Remedios Varo

María de los Remedios Alicia Rodriga Varo y Uranda, kaj tiktukeytiat Remedios Varo, nesik tik ne techan Anglés, tik Gerona, España, se tunal majtakti chikume pal ne metzti majtakti ume tik ne shiwit se shikipil chiknawi tzunti chikwey (16/12/1908).

Yaja se takwikwiluani^[1] surrealistaj^[2] wan se tawawasuani katka.

Ipanpa itunal

Remedios iteku itukey Rodrigo Varo y Zejalvo wan inan itukey Ignacia Uranga. Remedios kipia katka se imanuj itukey Rodrigo wan ikaw itukey Luis. Remedios itukey walak pal ne Virgen de los Remedios.

Yaja kuyuka pal ne iyulu katka. Yaja siwapilchin sujsul igustuj kikwikwilua katka.

Tik ne shiwit se shikipil chiknawi se pual nawi (1924), kwak Remedios kipia katka majtaki makwil shiwit, yaja yajki mumachtia ka ne Tamachtiluyan^[3] pal San Fernando tik Madrid. Yaja se pal ne ajachtu sijsiwapipil mujmumachtianimet pal uni Tamachtiluyan. Kwak yaja mumachtiani kishmati ujukseuk wey tajtawawasuanimet wan tajtakwikwiluanimet namej Fernando Gardía Lorca wan Salvador Dalí katka. Tik ne shiwit se shikipil chiknawi tzunti se pual majtakti (1930) yaja tami mumachtia katka.

Tik ne shiwit se shikipil chiknawi tzunti ume pual chikume (1947), Remedios yawi Venezuela wan yaja itekiw kwikwilua chikitikchin kojtanchanej^[4].

Tik ne shiwit chiknawi tzunti ume pual chiknawi (1949) Remedios yawi México wan munamiktia iwan ne austriachanej tatuktiani Walter Gruen katka. Tik México Remedios kishmati wey ichaku: ne inglaterrachanej takwikwiluani Leonora Carrington.

Ne ikwijkwikwil:

A mi amigo Agustín Lazo (1945)
Dolor reumático (1948).
Alegoría del invierno (1948).
Premonición (1953).
Ciencia inútil o El Alquimista (1955).
Roulotte (1955).
El paraíso de los gatos (1955).
Simpatía o La rabia del gato (1955).
La calle de las presencias ocultas (1956).
La creación de las aves (1957).
Papilla estelar (1958).
Encuentro o La cita (1959).
Mujer saliendo del psicoanalista (1960).
Vampiro (1961).
Naturaleza muerta resucitanto (1963).

Keman mikik?

Remedios Varo mikik tik Ciudad de México, México, se tunal chikwey pal ne metzti majtakti tik ne shiwit se shikipil chiknawi tzunti yey pual yey (8/10/1963). Yaja mikik tamik iijiu. Kitalpachujket kan nemit shajshaput “Panteón Jardín” tik México.

Remedios ishulejyu ikintakulia “Museo de arte moderno” tik México ne ikwikwil pal Remedios katka.

Ipampa ini

↑ Pintora
↑ Surrealista
↑ Academia
↑ Ilustradora entomóloga

Ijilpika

https://es.wikipedia.org/wiki/Remedios_Varo

[1] Pintora

[2] Surrealista

[3] Academia

[4] Ilustradora entomóloga

[1]

[2]

[3]

[4]