Wp/ppl/Lynn Conway
Lynn Conway
[edit | edit source]
Lynn Anne Conway nesik tik ne techan Mount Vernon tik Nueva York, se takutun ipal Estados Unidos, se tunal ume pal ne metzti se tik ne shiwit se shikipil chiknawi tzunti se pual kashtul yey (1938) wan mikik se tunal chiknawi pal ne metzti chikwasen tik ne shiwit ume shikipil se pual nawi (2024).
Yaja tatemuani pal tepustamachtilis, tawilchiwani wan tapalewiani.
Ne itunal ichtaka:
[edit | edit source]Yaja nesik piltzín wan ne itejtekuwan kiskaliat Lynn ken ne piltzín katka, melka yaja kimati yaja siwapil katka. Ne itejtekuwan kiajwat sujsul keman yejemet kitat Lynn mulintia kachka ne siwapil katka. Yaja te keman kilwij ne itejtekuwan intukey ika yaja kineki kintajpia yejemet katka. Ne itejtekuwan tamachtiani wan tawilchiwani katka.
Ken yaja siwapil katka yaja tesu chachalka, yaja kitasujta amachti katka. Tik ne tamachtiluyan, yaja sujsul igustuj ne tajtapula wan tatemualis[1] katka. Yaja yawit tik ne wey tamachtiluyan MIT tik ne shiwit se shikipil chiknawi tzunti ume pual kashtul (1955) melka yaja tea yawit ika yaja iyuluchuka katka ika yaja tesu weli kishpata ne iweyka kachka ne siwat katka.
Tatajku, tik ne shiwit se shikipil chiknawi tzunti ume pual kashtul ume wan ne shiwit se shikipil chiknawi tzunti ume pual kashtul yey (1957-1958) yaja kitekiti iwan tepustamachtilis katka, yaja kikwepilia kan ne wey tamachtilyan Univesidad de Columbia katka.
Tatajku, ne shijshiwit se shikipil chiknawi tzunti yey pual (1960) yaja tekiti tik IBM katka peroj ne tatuktiani kitalultia katka ika yaja kilwij ne tatuktiani yaja yaw-muchiwa ken se siwat. Tik ne shiwit ume shikipil ume pual (2020) IBM kilwij shinechkwepili ika ne tatuktiani kitalutia wan uni tesu yejka yek katka.
Tik ne shiwit se shikipil yey pual chikwey (1968) yaja muchiwa ken se siwat katka. Ka né pewat kitat wan kitukeytiat ken se siwat katka. Nemamha, yaja pewa tekiti tik Memorex katka melka yaja majmawi ka tuijikniwan kimatit yaja nesik piltzín wan uksenpa pulua ne itekiw katka.
Keman yaja takat katka, yaja munamiktia iwan ne siwat katka wan yaja kipia ume ipijpipil katka. Ipanpa ne uni shijshiwit tatuktialis[2], keman yaja muchiwa ken se siwat yaja tesu weli kinitaya katka.
Tik ne shiwit se shikipil chiknawi tzunti nawi pual kashtul nawi (1999) yaja pewa kilwij ne ichajchakuwan yaja muchiwki siwat[3], wan yaja tamawawasua ipanpa ne itunal wan ipanpa ken yaja muchiwa ken se siwat pal kipalewia ukse tuijikniwan kachka yaja.
Tik ne shiwit se shikipil chiknawi tzunti nawi pual chikume (1987) yaja kishmati Charles Rogers katka. Yaja igustuj pashalua ken Lynn katka. Lynn iwan Charles munamiktiat se tunal majtakti yey pal ne metzti chikwey tik ne shiwit ume shikipil ume(2002) katka.
¿Tay kichiwki?
[edit | edit source]
Lynn Conway kichiwa VLSI[4] katka. VLSI pelua ne ujti pal kichiwat microchips katka. Lynn Conway iwan Mead, ne tamachtiani ka ne wey tamachtiluyan Caltech, tamawawasuat ne amachti Introduction to VLSI systems katka. Tik ne shiwit se shikipil chiknawi tzunti yey pual kashtul yey (1978) yaja machtia ipanpa VLSi tik ne wey tamachtiluyan MIT katka, nemanha miak wey tamachtiluyan machtiat itamachtilis Lynn katka.
