Jump to content

Wp/ppl/José Simeón Cañas y Villacorta

From Wikimedia Incubator
< Wp‎ | ppl
Wp > ppl > José Simeón Cañas y Villacorta

Jose Simeon Cañas y Villacorta nesi tik Tzakatekulukan, Kuskatan tik ne 18 Metzti Ume 1767 wan miki tik San Vicente, Kuskatan ne 4 Metzti Yey 1838 katka. Yaja palej, tapajtiani, wan tamakishtiani pal El Salvador wan Centroamerica katka. Yaja diputado pal Guatemala tik 1813 wan 1820, wan diputado pal Centroamerica. Yaja kitajtani kimakishtia ne tiltikchin Centroamericachanej tik 21 Metzti Majtaki Ume pal 1823 katka. Yejemet tejtekitit kaj tesu kitashtawijket katka.

Cañas nesi tik tzakatekulukan, iteku Pablo de Cañas wan inan Lucia de Villacorta y Barahona katka. Taja pal se imiekawan pujpudiente pal España katka. Yaja mumachtiani tik Tamachtiluyan San Francisco de Borja wan neman tik ne Tamachtiluyan Pontificia de San Carlos Borromeo tik Guatemala katka. Yaja mumachtia pal Dios wan pal yultaketza katka. Yaja tatuktiani pal Tamachtiluyan San Carlos tik 1802 katka. Yaja tasumani pal Centroamerica tik 1821 iwan José Matías Delgado, Juan Manuel Rodriguez wan Manuel José Arce katka.

Cañas miki ne Metzti Yey pal 1838 katka. Kitalpachua iweyka tik tiupan El Pilar tik San Vicente katka. Ne tajtawawasuanimet Ramon Lopez Jimenez wan Jorge Lardé y Larín kimawawasuat ipanpa katka. Nusan, ne achtu tamachtiluyan pal tashtawa kipia ne itukey ipanpa pal tikelnamikit katka.

Tik 16 Metzti Se pal 1913, keman ne tatuktiani Manuel Enrique Araujo yawi ka Tzakatekulukan, kichiwat se itzuntekun iwan tet pal Cañas katka. Kitalia ne itzuntekun wan tet inawak ne tiupan ipal ne techan katka. An, tikanat. Tik shiwit 1967, tikchiwat se takat pal tepusti pal Jose Simeon Cañas wan kitaliat ka ne tajkutechan katka kaj itukey kenha yaja. Ne tajkutechan nemi itajku pal techan. Nusan, nemi ujukseuk ume tuijikniwan pal tepusti tik tajkutechan; se siwat iwan ikunew, wan se tiltikchin takat.