Jump to content

Wp/ppl/María García Herrera

From Wikimedia Incubator
< Wp‎ | ppl
Wp > ppl > María García Herrera

María García Herrera de Jovel nesik ne Villa Delgado (anhan Ciudad Delgado) techan iwan se kalpuli ka Kuskatan ne tunal se pual metzti chikwey pal ne shiwit se shikipil chiknawi tzunti se pual. Ne itejtekuwan Jorge Luis García wan Josefa del Rosario Herrera.

Yaja mumachtij  tik ne Escuela Normal de Maestras España. Yaja tamik ne tamachtiluyan kachka  ne tamachtiani tik ne shiwit se shikipil nawi pual kashtul se. Yaja pejki ka mumachia katka wey tamachtiluya Kuskatan ka Facultaj Jurisprudencias wan Ciencias Sociales

Tik ne shiwit se shikipil chiknawi tzunti ume pual yaja munamiktij wan ne tamachtiani,  tapalewiani wan tapajtiani José Efraín Jovel. Yejemet kipiaket katka nawi  inpijpipil: José Roberto, Gloria de María, Efraín Ernesto wan Jorge Luis

Tik ne shiwit se shikipil chiknawi tzunti ume pual nawi yaja muchuwki ne achtu siwat  tapalewiani ka Kuskatan. Yaja kinhilwitij ne itesis kachka tapalewiani wan notaria kan Corte Suprema de Justicia. Tik ne shiwit se shikipil chiknawi tzunti ume pual makwil yaja kichiwa katka ujti kachka  tapalewiani kan tekitki.

Ishulejyu tekitki wan wey Tajpiani Salvador Castaneda Castro, ka  Ikutu tamactilis.Tik ne tunal majtakti nawi  tik ne metzti majtakti ume tik ne shiwit se shikipil chiknawi tzunti ume pual chikyey ne piltzin Tajpiani kishtia katka ne ejestadoj ka wey Tajpiani Salvador Castaneda Castro. María García Herrera de Jovel wan imiekawan kisket katka ne tal pal Honduras.Tik ne shiwit se shikipil ume pual majtakti ume yejemet mukwepket ka Kuskatan ne tenestuk nemaha Ishulejyu mikik tik ne tulaylu Kuskatan yaja kiweyaltia katka isel ipilawan.

Uni shiwit yaja tekitki kachka wey tapalewiani tik ne ume ka achtu Instancia ka  criminal ka Sentzunhat. Nemaha yaja kitukaytia katka kachka tik ne achtu wey tapalewiani tik ne achtu instancia ka criminal ka Coshlitepec nusan ne tunal ne tapajtiani estadunidense Minnie Miller ajsik ka ne tulaylu Kuskatan .Yaja tamachtiani ka State collage ka empore. Minnie kiputzua katka wan sijsiwatket. Tik ne tunal se pual yey  tik ne metzti majtakti ume yaja kichiwa katka  ne achtu muputzujet katka ne Asociación de Mujeres Universitarias Salvadoreñas (AMUS) Ne achtu tatuktiani María García Herrera de Jovel.

Tik ne shiwit se shikipil chiknawi tzunti ume pual kashtul ume ne AMUS kiputzua  katka ka Internacional Federation of University Women (IFUW), Virginia Gilders Leeve Internacional Fund (VIGF) wan Federación  Centroamericana de Mujeres Universitarias (FECAMU).

Tik ne ukse  Shiwit  María García Herrera de Jovel kitekiti katka ka Procuraduría General de la Republica (PGR) wan Fiscalía General de la Republica (FGR)).

Mara García Herrera de Jovel mikik tik ne tunal ume tik ne metzti ume  tik ne shiwit se shikipil  chiknawi tzunti nawi pual ume .Yaja  kipia katka yey pual ume shiwit keman  yaja mikik.

María García Herrera de Jovel ne achtu tapalewiani Kuskatan