Jump to content

Wp/ppl/Agustin Farabundo Marti Rodriguez

From Wikimedia Incubator
< Wp | ppl
Wp > ppl > Agustin Farabundo Marti Rodriguez

Agustin Farabundo Marti Rodriguez

[edit | edit source]
Agustín Farabundo Martí Rodríguez
Panti ne Kuskatan

Agustin Farabundo Martí Rodriguez[1] nesik ne se tunal makwil pal ne metzi makwil, tik ne shiwit se shikipil chikwey tzunti nawi pual yey ne ichan nemi tik ne techan Tiutepet[2], La Libertad[3], Kuskatan[4]. Yaja kiajkaw ne wey tamachtiluyan ipal musunki pal techan wan pal italyu. Martí muishtuka tik ne kichiwki ne Partidoj Comunistaj[5] ipal Centro america[6]. Yaja kinekituya kipalewia ka Kuskatanchanejket chijchichiukchichin wan nujnuntzin. Martí kishtijket ipal Kuskatan kemanian ipanpa ne itekiw. Tik ne sental shiwit se shikipil chiknawi tzunti se pual, ne inpalpatiw ne atutun wetzi. Pal kipalewiat ne inpulua ne tujtumin, ne inimiekawan tajtanawatiani kiishtiliat wey tajtal ne tajtatukani wan kashawa ne tumin ne inpal tajtatukani kitajkuat. Tik ne shiwit se shikipill chiknawi tzunti se pual majtakti, ne tanwatiani mutewelneki kitmataliat ne tajtanawatiani pal ne Partidoj Comunistaj, ne tajtatukani Kuskatanchanejket yektalia se kumunilis ishwelita sujsul wey pal kinutzat yektunal intekiw ne tuesyu wan ne tutekiw. Tik se pual ume pal ne metzi ume, tik ne shiwit se shikipil chiknawi tzunti se pual majtakti ume, se pual majtakti shikipil majmasawal, ne wey pal tachialis mejmetzali, mijmikik ka inpal kwalantiani Kuskatanchanejket inpal tesu musuma katka yawi Intech ne tanwatiani wan ne tajtanawatiani kinpachuat ka ituktiani Maximiliano Hernández Martínez[7]. Ini panu ka mutalia kitmati ken “Ne Miktiwit[8]”. Martí inmiktia pal kwete tik ne se pal ne metzi ume, tik ne shiwit chiknawi tzunti se pual majtakti ume . Marti iwalejku mutalia kimati ken se revolucionarioj Kuskatanchanej wan, pal miak, se mumiktia.

Farabundo Martí (1893-1932)
A.F.Martí wan A.C.Sandino ka Mexico





Ipanpa Uni

[edit | edit source]
  1. ↑ Agustin Farabundo Marti Rodriguez
  2. ↑ Teotepeque
  3. ↑ La Libertad
  4. ↑ El Salvador
  5. ↑ Partido Comunista de El Salvador
  6. ↑ Centro America
  7. ↑ Maximiliano Hernandez Martinez
  8. ↑ "La Matanza"

Ijilpika

[edit | edit source]

Retrieved from "https://incubator.wikimedia.org/w/index.php?title=Wp/ppl/Agustin_Farabundo_Marti_Rodriguez&oldid=6406352"