Wp/pdt/Julius Caesar

From Wikimedia Incubator
< Wp‎ | pdtWp > pdt > Julius Caesar
Jump to navigation Jump to search

Julius Caesar (latiensch: Gaius Iulius Caesar; * 13. Juli 100 v. Tjr. en Room; † 15. Moaz 44 v. Tjr. en Room) we een reemischa Stautsmaun, Imperator en Autor. Hee staumd ute patrizische Femilje vonne Julier, absolved dee Beaumte-Lada en kaum mett Help vom ritjen Marcus Licinius Crassus en vom Militea-Maun Gnaeus Pompeius Magnus em Joa 59 v. Tjr. tom Konsul-Aumt. Enne foljende Joare jinj Caesar aus Prokonsul no dee nodliche Provinze Illyrien en Gallia Cisalpina en Transalpina, von woo hee enne Joare 58–51 v. Tjr. gaunz Gallien bettem Rhein mett Jewault ennaum. Aus dee Reemscha Birjatjrich dan kaum (49–45 v. Tjr.), woo hee sich jeajen sien oolen Frint Pompeius en dem siene Aunhenja derchsate kunn, brocht Caesar dee Republik too eenem Enj en roopd sich selwst aus Auleenharscha ut. Nodem hee tom Diktator opp Lewestiet ernant word, word hee boolt hinjalestich omjebrocht.

Caesar sien Nome word to eenem Deel vom Titel von aula foljende Harscha em reemschen Tjeisaritj (see Reemschet Ritj). Enne reemsche Lot-Antike en em Byzauntschem Ritj (see Byzauntschet Ritj word mettem Titel "Caesar" een Mettharscha betetjent. Dee Nome word en leicht ve'endade Form aus Kaiser dee Titel fe dem Harscha em Heiljen Reemische Ritj (see Heiljet Reemischet Ritj) en aus Zar em Bulgarschen en em Ruschen Ritj (see Ruschet Ritj).