Wp/pmf/Joko Widodo
Ir. H. Joko Widodo (O Jawa : Jaka Widada, Jawa Latini: Jåkå Widådå, Hanacaraka: ꦗꦏꦮꦶꦢꦢ) bara au ndapebooka tesaoyo pai Jokowi (ndapoana ri Surakarta, Jawa Tongo, 21 Juni 1961; tinuwu 54 ta'u) ince'emo Pereside ka-7 Indonesia au montepu'u moparenta ungka 20 Wuya Kasampuyu 2014. Sira tepilisi sangkani-ngkani pai Ncarungkoro Pereside Muhammad Jusuf Kalla ri Pemilu Pereside 2014. Lanti i Jokowi se'e ri tempo bepa mewali Pereside, ince'emo Tadulako Sigilemba DKI Jakarta ungka 15 Wuya Kasampuyu 2012 rata 16 Wuya Kasampuyu 2014 moawe pai Basuki Tjahaja Purnama au mewali Ncarungkoro Tadulako Sigilemba. Riunya, Sira mewali Walikota Surakarta (Solo), ungka 28 Wuya Kapapitu 2005 rata 1 Wuya Kasampuyu 2012 moawe pai F.X. Hadi Rudyatmo au mewali Ncarungkoro Walikota. Radua nta'u malinjaki periode ka raduanya mewali Walikota Solo, Jokowi ndatuju Paratainya, Paratai PDIP, da naka malulu ri Pampilisi Tadulako Sigilemba DKI Jakarta au damototo pai i Basuki Tjahaja Purnama (Ahok).