Wp/pdt/Ed

Dee Ed, uck Iad ooda Ead (von indogermanisch *er[t] – lat.: „Terra“; gr.: „Gaja“) es vonne Sonn ut dee dredda Planeet em Sonnsysteem. No dee Evolutioons-Teorie es see soo bie 4,6 Milliarde Joa oolt. Dee Ed es dee eenzja bekaunda Himmelstjarpa, woo Lewe bowe es.

Oppe Ed jefft daut von bowe jeseene ewa 70 Prozent Wota. Dee Launtmaus es oppjedeelt en sewen Kontinente. Dee jratsta Kontinent es Asien, dan kome dee Kontinente Afrika, Nodamerika, Siedamerika, Antarktika, Euroopa en Australien. Daut Weltmea besteht ut dee dree groote Oozeane Pazifik, Atlantik en Indik -- toop mett aula Meare, woone doatoo jehere.