Lynn Conway kipalewia kichiwki yankwik dajdatka[5]: se wey tapustamachtilis[6] katka. Yaja kichiwat ne MPW[7] tapalewis[8] katka, yajika yejemet welit kinmutkitiat ne chips wan tashtawat chupi katka.
Tik ne shiwit se shikipil chiknawi tzunti nawi pual makwil (1985) yaja machtia ka ne wey tamachtiluyan Universidad de Michigan katka.
Keman yaja muneshtia muchiwki siwat katka, yaja pewa tekiti ipanpa ne tamakishtilis pal ne muchiwki sijsiwatket katka. Yaja yultaketza muchiwki sijsiwatket tesu kukuyat katka, wan yaja kitajtani ka ne muchiwki sijsiwatket welit kipiat yek tejtekiti katka.
Ne itekiw:
[edit | edit source]Lynn Conway tamawawasua miak amachti wan amat[9] katka wan yaja kinchiwki miak ne yajyankwik dajdatka katka:
- Introduction to VLSI systems
- The MPC Adventures
- The Design of VLSI design Methods
- Reminiscences of the VLSI Revolution
- MPM timing Simulation
- ACS Logic Design Conventions: A Guide for the Novice
Ne yajyankwik dajdatka kinchiwki:
[edit | edit source]- Teleautonomous System and Method Employing Time/Position Synchrony/Desynchrony
- System and Method for Teleinteraction
- Apparatus and Method for Remote Control Using a Visual Information Stream
- Visual Control Selection of Remote Mechanisms
- Method and System for Organizing and Presenting Audio/Visual Information
¿Ken mikik?
[edit | edit source]Yaja mikik se tunal chiknawi pal ne metzti chikwasen tik ne shiwit ume shikipil se pual nawi (2024) keman yaja kipia nawi pual chikwasen shiwit tik ichan tik Michikan. Yaja yulmiki katka.
Keman yaja mikik, ne imiekawan tesu kineki shuchit katka, yaja kitajtani ne tuijikniwan kitakulia tumin[10] pal ne wey tamachtiluyan Universidad de Victoria ika yaja kipia ne tamachtilis Transgender studies u kitakulia tumin pal ne Women in Engeneering Fund tik ne wey tamachtiluyan Universidad de Michigan katka; uni tumin niu-kinpalewiat ne sijsiwatket.
Ipanpa Uni:
[edit | edit source]- ↑ Investigación, ciencias.
- ↑ Las leyes de ese tiempo, las leyes de esos años.
- ↑ Mujer transgénero.
- ↑ Integración a muy gran escala, por sus siglas en inglés. [1]
- ↑ Nuevas creaciones, invenciones.
- ↑ Super computadora.
- ↑ Multriproject Wafers.
- ↑ Herramienta.
- ↑ Documentos, informes, artículos.
- ↑ Donar, hacer donaciones.
Ijilpika:
[edit | edit source]Lynn Conway biografía (Eng): https://en.wikipedia.org/wiki/Lynn_Conway
Lynn Conway, Computer History Museum (Eng): https://computerhistory.org/profile/lynn-conway/
Lynn Conway, National Inventors Hall of Fame (Eng): https://www.invent.org/inductees/lynn-conway
VLSI (Esp): https://es.wikipedia.org/wiki/Integraci%C3%B3n_a_muy_gran_escala
Supercomputer (Eng): https://en.wikipedia.org/wiki/Supercomputer
MPV, Multiproject Wafers (Eng): https://en.wikipedia.org/wiki/Multi-project_wafer_service
Lynn Conway obituario (Eng): https://memorials.sherwoodfh.com/lynn-conway/5445916/#:~:text=Lynn%20Conway%2C%20a%20visionary%20in,at%20the%20age%20of%2086.