Wp/ppl/Orange County, California

Orange County tiktukeytiat O.C. se takutun tik California kan nemi ne wey puyek at. Orange County nemi ka tani^[1] Los Angeles, California.

Se pual majtakti tzunti shikipil (3,000,000) iijikniwan ichan tik Orange County. Ne tejtechan Anaheim, Santa Ana, wan Irvine(tik Orange County) kinpiat sujsul iijikniwan.

Ne takutun(Orange County) kipia se pual majtakti nawi(34) techan. Santa Ana, Tustin, Anaheim, Orange wan Fullerton ne tejtechan ukikman.

Sujsul pashaluani^[2] witzet ka Orange County kinhitat Disneyland Resort, Knott's Berry Farm, Mission San Juan Capistrano, wan Angel Stadium.

Ne iijikniwan ikman

Achtu ne iijikniwan ikman Tongvachanejket wan Acjachenemket inchan tik Orange County. Tik Orange County ne Tongvachanejket inchan kan witz ne ejekat wan ne Acjachenemket inchan ka itzinu^[3] Orange County katka.

Ne intalyu^[4] Tongvachanejket itukey Tovaangar. Pal yey shikipil(3,000) shijshiwit ne Tongvachanejket wan ne Acjachenemket inchan tik Orange County.

Ne Spanishchanejket kiejkut tik ne shiwit se shikipil chikume tzunti yey pual chiknawi(1769). Ne Spanishchanejket kichiwki se tiupan Mission San Juan Capistrano tik ne shiwit se shikipil chikume tzunti yey pual kashtul se(1776).

Nemi katka sujsul tajtasumalis inwan ne Spanishchanejket wan ne ijikmanchanejket. Yey shikipil se tzunti ume pual majtakti yey(3,153) ikman mikik ka tiupan Mission San Juan Capistrano ika kijkikulis.

Nemanha ukEuropechanejket walajket ka Orange County wan kinchiwkik uktejtechan.

Inpanpa ne shijshiwit 1800

Tik ne shijshiwit se shikipil chikwey tzunti ume pual majtakti(1850) ne Europechanejket kintukat shujshukumekat^[5] katka. Ne Europachanejket kipiat sujsul shukumekatal wan tik ne shiwit se shikipil chikwey tzunti ume pual kashtul ume(1857) ume pual majtakti Germanchanejket kichiwkik ne techan Anaheim. Tik ne shiwit se shikipil chikwey tzunti yey pual kashtul(1875) nemi katka ume pual majtakti kalatchichik.

Tik ne shiwit se shikipil chikwey tzunti nawi pual chikume(1887) ne ijikniwan kinhajsit pepeyuka tet^[6] tik ne tejtepet Santa Ana.

Anhan Orange County

An tik Orange County, kan witz ne ejekat, sujsul ijikniwan chichiuk^[7] inchan wan ne ijikniwan pujpudiente^[8] inchan kan nemi wey puyek at. Orange County kan witz ne ejekat kipiat ukLatinochanejket wan kan nemi wey puyek at kipiat ukEuropechanejket. Ne tejtechan Anaheim, Orange, Fullerton, Santa Ana, Buena Park kan nemi witz ne ejekat. Ne tejtechan Irvine, Laguna Hills, Newport Beach, Lake Forest, Mission Viejo, San Juan Capistrano kan nemi wey puyek at.