Wp/phr/میرپور
میرپور (انگریزی:Mirpur) آزاد کشمیر نا سب تھوں بڑا شہر تے ضلع میرپور نا مرکز ہے۔ میرپور، آزاد کشمیر نے انتہائی جنوب وچ واقع ہے تیہ سطح سمندر توں 459 میٹر اچا ہے۔ ایہہ پاکستان نے دارالحکومتاسلام آباد توں تقریباً 125 کلومیٹر دور جنوب مشرق وچ واقع ہے۔ پاکستان نا دووا بڑا ڈیم، منگلا ڈیم اسے ضلع وچ ہے۔ 1960ء نی دہائی وچ لگ بھگ 50,000 لوکاں اس ڈیم نی وجہ نال پاکستان نے دووے شہراں وچ ہجرت کیتی سی۔
میرپور شہر
[edit | edit source]میر پور شہر نی بلندی سطح سمندر تھوں 459 میٹر ہے۔ تحصیل دینہ نے ذریعے ایہہ لہور پشاور مرکزی شاہراہ نال منسلک ہے۔ ایہہ میرپور ضلعے نا صدر مقام ہے جیہڑا ترے سب ڈویژناں میرپور، ڈڈیال تہ چکسواری پر مشتمل ہے۔ ایہہ میرپور ڈویژن نا وی صدر مقام ہے۔ میر پور نا نواں شہر منگلا جھیل نے کنارے واقع ہے۔ سردیاں نے دیہاڑیاں وچ جدوں منگلا جھیل نے پانی نی سطح کم ہووے تک دربار تہ مندر، باولی تہ پرانے کھنڈر دسنے ہن۔