Wp/ppl/Ne ikuyu ne ichti

Se ikuyu ne ichti. Tamatinimet kitukeytijtuk "Agave americana".

Ne ishuchiyu se ikuyu ne ichti

Ikujkuyuchichín ne ichti mulintiwit ka ijpak ne akat ka itajku se ikuyu ne ichti. Ini ikuyu ne ichti tamatinimet kitukeytijtuk "Agave angustifolia".

Ne ikuyu ne ichti

Ne ikuyu ne ichti ne intukey miak inkujkuyu tik kastiyaj intukey "maguey". Tajtamatinimet kintukeytijket "Agave" wan uksé itukey pal sejsé ikuyu.

Ne ikuyu ne ichti chamawak wan ijiswayu tepuntik wan tzuntamej. Ka ijpak ne itajku ne ikuyu ne ichti mulini se kojtik akat kan siujsiujti mulini ne ishuchiyu yaja, wan uksiujsiujti mulinit ikujkuyuchichín ne ichti tejemet tiwelit tiktukat pal weyat yejemet.

Siujti tejemet tikishtiat ne itajku ne ikuyu ne ichti pal tikishtiliat ne iayu pal tikunit isel u pal tikajkawat ma muchiwa uksituk pal titawanat.

Tejemet tiwelit tikishtiliat ne ichti ne ijiswayu ne ikuyu. Tejemet tikchiwat mekat iwan ne ichti.