H.P. Lovecraft

Howard Phillips Lovecraft, kaj tiktukeytiat H.P. Lovecraft, nesik tik ne techan Providence, tik Rhode Island, Estados Unidos, se tunal se pual pal ne metzti majtakti ume tik ne shiwit se shikipil chikwey tzunti nawi pual majtakti (20/09/1890).

Yaja se wey tawawasuani.

Itunal ichkata.

Lovecraft iteku itukey Winfield Scott Lovecraft wan inan itukey Sarah Susan Phillips. Iteku mikik kwak Lovecraft kipia chikwey shiwit katka.

Lovecraft mumachtia amatachia kwak yaja kipia yey shiwit katka. Yaja sujsul igustuj amatachia ken Sherlock Holmes wan "Corazón delator" pal Edgar Allan Poe. Kwak Lovecraft piltzinchin yaja sujsul igustuj kiishkejketza cajcasoj ka kojtan katka.

Yaja tesu yawi tamachtiluyan ikan yaja mumachtia tik ne ichan katka. Yaja kukunawi miak tanestuk katka.

Kwak Lovecraft kipia majtakti nawi shiwit, itatanoy Whipple Van Buren Phillips mikik. Lovecraft sujsul iyulu chuka yaja kineki mumiktia katka.

Lovecraft neki mumachtia ne sijsital^[1] tik ne wey tamachtiluyan, melka yaja tesu weli ikan yaja kuyuka.

Kwak Lovecraft kipia se pual majtakti shiwit, inan mikik, kay yaja sujsul neki. Ume metzti nemanha inan mikik, Lovecraft kishmati Sonia H. Greene, se shumpetanamakana^[2] wan tawawasuani. Yejemet munamiktiat tik ne shiwit se shikipil chiknawi tzunti se pual nawi (1924).

Lovecraft sujsul tzinshuti.

Ne itekiw.

Kwak Lovecraft kipia kashtul shiwit yaja wawasua achtu icasoj itukey “La bestia en la cueva”.

Tik ne shiwit se shikipil chiknawi tzunti se pual yey (1923) yaja wawasua ne pichawak amachti^[3] “The Conservative” katka. Uni shiwit, ne pichawak amachti “Weird Tales” kikinhilwitia miak Lovecraft icasoj katka. Ka né Lovecraft kishmati ujukseuk tajtawawasuanimet namej Robert Bloch, Clark Ashton Smith, Frank Belknap Long, August Derleth wan Robert E. Howard, tawawasuani pal “Conan el Bárbaro”, Lovecraft wey ichaku. Yejemet kichiwa ne “Yawal pal Lovecraft” katka.

Lovecraft kiwawasua miak amachti, wan itekiw namej tawawasuani ichtaka^[4] nusan katka.

Ne imajmachti:

El Alquimista (1908).
Dagón (1917).
Los gatos de Ulthar (1920).
La música de Erich Zann (1921).
La llamada de Cthulhu (1926).
El caso de Charles Dexter Ward (1927).
El color del espacio exterior (1927).
Historia del Necronomicon (1927).
El horror de Dunwich (1928).
El que susurra en la oscuridad (1930).
En las montañas de la locura (1931).
La sombra sobre Innsmouth (1931).
Los sueños en la casa de la bruja (1932).
El ser del umbral (1933).
El clérigo malvado (1933).

Keman Mikik?

Lovecraft mikik tik Providence se tunal kashtul pal ne metzti yey tik ne shiwit se shikipil chiknawi tzunti se pual kashtul ume (1937). Yaja kukuya pal ne iijijtimekayu.

Yaja kitalpachujket kan nemit shajshaput “Swan Point” iwan ne imiekawan.

Ipampa ini

↑ Astronomía
↑ Vendedora de sombreros
↑ Revista
↑ Escritor fantasma (Ghostwriter)

Ijilpika

https://es.wikipedia.org/wiki/H._P._Lovecraft

[1] Astronomía

[2] Vendedora de sombreros

[3] Revista

[4] Escritor fantasma (Ghostwriter)

[1]

[2]

[3]

[4]