Wp/ppl/Anne Rice

Anne Rice

Howard Allen Frances O`Brien kaj tiktukeytiaj Anne Rice. Yaja nesik tik ne techan New Orleans tik Louisiana se takutun ipal Estados Unidos, se tunal nawi pal ne mezti majtakti tik ne shiwit se shikipil chiknawi tzunti ume pual se (1941) wan mikik se tunal majtakti se pal ne mezti majtakti ume tik ne shiwit ume shikipil se pual se (2021).

Yaja se tamawawasuani.

Ne itunal ichtaka

Ne inan itukey katka Katherine Allen O`Brien, wan ne iteku itukey katka Howard O`Brien. Ne iteku tawikani wan tatuktiani katka wan yaja tawawasua se amachti katka. Ne ipipi tamawawasuani nusan.

Imiekawan Anne kitashtawiat ne inoya pal nemi tik ukse ikal inoya. Ne inan kiajkawa ne iteku ika yaja tawanani katka melka ne inan nemanha muchiwa tawanani nusan katka. Anne mumachtia tik ne tamachtiluyan San Alfonso katka. Ka ne achtu tanestuk ka ne tamachtiluyan keman ne tamachtiani kitajtanilia ken itukey, yaja kilwij ukse itukey ka tesu ipal, yaja kilwij Anne. Ne inan tesu kilwij ne isiwakunew itukey Howard ika yaja imati ne isiwakunew tesu igustuj ne itukey katka. Ke né pewa kitukeytiat Anne. Tik ne shiwit se shikipil chicknawi tzunti ume pual chikume (1947), yaja yawi ka ne tapalewiani pal kipata ne itukey tik ne tatuktialis.^[1]

Keman Anne Rice kipia kashtul shiwit ne inan mikik ipanpa yaja sujsul tawanani. Nemanha, ne iteku kituktia Anne, ne ipipi wan ne iikawan ka San José tamachtiluyan katka. Anne tesu igustuj uni tamachtiluyan katka, yaja kineki kajkawa ne tamachtiluyan katka.

Tik ne metzti majtakti se tik ne shiwit se shikipil chiknawi tzunti ume pual kashtul ume (1957), ne iteku munamiktia Dorothy Van Bever katka wan tik ne shiwit se shikipil chiknawi tzunti ume pual kashtul yek (1958) keman Anne kipial kashtul se shiwit, ne imiekawan yawit ka ukse techan, ne yankwik ichan nemi ka Texas. Tik ne yankwik tamachtiluyan itukey Richardson tamachtiluyan, Anne kishmati Stan Rice katka kaj nemanha yaja ishulejyu.

Ka né tik ne shiwit se shikipil chiknawi tzunti ume pual kashtul nawi (1959) Anne Rice mumachtia tik ne wey tamachtiluyan Texa`s Woman University katka wan se shiwit nemanha yaja mumachtia tik ne wey tamachtiluyan North Texas State College katka. Yaja tea yawia ne wey tamachtiluyan ika yaja tesu kipia tumin pal tashtawa wan yaja tesu weli kajsi itekiw katka.

Nemanha, Anne Rice ichan nemi tik ne techan San Francisco, kan yaja kajsi itekiw katka. Tik San Francisco yaja iwan se ichaku pewat yawit ka wey tamachtiluyan University of San Francisco. Uni tamachtiluyan kimachtia yajasan tajtakamet melka ka tayua, ne sijsiwatket welit kimumachtiat katka. Keman ne shupan tamik, Anne Rice yawi ka ne iteku ichan tik Texas kan yaja kita Stan Rice katka wan nemanha Stan yawit tik San Francisco pal kita Anne ka ne ichan. Keman Anne kipia se pual shiwit yaja iwan Stan Rice munamiktia se tunal majtakti nawi pal ne metzti majtakti tik ne shiwit se shikipil chiknawi tzunti yey pual se (1961) katka.

Tik ne shijshiwit se shikipil chiknawi tzunti yey pual (1960) Anne mumachtia tik ne wey tamachtiluyan San Francisco State University katka wan nemanha tik ne wey tamachtiluyan University of California katka, melka yaja tea yawi ka ne wey tamachtiluyan University of California ika yaja tesu igustuj ne tamachtilis katka.

Anne Rice isiwakunew nesik se tunal se pual se pal ne metzti chiknawi tik ne shiwit se shikipil chiknawi tzunti yey pual chikwasen (1966). Tik ne shiwit se shikipil chiknawi tzunti yey pual majtakti (1970) ne isiwakunew kukuya katka. Anne Rice ina yaja kitemik ne isiwakunew kipia ne esti kukuya wan nemanha ne isiwakunew kukuya katka. Michelle, isiwakunew Anne, mikik tik ne shiwit se shikipil chicknawi tzunti yey pual majtakti ume (1972) keman yaja kipia makwil shiwit katka.

Anne Rice ikunew^[2] nesik se tunal majtakti se pal ne mezti yey tik ne shiwit se shikipil chiknawi tzunti yey pual kashtul yey(1978). Anne Rice wan ne ishulejyu tea tawanat katka pal ne ikunew tesu kipia ne itejtekuwan ken Anne Rice kipia kakta.

¿Tay kichiwki?

Yaja tamawawasuani. Yaja kinwawasua cajcasoj pal tamutiat^[3], ipanpa ne Tiut, ipanpa esyupipinani^[4] wan ipanpa ne lujlun katka.

Tik ne shiwit se shikipil chiknawi tzunti yey pual majtakti yey (1973) yaja kenhayuk iyulu chuka katka ika yaja siwakunew mikik, yaja tamawawasua yaja achtu amachti katka. Ne amachti itukey Entrevista con el Vampiro. Miak kal pal tanamaka amachti^[5] tesu kinekit kikuat ne iamachti katka. Nemanha yaja kukuya iwan TOC^[6] katka. Yaja kita ne tanajnawatiani tik se shiwit katka. Tik ne shiwit se shikipil chiknawi tzunti yey pual majtakti nawi (1974) yaja kismati Phyllys Seidel katka, yaja kipalewia Anne pal namaka iamachti kakta. Tik ne mezti majtakti, Seidel namaka Entrevista con el Vampiro katka. Ne kal pal tanamaka amachti kitashtawia Anne 12000 tumin katka.

Ne itekiw:

Crónicas vampíricas ajamachti:

Entrevista con el vampiro
Lestat, el vampiro
La reina de los condenados
El ladron de cuerpos
Menoch el diablo
El vampiro Armand

Merrick
Sangre y oro
El Santuario
Cántico de sangre
El Principe Lestat
El príncipe Lestat y los reinos de la Atlantida
La comunidad de sangre
Pandora
Vittorio el vampiro

Las brujas de Mayfair ajamachti:

La hora de las brujas
La voz del diablo
Taltos

Ukse ajamachti:

La fiesta de todos los santos
Grito al cielo
Cristo, El Señor: La Salida de Egipto, El Camino a Canaan

¿Ken mikik?

Anne Rice yulmikik se tunal majtakti se pal ne mezti majtakti se tik ne shiwit ume shikipil se pual se (2021). Kitalpachuat katka kan nemi ne shajshaput ne Metairie inwan ne ishulejyu wan ne isiwakunew .