Wp/ppl/Christy Turlington

Christy Turlington

Christy Nicole Turlington Burns nesik se tunal ume pal ne metzti se tik ne shiwit se shikipil chiknawi tzunti yey pual chiknawi. Yaja siwaawil wan tapalewiani. Grace Coddington tekiti pal amachti Vogue, wan katka yaja ina Turlinton “sujsul galanchin siwat ka tal”.

KWAK YAJA CHIKITIK KATKA

Turlington nesik tik techan Oakland, California. Inan itukey Maria Elizabeth Parker Infante wan yaja nesik tal Kuskatan. Inan katka tapalewiani tik ne tepuspatani. Iteku itukey Dwain Turlington, yaja katka tawikani ka ijkaku pal Pan Am. Turlington kipia se ipipi wan iikaw.

Turlington katka pewa siwaawil keman yaja katka kipia majtakti nawi shiwit. Turlington yajki ka wey techan Yankwik York keman katka yaja kashtul yey.

NE ITEKIW KEN SIWAAWIL

Turlington katka kisa ka amajmachti ken:

• Vogue, Harper’s Bazaar, Elle, Marie Claire, L’Officiel, Tatler, Glamour, Cosmopolitan wan Allure.

Yaja kitakewket ken siwaawil:

• Maybelline, Calvin Klein, Chanel, Yves Saint Laurent, Marc Jacobs, Donna Karan, Prada, Valentino, Versace, Louis Vuitton, Bally, Jason Wu, MaxMara, Escada, wan Michael Kors.

ULINKWIKWIL IWAN SOJSON

Turlington katka kisa ka ume ulinkwikwil iwan sojson:

• "Notorious" pal Duran Duran – Tik ne shiwit se shikipil chiknawi tzunti nawi pual chikwasen
• "Freedom" pal George Michael – Tik ne shiwit se shikipil chiknawi tzunti nawi pual majtakti

WEYAK UJULINKWIKWIL WAN ULINKWIKWIL IWAN TAMACHTILIS

• Prêt-à-Porter – Tik ne shiwit se shikipil chiknawi tzunti nawi pual majtakti nawi
• Unzipped – Tik ne shiwit se shikipil chiknawi tzunti nawi pual kashtul
• Catwalk – Tik ne shiwit se shikipil chiknawi tzunti nawi pual kashtul
• No Woman, No Cry – Tik ne shiwit ume shikipil majtakti. Turlington katka kichiwa ne ulinkwikwil iwan tamachtilis
• The Super Models – Tik ne shiwit ume shikipil se pual yey

TUNAL AMAT

Turlington katka kichiwa se tunal amat iwan ikwikwil ka tik ne shiwit se shikipil chiknawi tzunti nawi pual kashtul. Keman yaja kinamakak ne tunal amat kitakulij chupi tumin ka “Salvadoran American Health Foundation”.

Turlington katka kineki kilwitia ka Kuskatan galanchin katka ne tasumalis. Ne takwikwiluani itukey Mario Testino.

NE ITEKIW KEN SE TAPALEWIANI

Turlington tekiti iwan CARE. Kinpalewij pal ne tujtunan nemi yek katka.

IPANPA ITUNAL ICHTAKA

Edward Burns wan Christy Turlington

Turlington munamiktij iwan ne tailwiani, Edward Burns tik ne shiwit ume shikipil yey. Turlington kipia se isiwakunew. Yaja nesik tik ne shiwit ume shikipil yey. Turlington kipia se iukichkunew. Yaja nesik tik ne shiwit ume shikipil chikwasen.