Wp/ppl/Kusamalut

se kusamalut tilawak ipal David Sinson

Ne kusamalut se yawal u yawal tajku miak itajitachixka ka ikajku, se lugar que kipia ajat iwan tajtawil u ipal mejmetodo artificial. Se kusamalut ichiwa ne tunal nesi sentapal ka ikajku. Iwan nemi miak fojforma, namej ne forma comun se yawal tajku ka ne ikajku. Ne kusamalut kipiak se influencia wey tik ne kujkulturaj tutal iwan ciencia.

Tajtachialis

Nemi miak majmanera ipal italia se kusamalut. Se manera comun ika ka ikajku, namej nemi majmanera artificial ipal italia se kusamulat ika se kajkal u lujlugar inawak ajat.

Vajvariacion

Kusamalut Tialwak

Tay se variacion ipal ne kusamalut ika kipia ume kujkusamalut tik seujti.

Kusamalut Tatazayanilis

Tay se variacial nemi ume kujkusamalut namej kipia ne origen iwansan.

Kusamalut Yawal

Se kusamalut tik se forma ika yawal, weli ita ne yawal ika tajkutunal.

Kulturaj Nawa

Se wipil ipal ne techan Ikwalapan, Mexikuj. Kipia miak itajitachixka como se kusamalut.

Ne palabraj kusamalut nemi ipal ijitukay tejtechan wan ijitzuntukay tik Kuskatan. Kujkusamalut nemi tik ne mijmitologia wan kujkulturaj nawa, namej kipia influencia chikitik.

Kulturaj Nawamexikuchanej

Ipal ne tejtechan Nawamexikuchanej, tay kajkasuj que ilwia Xuchiketzal kipia se ichan ka tani se kusamalut. Tik ne estadoj ipal Guerrero, tay se kasuj ilwia ne kusamalut nesik tik se hogar que kipia tejtesoroj. Iwan tay tejtechan como Kusamaluapan tik Veracruz, Kusamalumil tik Puebla iwan Kutzamalan tik Guerrero.

Kulturaj Nawakuskatanchanej

Ne kusamalut te kipia influencia chupi tik kuskatan, namej nemi tik ne panti nacional iwan se kanton tik Nawitzalku itukay kusamalku. Tay se tzuntukay tik kuskatan itukay Casamahualpa (Kusamaluapan tik Kastiyataketzalis) tik dejdepartamaneto como Sentzunat, Ajwechapan iwan Siwatewakan. Ikwejkweyat Witzapan iwan Itzaku kipia pajpatron ika se kusamalut.

Tik Kujkulturaj Tutal

Tik tutal, ne kusamalut kipia miak sijsignificado iwan influencia tik kwajkwachti, pajpanti, kujkulturaj pop, sojson, iwan rejreligion.

Ne Siwapiltzin Ixpupuyut(1856) ipal John Everett Millais. Tay se kusamalut tilawak ipal ilwitia ne situacion mutechtialis ipal ne siwapil.

Peruchanej Ijikman ekua ne wiphala

Kulturaj Quechuachanej iwan Aymarachanej

Tik ne kujkulturaj Quechuachanej iwan Aymarachanej, tay se panti kusamalut itukay ne wiphala. Ne wiphala kipia miak itajitajchixka tik se forma ketza, kipia se origen ijikman. Inemi tik ne kulturaj Tiwanakuchanej ke inemik tik ne xijxiwit 1580 BC-AD 1187. Namej te tay informacion ipal ne significado tik ne contexto Tiwanakuchanej. Tik ne tuchan pojpoliticoj nemi ikniwan ijikman ekua pal se symbuluj ipal ne tejtechan ijikman.

Se kwikwilia ipal ne siwatiutzin Iris, kwikwiluani desconocido

Kulturaj Grekujchanej-Romanujchanej

Tik ne mitologia grekuj-romanuj, tay se siwatiutzin itukay Iris ipal ne kujkusamalut iwan ne mensajera ipal ne tiutchanej. Tik tajtajetzalis ipal ne imiekawan Romanuj, ne kusamalut itukay arcoiris (arco ipal Iris).

Kulturaj Albaneschanej

Ne kulturaj albaneschanej alnamiki ne kusamalut se ipaxaj ipal ne siwatiutzin Prende. Iwan tik kajkasuj ijikman, yejemet ilwia que ikniwan weli ixpata igeneroj si tzikwini kajkuwik se kusamalut.

Kulturaj Australinuchanej Ijikman

Tik ne mijimitologiaj Australinuchanej ijikman nemi se kuat kusamalut, kipia miak ijitukay iwan nemi tiut ipal ne wetzi at.

Tik Kujkulturaj Uk

• Ipal ne Dinechanej, ne kusamalut se ujti ipal ne tujtunal wey iwan kwikwilujtuk tik miak kwijkwikwilua axal.

• Ipal ne Mayachanej, tay se siwatiutzin itukay Ix Chel. Yaja siwatiutzin tekwani ipal ne pajpajti iwan tiskalialis. Tik Poqomchitaketzalis, ne kusamalut itukay chel.

• Tik ne kulturaj Mesopotamiachanej ijikman, ne siwatiutzin ipal ne kusamalut itukay Manzat.

• Tik ne mitologia Chinachanej, tay se kuat que kipia ume itzuntekun ika itukay Hong, yaja tiut ipal ne kusamalut.

Tik Ne Kulturaj Pop

Tik ne tutal, ne kusamalut kipia miak sijsignificado. Tik ne techan politicoj, ne panti kusamalut representa ne techan LGBTQIA+, iwan se son wey itukay "ajkuik ne kusamalut" pal ne pelicula Ne Lujlun ipal Oz.

• 
  Panti LGBTQIA tik Madrid, nemi se kusamalut.
• 
  Xujxuchit kusamalut ka ixpan se itentzajka.
• 
  Se tzatzasnaj kusamalut ka se itentzajka.
• 
  Se tren kipia ne kusamalut kwikwilnaj.
• 
  Ne tejtechan autsimujchanej iwan tejtechan neurodiversidad kipia se symbuluj infinidad ika se kusamalut.
• 
  Tik japon, nemi se tapanualis kusamalut.
• 
  Tik ne panti tajku, nemi se kusamalut.
• 
  Se kusamalut yawal tik Kwatemalan.

Ijipika

• Live Science

• Different Kinds of Rainbows