Wp/ppl/Kuyankuat

Ne Wikipediaj Tik Nawat Achtu Iswat pal Wikipediaj Tepalewilis Tajtaiwan Chinamit

Ne kuyankuat se kuat ijtik ne cuejcuentoj pal ikman ipal ne Nahuametzali tik Kuskatan. Ne iweyka ken se kuat wan ne itzuntekun ken se kuyamet. Welit tikamaitat ipanpa tik ne iamach kan techilwijket Ynes Masin wan sejseuk (takutun 14, iswat 62) . Ka né techilwia ka ne itekuyu ne kuyankuat ne Tepewaj. Kipia nawi itekiw:

1. Weli kiwatza se apan wan weli kijkwani kan yaja kineki. Ijkiuni, weli nejnemi tik ne nekpach.
2. Kinpalewia ne Tepewaj kipanultiat muchi tay kinekit kwak kalaki ush kwak kisa ne shupan. Tesu weli kichiwa ma wetzi at wey ika semaya kiejekua muchi; yajika semaya weli kichiwa ma shijshini.
3. Nusan, ne kuyankuat kishpelwia ma te sewi ne itawil ne Tepewa. Yaja nemi pal kinnawatia su tesu tata ne tawil.
4. Yaja nusan muneki kishpelwia se wajkal iwan chalchawit pal te naka ajketzijtuk.

Ne tunoywan ipal Nawijtzalku ashan kenhaya kielnamikit ne kuyankuat . Inat ka mukaki katka kwak yaja tzajtzi keman yawi pewa shijshini. Nusan, yaja weli kichiwa ma puni ne at tik ne chawiti u apan.