Ne papalut se insectoj ipal ne orden itukay Lepidoptera. Sejse yejemet tay patanit ka tayua intachishka tiltik. Ne sejseuk patanit ka tunal wan intachiska tultik, lala, chiltik, susul, istak u sejseuk. Ne papalut nesi ken chikitik teksisti, tik ne kisa se kwilin wan nemanha muchiwa tik pupaj ipal kisa ne papalut. Ne kwijkwilin kikwat ne
iswat u shuchit ipal ne kwawit, tekpat, sakat, wan miak tatuk ken ne mil. Sejse yejemet muchiwat pespej ka sujsul teyek ipal ne tatuk wan timunekit tikinmiktiat. Melka uni, nemi se kwilin ka kichiwa itzawal itukay sedaj ne munamaka pal kichiwat yektzin kwajkwachti. Ne weymet papalut tesu muchiwat pespej ika yejemet tesu kikwat ne tatuk, semaya kichinat ne iayu ne shuchit. Ne papalut nemi ne achtu intakwal ne tzinakan wan ne tutut. Nusan, achka muchi chanejket kinekit sujsul ne yektzin pajpapalut ken ne « morfo susul » ka tikajsit tik ne Shiktal wan sejse kiskaliat pal kinamakat.
