Wp/phr/ٹکرا

From Wikimedia Incubator
< Wp‎ | phr
Wp > phr > ٹکرا

ٹُکرا ۔ اے موسم ٹکرے بنانڑ ناں وا۔ اس موسم اچ ۔ توتے نییاں پھانٹاں کپنڑیں ساں تے ۔ فر ٹکرے بنانڑیں ساں بنوانڑیں ساں۔ گراں اچ تقریبا ہر بندہ ماڑا مُٹا ٹکرا بنائی کہناں سا۔ ٹکرا ہر کہر نی لوڑ سا۔ ککڑ ڈھکنڑیں اسطے پوہھ ٹہونڑیں اسطے۔ ٹکرے اچ باہئی تے پاہ سٹنے ساں تے پاہ نے تھلے ہیک بوری رکھنڑیں ساں جے پاہ چوئی نہ پے۔ صاف ستھرے ٹکرے اچ روٹیاں وی شادی بیاہ یا موت فوت اپر رکھنڑیں ساں اساں کی نکیاں ٹکرے اپر بالی تے نوہہالنے وی سنڑ ۔ نیلا پتر وی اس اچ باہئی تے انڑنیں ساں۔ ٹکرے تھلے بکروٹے بکروٹیاں وی ڈھکنڑیں ساں۔ ٹکرا پٹھا کری تے اس اپر جوں وی چھٹنے ساں ۔ کہراں اچ نکے بڑے چھ ست ٹکرے ہونڑیں سنڑ۔ ٹکرے پہری تے ڈنگراں آگے رکھی تے نیلا پتر تے پوہھ باہنڑیں ساں۔ نکیاں ٹوکریاں اچ مٹی ٹہونڑیں ساں۔ تے انہاں اچ پہانڈے برتن وی رکھنڑیں ساں۔