Wp/pdt/Nikolaus Kopernikus

Nikolaus Kopernikus, (* 19. Feebua 1473 enn Thorn; † 24. Mai 1543 in Frauenburg), wia eena vonne bediedenste Astronoome enne Niee Tiet. Enn sienem Hauptwoatj De revolutionibus orbium coelestium beschrift hee daut heliozentrische Weltbild vom Sonnesysteem, wuu sich de Iad um sich selwst dreit en met aundre Planeete toop romme Sonn dreit. Wiederhans beschrift hee daut iaschte Mol, daut dee Uasak, daut sich daut Farjoa veschift, doabenne lichjt, daut de Aus vonne iad sich langsam ewarusch dreit. Soowaut nant man Präzessionsbewegung. Kopernikus wia Frauenburga Domhar en uk Jurist, Administrator en Dokta em Deenst vom Fürstbistum Ermland enn Preußen. Enn siene friee Tiet beschaftichjd hee sich met Astronomie, Mathematik en Kartografie.