Wp/ppl/Puchut

Ne itakil ne puchut wan ne datka ka ijtik ne itakil kachka ne ichkat

Ne ishuchiyu ne puchut

Ne puchut

Ne itzinu ne puchut kipia iwitzyu

Ne puchut se kwawit nemi ka ijpak ne talmet tutunik ka itajku ka Américaj. Tajtamatinimet kitukeytijket ini kwawit "Ceiba pentandra". Ne iweyaka yaja anka 60 (yey pual) tamachiwalis u anka 70 (yey pual majtakti) tamachiwalis. Tiwelit tikchiwat tzintalijka u patznaj u uksé dajdatka iwan ini kwawit.

Ne ijiswayu ne puchut kachka tumejmey, iwan anka 5 (makwikl) u 9 (chiknawi) ijiswayuchichín. Ne itzinu ne puchut sujsul tumawak wan ne itzinweyaka chamawak. Ne itzinu ini kwawit kipia iwitzyu. Ishujshuchiyu, yejemet kuchiltik wan kutultik, wan kachka tumejmey. Ne itakil yaja achtu shushuknaj, wan nemanha kupuknaj, wan yaja kachka ne itakil ne kakawat. Ijiish nemit ka ijtik se datka kachka ne ichkat.

Ne puchut se wey kwawit pal ne Nawamet ika yaja panu ka yey Taltikpak: ka né ka Miktan, ka nikan ka Tutalyu, wan ka né ka Ikajku.