Wp/pko/Kapenguria

Kapenguria kaa kanasian nyo po pokot nyo wow.

Kaa Apan'guria kuh kaina chi nyo kimongoy atoni kuh kuro Kapenguria yee. Kiwowuno musunchon Kochelibay wolo kimonyoy kngeta 1913 ngo 1930 otugh kitek musunchon Kapenguria ngo Nasokol. Kapenguria kug wolo kirotchi poytoghin nyo po tagh nyo po Kenya nyo kirapass Jomo Kenyatta (Johnstone Muigai Kamau),nyo kirapass Paul Joseph Ngei , nyo kirapass Fred Kubai ,nyo kirapass Kungu Karumba ,nyo kirapass Bildad Kagia, ngo poyon nyo tokusopoy Achieng Oneko.Kikunam poyichu terekin cho le 20/10/1952, kekumun kungata arawa taman ngo akaonga kinyi 1952 ngo arawa angwan terekin (08/04/1953), kerat konyis chole mut ngo odeny (7).Kerotchi chane jela Lokitang koro Turkana.

Otino kilukuu Jomo Kenyatta poytoghin nyo po Kenya 1963 kurutoghchi kunyil akonga ompo paytagh tanyi koro Pokot asispo jumamos arawa somok (02/03/1968). Otukirutoghchi Kapenguria kiwo Kenyatta jelenyi ngo wono kile kortininyi skul nyo po werko Chewoyet.