Wp/ppl/Nantzin Elsa López
Nantzin Elsa López [1]
Yaja itukey Elsa wan itzuntukey Lopez García. Yaja nesik se tunal se pual chikwasen pal ne metzti yey tik ne shiwit se shikipil chiknawi tzunti ume pual majtakti se (1951). Ne itechan itukey Witzapan, ne ichan nemi tik ne kajkal itukey Calvario. Yaja se Nawataketzani.
Ne inan Nantzin Elsa itukey katka Agustina wan izuntukey katka García. Yaja tekiti katka ne sukit. Yaja kichiwki miak kumal. Yaja se Nawataketzani katka nusan.
Ne iteku Nantzin Elsa itukey katka Marcelo wan izuntukey katka López. Yaja tekiti katka tik ne kojtan. Yaja se Nawataketzani katka nusan.
Nantzin Elsa ishulejyu itukey Tajtzin Juan wan itzuntukey Cruz Torres. Yaja tekiti tik ne kojtan. Yaja kituka mil, wan alborotaj, wan chil. Yaja se Nawataketzani nusan. Yejemet kipiat chikwasen ipilawan;
Ne achtu itukey Delmi, itzuntukey López. Yaja tekiti ne sukit. Yaja kichiwa kumal.
Ne uksé itukey Ercilia, itzuntukey López. Yaja tekiti ne sukit. Yaja nusan se tatzumani wan nusan kinamaka takwal tik ne kojtan.
Ne ukseuk itukey Rosaura, itzuntukey López. Yaja tekiti ne sukit. Yaja kichiwa kumal, kumit, nusan tik ne kojtan.
Ne ukseuk itukey Yolanda, itzuntukey López. Yaja tekiti ne sukit wan kichiwa kumal wan kumit. Ne ukseuk itukey Elsa del Carmen, itzuntkey López. Yaja tekiti ne sukit.
Ne tzinpe itukey Maria Verónica, itzuntukey López. Yaja tekiti ne sukit.
Ne Nantzin Elsa tekiti katka ne sukit wan kichiwki miak kujkumal onbrón wan chikitik, peroj an yaja maya tekiti kichiwa chijchikitik kumal.[2]