Wp/pdt/Rudy Wiebe

From Wikimedia Incubator
< Wp‎ | pdtWp > pdt > Rudy Wiebe
Jump to navigation Jump to search

Rudy Henry Wiebe (* 1934 bie Fairholme, Kanada) es een kanadischa Schriewa en Sehn von plautdietsche Menniste, woone ute Sowjetunioon utjewaundat were. Von 1992 aun es Wiebe (opp Plautdietsch uck Wieb jenant) Professa emeritus (Department of English, University of Alberta). Wieb wohnt en Kanada en schrift Remaune, Vetale en Jedichta.

Lewe en Woatj[edit | edit source]

Rudy Wieb studed en Edmonton (aune Universitet von Alberta) Medizin en lota Enjlische Literatua en Kreativet Schriewe. Mett siene Magista-Oabeit beschreef hee kritisch daut Lewe von eene fiktive Menniste-Jemeinschauft. To jane Tiet we Wieb Rutjewa von eene mennonietische Tietschreft. Von 1963 bett 1967 we Wieb Lehra aum Goshen College en Indiana, lota word hee dan Professa fe Enjlische Literatua aune Universitet von Alberta. En siene Betja vetalt Rudy Wieb seea vel ut en ewa dee mennische en kanadische Kultuajeschicht. Fe sien Remaun A Discovery of Strangers (1994) woat Wieb mettem Governor General’s Award for Fiction utjetetjent - dee wichtichsta Literatua-Pries en Kanada. Wieb tjreech dem fe siene butajeweenlich goode Oabeit aul twee Mol.

Sproak[edit | edit source]

Rudy Wieb schrift opp Enjlisch, siene tweede Sproak. En vele von Wieb siene Betja, woone vonne Menniste haundle, lat dee Autor dee Lied uck emma wada daut eene ooda aundre opp Plautdietsch (Mennonite Low German) saje -- waut Wieb siene Muttasproak es. Jack Thiessen, dee bekaunda plautdietscha Schriewa en Sproakweetenschauftla ut Winnipeg, Kanada, haft uck vele Deele ut Wieb siene Literatua opp Plautdietsch ewasat. Tom Deel es daut uck enne Tietschreft Plautdietsch FRIND publizet worde.

Betja[edit | edit source]

Hia es eene (nich vollstendje) Utwohl von Betja, woone Rudy Wiebe jeschrewe haft:

  • Of This Earth: A Mennonite Boyhood in the Boreal Forest
  • River of Stone: Fictions and Memories
  • Sweeter Than All the World
  • Fruits of the Earth
  • Peace Shall Destroy Many
  • A Discovery of Strangers
  • The Blue Mountains of China
  • Stolen Life: The Journey of a Cree Woman
  • Playing Dead: A Contemplation Concerning the Arctic
  • The Temptations of Big Bear

Weblinks[edit | edit source]