Wp/pdt/Koo
Eene Koo (uck: Koh) es eene Oat Rint. Lang tridj we daut een Wiltrint (Bos taurus) en word dan weajen sienem Fleesch, en lota weajne Maltj en weajne Tratj-Krauft domestizet. Dee vondoagsche Tjej ooda Husrinda staume uasprinjlich ut Anatoolien en utem Meddla Ooste. Aul em 9. Joahundat v. Tjr. kaum daut tom Tohme vom Wiltrint tom domestizeden Husrint. Von jane Tiet aun bett vondoag send eene groote Zohl von veschiedne Rindarausse jetjrietzt en jetrocke worde.
Dee Menniste en Russlaunt send doafea bekaunt, daut see Medd 19. Joahundat dee Raus Dietsche Roode Koo zichte deede. Jetjrietzt worde daut Graue Ukrainsche Staprint en dee Holsteensche Koo. Dee niee Roode Koo we goot aun daut ukrainsche Klima aunjepausst en gauf nich weinja Maltj aus dee Holsteensche Rinda. Aus daut Ukrainsche Hoadbok jeschrewe word (1923), word tom eschten Mol offiziell dee Betetjninj "Dietsche Roode Koo" jebruckt.