Wp/ppl/María Julia Hernández
María Julia Hernández nesik tik ne San Francisco Goteras ne techan ombron Morazán, tik ne tunal ume pual majtakti tik ne metzti se tik ne shiwit se shikipil chiknawi tzunti se pual kashtul nawi. María Julia Hernández ne achtu tapalewiani pal yejyek tatuktialis pal tuijikniwan pal ne tiupan católica tik ne tasumalis pal Kuskatan.
Yaja kipalewia katka ne pal yejyek tatuktialis pal tuijikniwan pal ne Tajpiani wan estadoj. Yaja taketza katka pal tajtakamet yek, ne injusticia. Yaja pejki tekiti wan kalpalejtatuktiani pal Kuskatan tik ne shiwit se shikipil chiknawi tzunti yey pual kashtul ume. Yaja kipalewia katka ne wey palej wan Santoj (anhan) Oscar Arnulfo Romero Galdámez peroj ne tajtamiktianimet kinmiktijket ka Wey palej tik ne tunal se pual nawi tik ne metzti yey tik ne shiwit se shikipil chiknawi tzunti nawi pual tik ne tiupan tik kaltapajtiani Divina Providencia.
Nemahna yaja kitekiti katka wan wey palej Arturo Rivera y Damas tik ne shiwit se shikipil chiknawi tzunti nawi pual yey yaja kitukeytiat katka ne Tatuktiani pal Tutela Legal ka kalpalejtatuktiani ashta Yaja kitajtani katka justicia ipanpa ne mikilis ka wey palej Oscar Arnulfo Romero Galdámez, pajpales Jesuitas, masacre El Mozote wan ukseuk víctimas.
Tik ne shiwit ume shikipil nawi yaja kikwi katka ne doctorado Honoris Cause tik ne wey tamachtiluyan Centroamericana José Simeón Cañas (UCA). Yaja mikik ika muketzki iyulu tik ne Kuskatan tik ne tunal se pual majtakti tik ne metzti yey tik ne shiwit ume shikipil chikume.
