Wp/phr/پنجابی بولی

پنجابی ہند-آریائی بولیاں نے ٹبر نی اک بولی ھے تہ اس نا اصل دیس پنجاب ھے۔ پاکستان تہ بھارت توں باہر ھور دیساں وچ وی اس نے سمجھݨ تھ بولݨ آلے لوک موجود ھن۔ پاکستان وچ ایہہ سب توں ودھ بولی جاݨ آلی بولی ھے تہ تہ بھارت وچ اس نا نمبر 11 ھے۔ جنوبی ایشیا وچ ایہہ بولن نے لحاظ نال ترییے نمبر اُپر اشنی ھے۔

ناں پنجابی نا ارتقاء

پنجابی کی سب تھوں پہلاں دسویں صدی نے مؤرخ تے جغرافیہ داݨ ابن حوقل اس کی ملتانی آکھیا ہے۔ البیرونی اس کی الہندیہ تے لہوری آکھیا ہے۔ مسعود سعد سلمان نے دیوان وچ اس کی ہندوی آکھیا گیا ہے۔ اس تھوں بہوں چڑے بعد بہوں سارے پنجابی لکھاریاں اس کی ہندوی آکھیا ہے۔

پنجابی نیاں پڑبولیاں

پنجابی نیاں بہوں ساریاں پڑبولیاں ہن جنہاں وچوں متیاں مشہور ماجھی، ملوئی، دوآبی تہ پوادھی ھن۔ ماجھی کی ٹکسالی منیا جاݨا ھے۔

پنجابی نیاں لپیاں

پنجابی بولی کی لکھن واسطے ترے توں چار لپیاں ورتیاں جاݨیاں ہن جنہاں وچوں گرمکھی تے شاہ مکھی متیاں مشہور ہن۔ اس توں علاوہ سوشل میڈیا اپر رومن وچ پنجابی لکھن نا رواج وی ہے۔

شاعر

• وارث شاہ
• ہاشم شاہ
• منیر نیازی
• امرتا پریتم
• انور مسعود
• میاں محمد بخش
• بابا بلھے شاہ
• بابا نجمی