Wp/ppl/Marsha P. Johnson
Marsha P. Johnson
[edit | edit source]Marsha P. Johnson kaj tiktukeytiat ne innan inpal ne tuijikniwan LGBT. Marsha P Johson nesik se tunal se pual nawi pal ne metzti chikwey tik ne shiwit se shikipil chiknawi tzunti ume pual makwil (1945). Ne ichan nemi tik ne techan Elizabeth, Nueva Jersey tik ne Ejestadoj Senputzujtuk.
.jpg)
Yaja siwayulu[1] wan tapalewiani[2] katka.
Ne itunal ichtaka
[edit | edit source]Ne inan itukey katka Alberta Claiborne. Yaja tekiti tik ne kal katka. Ne iteku itukey Malcolm Michaels Sr. katka. Yaja tekitini tik ne General Motors katka. Johnson kipia nawi iikawan wan ume imajmanujwan katka. Kwak chikitik Johnson igustuj kitalij ikwey. Ne itejtekuwan tesu kineki Johnson ika yaja piltzinsiwat katka. Yaja nemi pal kiajkawa ne ichan kwak yaja kipia kashtul shiwit katka. Johnson nujnuntzin wan munamakani[3] katka.
Tay kichiwki?
[edit | edit source]Tik se tunal se pual chikwey pal ne metzti chikwasen tik ne shiwit se shikipil chiknawi tzunti yey pual chiknawi (1969) Johnson tapalewiani tik ne Stonewall Riot[4] kan yaja kikumima ne achtu taltatatuk katka. Yaja wan ukse tuijikniwan LGBT kitajtani tatuktialis wan tamakishtilis[5] katka.
Yajuni ne shiwit Marsha P. Johnson wan ichaku Sylvia Rivera kichiwat ne sentekitit wan ne kal S.T.A.R[6] katka. Yejemet kinmakat taiwan, kwachti wan ne inchan pal ukse tuijikniwan LGBT nujnujnuntzintzin wan chijchichiuk tik ne wey techan Nueva York.
Ken mikik?
[edit | edit source]Johnson mikik se tunal chikwasen pal ne metzi chikume tik ne shiwit se shikipil chiknawi tzunti nawi pual majtakti ume (1992). Ne imiekawan LGBT kikumimat ne neshti ipal Johnson tik ne apan Hudson.
Tik ini ne tunal tawel kiajsit ne iweyka muaketza tik ne apan Hudson katka. Kimiktijket Marsha P. Johnson wan teuk welit kitemuat ne tamiktiani.
Ipanpa uni:
[edit | edit source]- ↑ Mujer Trans
- ↑ Activista
- ↑ Trabajador/a sexual
- ↑ Revuelta o Disturbio de Stonewall
- ↑ derecho
- ↑ Travestis Callejeras de Acción Revolucionaria
Ijilpika:
[edit | edit source]"El Legado de Marsha P. Johnson": https://www.wellpower.org/blog/el-legado-de-marsha-p-johnson/
"Marsha P Johnson: Activista y Made de la Comunidad LGBTQ": https://colombiadiversa.org/eng/blogs/marsha-p-johnson-activista-y-madre-de-la-comunidad-lgbtiq/
"Marsha P. Johnson Activista Pionera Lucha LGBT": https://www.milenio.com/cultura/marsha-johnson-activista-pionera-lucha-lgbt
"Marsha P. Johnson (1945-1992)": https://mujeresbacanas.com/marsha-p-johnson-1945-1992/
"¿Quién es Marsha P. Johnson, la activista trans que lo empezó todo?": https://www.cosmopolitan.com/es/consejos-planes/familia-amigos/a38255512/marsha-p-johnson-transexual-muerte/
"Historia. Black trans lives matter: ¿quién fue Marsha P. Johnson?": https://www.laizquierdadiario.cr/Black-trans-lives-matter-quien-fue-Marsha-P-Johnson
Marsha P. Johnson (1945-1992), Articulo del Museo Nacional de History de las Mujeres, EEUU (National Women's History Museum, USA): https://www.womenshistory.org/education-resources/biographies/marsha-p-johnson