Wp/ppl/Florence Welch
Florence Welch
[edit | edit source]
Florence Leontine Mary Welch nesik tik ne techan Camberwell tik Londres, se takutun ipal Inglaterra, se tunal se pual chikwey pal ne metzti chikwey tik ne shiwit se shikipil chiknawi tzunti nawi pual chikwasen (1986).
Florence Welch takwikani wan takwikalismawawasuani. Yaja inwan ukse tajtakwikanimet tiktukeytiat Florence and the Machine.
Ne itunal ichtaka:
[edit | edit source]Ne inan itukey Evenlyn Welch, se Estados Unidoschanej. Yaja se tatuktiani tik ne wey tamachtiluyan Universidad de Bristol. Ne iteku itukey Nick Russel Welch, se Inglaterrachanej. Yaja se tapalewiani pal tanamaka. Florence Estados Unidoschanej wan Inglaterrachanej nusan. Yaja kipia ume iikawan, yejemet intukey Grace wan J.J.
Keman Florence siwapil, ne inoya yulmaka yaja pal Florence takwika wan tamawawasua takwikalis katka. Florence tamawawasua miak takwikalis ipanpa inoya katka. Yaja takwika keman ne ujume munamiktiat wan keman nuknew mikik katka.
Keman Florence kipia majtakti yey, ne itejtekuwanyaja muajkawat[1] yajika Florence kipia nawi chupi-iikawan.
Iwan ne itakwikalis “Hunger” yaja taketza ipanpa ne tesu-takwa kukulis[2] yaja kipia keman yaja siwapil katka. Yaja kilwij ika yaja sujsul majmawi , yaja tawana, tesu takwa wan kiuni pajti wan yaja tesu kukuya katka.
Yaja mumachtia tik ne tamachtiluyan Thomas` London Day School wan Alleyn`s School katka. Yaja yek mumachtiani melka ne tajtamachtianimet kajkwa yaja ika yaja takwika ka ne tamachtilis wan yaja tzajtzi keman yaja takwika katka.
Yaja tasujta amachti, melka yaja kipia dislexia, se kukulis ipanpa uej amataketza u uej tamawawasua. Yaja kipia dispraxia nusan, se kukulis ipanpa uej uluni. Yaja kilwij iwan ne son wan amachti yaja nejmacnemi wan yulpajpaki.
Yaja pewa mumachtia tik ne wey tamachtiluyan Camberwel College of Arts katka melka tea yawi ika yaja kineki kita su yaja kiweli takwikani katka.
Yaja yultaketza muchi ne sijsiwatket wan muchi ne LGBTQIA+ tuijikniwan nemit pal kipia muchi ne tamakishtilis[3]. Yaja kinyulmaka ne tuijikniwan pal kitakuliat[4] tumin pal ne itamakistilis sijsiwatket katka.
¿Tay kichiwki?
[edit | edit source]Yaja takwikani wan takwikalismawawasuani. Tik ne shiwit ume shikipil chikwey (2008), yaja tamawawasua se amachti itukey Useless Magic.
Keman Florence iwan ne ichaku Isabella pewat kichiwat ne son katka, yejemet kipiat ne pajpakitilis[5]: ne ikujkumpawan kitukeytiat Florence ken Florence Robot wan Isabella ken Isabella Machine, wan nemanha, yejemet kitukeytiat Florence wan ne Machine keman yejemet takwikat.
Florence wan ne ikujkupawan takwikani kimakat ka kimatit ne achtu inson[6] se tunal chikwasen pal ne meztti chikwasen tik ne shiwit ume shikipil chiknawi (2009). Florence and the Machine kinamakat se tzunti shikipil tik se metzti katka. Ne inson sujsul kishmati tik Estados Unidos, Inglaterra wan Irlanda katka.
Ne ume inson itukey Ceremonials. Florence and the Machine kimakat ka kimatit se tunal se pual majtakti se pal ne metzti majtakti tik ne shiwit se shikipil majtakti se (2011).
Tik ne mezti ume tik ne shiwit se shikipil kashtul (2015), yejemet kimakat ka kimatit ne yey takwikalis itukey How Big, How Blue, How Beautiful. Ne intakwikalis sujsul kishmatit tik Estados Unidos, Reino Unido wan Canada.
Ne yankiwik intakwikalis Florence and the Machine itukey Dance Fever. Yaja kisa tik ne shiwit ume shikipil se pual ume (2022).
Ne itekiw:
[edit | edit source]Florence wan ne ikujkumpawan kipia miak takwikalis wan Florence tamawawasua takwikalis isel wan pal ukse takwikani. Yaja takwika iwan ukse takwikani nusan.
_(cropped).jpg)
Florence and the Machine son[7]:
[edit | edit source]Lungs
Ceremonial
How Big, How Blue, How Beautiful
High as Hope
Dance Fever
Florence ukse takwikalis pal ukse tajtakwikanimet:
[edit | edit source]Goodnight Gotham
To Be Human
Easier
Florida!!!
Takwikalis kan Florence takwika inwan ukse tajtakwikanimet:
[edit | edit source]Sweet Nothing
Wild Season
Riverside
She`s No Sense
Here Lies Love
My Baby Just Cares for Me
I Come Apart
Neon Citied Sea
Yalla
Swarm
Midnight
The Other Side
Hey Girl
Wild Horses
Sonet 29
Ipanpa uni:
[edit | edit source]- ↑ Se divorciaron.
- ↑ Anorexia, desorden alimenticio. Lit. la enfermedad de no comer.
- ↑ Derechos humanos, libertades.
- ↑ Donar.
- ↑ Broma, chiste.
- ↑ Primer álbum musical. Lit. su primera música.
- ↑ àlbum musical. Lit. música.
Ijilpika:
[edit | edit source]Florence Welch biografía (Eng.): https://en.wikipedia.org/wiki/Florence_Welch
Florence Welch (Eng.): https://www.britannica.com/biography/Florence-Welch
dispraxia: https://es.wikipedia.org/wiki/Dispraxia
Useles Magic (Esp.): https://www.britannica.com/biography/Florence-Welch
Florence+the Machine (Esp.): https://es.wikipedia.org/wiki/Florence_and_the_Machine