Wp/ppl/Jane Austen

Jane Austen

Jane Austen nesik tik se chikitik kojtantechan tik Hampshire, se takutun Ipal Inglaterra, se tunal majtakti chikwasen pal ne mezti majtakti ume tik ne shiwit se shikipil chikume tzunti yey pual kashtul (1775), wan mikik se tunal majtakti chikwey pal ne mezti chikume tik ne shiwit se shikipil chikwey tzunti kashtul ume (1817).

Yaja se tawawasuani.

Ne itunal ichtaka

Ne inan itukey katka Cassandra Leigh. Ne imiekawan inan pujpudiente katka. Ne iteku itukey katka George Austen. Yaja mutekitilia pal Tiupan^[1].

Tik ne shiwit se shikipil chikume tzunti nawi pual yey (1783) Jane wan ne ipipi Casandra yawit ka Oxford pal mumachtia iwan Anne Cawley katka. Se shiwit nemanha, yaja kiwika ne sijsiwapipil ka Southampton. Tik ne shiwit se shikipil chikume tzunti nawi pual nawi (1784) Jane wan ne ipipi kinkwepiliat ka ne inchan ika yejemet kukuyat^[2] katka. Tik ne shiwit se shikipil chikume tzunti nawi pual makwil (1785) Jane wan ne ipipi mumachtiat ka ne tamachtiluyan pal sijsiwapipil ka ne tiupan tik Reading^[3] katka; man, Jane mumachtia francés tajtaketzalis, tamawawasua, tatzuma, mijtutilis, wan ne son katka. Tik ne shijshiwit, ka Inglaterra ne mujmumactianimet nakat tik ne tamachtiluyan nujme ne shitwit katka. Tik ne shiwit se shikipil chikume tzunti nawi pual chikwasen (1786) Jane wan ne ipipi kinkwepiliat ka ne inchan katka ika ne tamachtiluyan wey ipatiw katka.

Jane mumachtia ipanpa amatachia katka. Ne iteku wan ne imajmanuwan James wan Henri kimachtiat Jane katka. Yaja iteku kipia se kalamachti wan Jane weli yawi amatachia man, yaja nusan weli yawi amatachia tik ne kalamachti pal se inchaku imiekawan katka. Ne iteku kikua wey ipatiw ne amat wan ne dajdatka pal tawawasua wan kitajkwilua katka.

Keman Jane kipia majtakti se shiwit katka, yaja pewa tamawawasua takwikalis wan cajcasoj katka. Se casoj itukey Love and Freindship ^[4]yaja tamawawasua keman yaja kipia majtakti nawi shiwit tik ne shiwit se shikipil chikume tzunti nawi pual majtakti (1790). Keman yaja kipia pijpuluwan katka, yaja tamawawasua cajcasoj pal yejemet katka.

Intzalan ne metzti majtakti se tik ne shiwit se shikipil chikume tzunti nawi pual kashtul (1795) wan ne metzti se tik ne shiwit se shikipil chikume tztunti nawi pual kashtul se (1796) Jane tamawawasua ne ipipil pal kilwia yaja yultaketza se ichaku Tom Lefroy kineki munamiktia iwan yaja katka. Yaja tamawawasua ne ipipil su Tom Lefroy kitajtanilia, yaja kilwia eje katka. Jane te keman munamiktia iwan Tom Lefroy katka, ne imiekawan kituktia Tom wejka.

Ka ne mezti majtakti ume tik ne shiwit se shikipil chikwey tzunti ume (1802) Harris Brigg-Wither kineki munamiktia iwan Jane katka, achtu yaja kilwia eje, peroj, nemanha yaja kilwia tesu katka. Jane te keman munamiktia katka.

Tay kichiwki?

Jane Austen tamawawasua miak cajcasoj pal imiekawan katka wan nemanha yaja kinamaka icasoj itukey Susan ka Crosby&Company kaj tashtawa £ 10^[5]. Yejemet te keman kichiwat yaja icasoj pal kinamakat^[6]. Jane kwalani katka ika Crosby&Company te keman kichiwat ne amachti. Yejemet kilwiat yejemet te keman kilwiat yejemet niu-kichiwat ne amachti melka yaja pewa kikua ne casoj uksenpa. Yaja tesu weli tashtawa katka melka nemanha yaja weli tashtawa icasoj uksenpa katka.

Ne itekiw:

Jane Austen kenha miak sijsiwatket tamawawasuani tik ne shijshiwit tesu kitaliat intukey wan intzuntukey tik ne ajamachti inpal yejemte ika ne tuijikniwan kimatit sijsiwatket maya nemit pal inan wan isiwaw. Sijsiwatket tamawawasuani te keman kitaliat inkukey tik ne ajamachti inpal yejemet pal tesu tuijikniwak kimatit yejemet tesu yejka sijsiwatket. Maya nemanha yaja mikik, yaja imiekawan kitalia ne itukey tik ne ajamachti ipal yaja.

Ne iajamachti:

Lady Susan

Sense and Sensibility

Pride and Prejudice

Mansfield Park

Emma

Northanger Abbey

Persuation

Ken mikik?

Jane Austen pewa kukunawi tik ne shiwit se shikipil chikwey tzunti kashtul se (1816) katka wan nemanha, yaja kukuya katka. Yaja tesu kiajkawa tamawawasua katka melka yaja kukuya katka. Yaja tamawawasua yaja kiajkawa tamawawasua ne tunal kashtul yey pal ne mezti yey tik ne shiwit se shikipil chikwey tzunti kashtul ume (1817)katka. Ipanpa ne kukulis yaja sujsul kujkukuk katka.

Jane Austen mikik tik ne techan Winchester, se tunal kashtul yey pal ne mezti chikume tik ne shiwit se shikipil chikwey tzunti kashtul ume (1817). Kitukaket yaja tik ne tiupan Winchester.

Ipanpa uni:

↑ Religioso, rector de parroquia de la tradición Anglicana.
↑ Tifus
↑ Escuela de niñas de la abadìa de Reading.
↑ El título se mantiene así, aunque Jane Austen lo escribió con un error de ortografía.
↑ Libra esterlina, moneda de Inglaterra.
↑ Publicaron.