Wp/ppl/Bisan Owda

Bisan Owda

Bisan Owda nesik se tunal se pual chikwasen pal ne metzti chikwey tik ne shiwit se shikipil chiknawi tzunti nawi pual kashtul yey (1998) katka. Yaja kipia se pual chikwasen shiwit. Ne ichan nemi tik ne techan Beit Hanoun, Gaza tik ne Filisteen.

Bisan Owda - se Filisteenchanej

Bisan Owda se Filisteenchanej. Yaja se tamachtiani, tawawasuani, tapalewiani, wan ne kutulinkwikwilchiwani. Bisan Owda kaj tiktukeytiat ne casoilwiani (Hakawatia).

Ne itunal ichtaka

Kwak chikitik Owda igustuj kinhilwia cajcasoj pal ne tuijikniwan, amatachia ne ajamachti, mumachtia ne sental wan ne sijsital, wan mawiltia iwan yawalawil nusan katka. Kwak yaja kipia chiknawi shiwit, Owda kinhilwij se takwikalis ka inhishpan muchi ne mujmuchachtianimet wan ne tajtamachtianimet katka. Chupi tesu yaja yaw-kimati ka né pejki ne iyulu shuchikisa pal kinhliwia cajcasoj. Kwak chikitik yaja kitemiki katka muchiwa tatemuani pal ne sental wan ne sijsital, ka né pejki yaja sujsul kintzuntalia ne cajcasoj. Owda kintasujta ne ajamatchialis yajika sujsul igustuj kinhilwia cajcasoj inpal ne Filisteenchanejket.

Tay kichiwki?

Yaja kinhiliwia ne cajcasoj wan kinchiwa ne ujulinkwikwil inpanpa ne intzijtzinweyaka, inkwajkwach, inajtaiwan, incajcasoj, inkwijkwikwil ne inkajkal inpal ne Filisteenchanejket. Yaja kichiwki kujkutulinkwikwil muchi ne tajtasumalis, cajcasoj, wan ne tesu kipuluj inpal ne Filisteenchanejket. Yaja kinchiwa ne kujkutuulinkwikwil ipanpa ne tajtaketzalis Árabe ipal Filisteen katka. Ne tailwitilis tiktukeytiat Easy Languages tik Youtube.

An Owda kiliwia ne cajcasoj ken ne tajtamaishtilianimet Israelis kinmiktiat ne ijikman Filisteenchanejket tik Gaza wan West Bank. Yaja ne wey tawawasuani ika kilwia, “Yek tunal naja nutukey Bisan naja ninemi tik Gaza wan kenhayuk niyultuk”. Owda kichiwa se kutulinkwikwil inpanpa najnantzitzinmet wan tajtatzitzinmet kipanultiat ne Nakba tik ne shiwit se shikipil chiknawi tzunti ume pual chikwey (1948). Ka nin kan yejemet kilwiat “An tikpanultiat ne Nakba senpa.” Yaja kichiwa se tailwitilis tiktukeytiat Hakawatia. Yaja kichiwa kujkutulinkwikwil ne tajtamaishtilianimet Israelis kinmamiliat tajtakamatilis ka anmujpak ne tuijikniwan Filisteenchanejket: ne tajtawawsuani, tajtapajtiani, pijpiltzitzin, najnantzitzin, tajtatzitzin, intejtekuwan, wan tuijikniwan tesu welit nejnemit.

Ne sentekitit News and Documentary Emmy Awards kinhishtemuat ne ujulinkwikwil ipal Bisan Owda kichiwki keman kimiktijket miak ijikman Filisteenchanejket.

Ijilpika:

• Bisan Owda Youtube Account: https://www.youtube.com/@wizardbisan/videos
• Bisan Owda instagram: https://www.instagram.com/wizard_bisan1/?hl=en
• Gaza- The Israeli Occupation (In Arabic with English Subtitles): https://www.youtube.com/watch?v=GV7ye_q0d6M
• Gaza and Colonialism (In Arabic with English Subtitles): https://youtu.be/swnBsgd3Z0k?si=a7UHc7M4LiLJTv–
• Eliminating Gaza (In Arabic with English Subtitles): https://www.youtube.com/watch?v=RPmkhyYksc8
• Group behind Emmys defends nomination of Palestinian journalist Bisan Owda: https://www.aljazeera.com/news/2024/8/21/group-behind-emmys-defends-nomination-of-palestinian-journalist-bisan-owda
• Balfour Declaration 1917: https://avalon.law.yale.edu/20th_century/balfour.asp
• Balfou Declaration (In English): https://en.wikipedia.org/wiki/Balfour_Declaration
• Declaración Balfour (En Espanol): https://es.wikipedia.org/wiki/Declaraci%C3%B3n_Balfour
• The Question of Palestine (In English): https://www.un.org/unispal/about-the-nakba/#:~:text=The%20Nakba%2C%20which%20means%20%E2%80%9Ccatastrophe,the%201948%20Arab%2DIsraeli%20war.
• Nakba (En Espanol): https://es.wikipedia.org/wiki/Nakba
• "Soy Sobreviviente de la Nakba”(En Espanol): https://www.youtube.com/watch?v=ni3V92nxJsY