rom%C3%A1rio
Rivelino:https://en.wikipedia.org/wiki/Rivellino
Paris Saint-Germain:https://en.wikipedia.org/wiki/Paris_Saint-Germain_FC
FC Barcelona:https://en.wikipedia.org/wiki/FC_Barcelona
FIFA:https://en.wikipedia.org/wiki/FIFA
FIFA World Player of the Year:https://en.wikipedia.org/wiki/FIFA_World_Player_of_the_Year
FIFPRO:https://en.wikipedia.org/wiki/FIFPRO#FIFPRO_World_Player_of_the_Year_(2005%E2%80%932008)
AC Milan:https://en.wikipedia.org/wiki/AC_Milan
Flamengo:https://en.wikipedia.org/wiki/CR_Flamengo
Atlético Mineiro:https://en.wikipedia.org/wiki/Clube_Atl%C3%A9tico_Mineiro
Flumense:https://en.wikipedia.org/wiki/Fluminense_FC
Querétaro:https://en.wikipedia.org/wiki/Quer%C3%A9taro_F.C.