Wp/phr/ٹکرا

ٹُکرا ۔ ایہ موسم ٹکرے بناݨ نا وا۔ اس موسم اچ ۔ توتے نیاں پھانٹاں کپݨی ساں تے ۔ فر ٹکرے بناݨی ساں بنوانڑیں ساں۔ گراں اچ تقریبا ہر بندہ ماڑا مُٹا ٹکرا بنائی گھناں ساں۔ ٹکرا ہر گھر نی لوڑ سی۔ ککڑ ڈھکنڑیں اسطے پوہھ ٹہونڑیں اسطے۔ ٹکرے اچ باہئی تے پاہ سٹنے ساں تے پاہ نے تھلے ہک بوری رکھݨی ساں جے پاہ چوئی نہ پے۔ صاف ستھرے ٹکرے اچ روٹیاں وی شادی بیاہ یا موت فوت اپر رکھݨی ساں اساں کی نکیاں ٹکرے اپر بالی تے نوہہالنے وی سنڑ ۔ نیلا پتر وی اس اچ باہئی تے انڑنیں ساں۔ ٹکرے تھلے بکروٹے بکروٹیاں وی ڈھکنڑیں ساں۔ ٹکرا پٹھا کری تے اس اپر جوں وی چھٹنے ساں ۔ کہراں اچ نکے بڑے چھ ست ٹکرے ہونڑیں سنڑ۔ ٹکرے پہری تے ڈنگراں آگے رکھی تے نیلا پتر تے پوہھ باہنڑیں ساں۔ نکیاں ٹوکریاں اچ مٹی ٹہونڑیں ساں۔ تے انہاں اچ پہانڈے برتن وی رکھنڑیں ساں۔