Wp/pdt/Bibel

Aus Bibel (Bok ewa aula Betja) woat em Judentum en em Tjristentum dee Saumlinj von Schrefte jenant, woone fe ahn Gott sien Wot droage en uck Heilje Schreft jenant woare. Dise Schrefte-Saumlinj send Dokumente von en fe earem Gloowe.

Dee Bibel es von veschiedne Schriewa en eare Betja toopjestalt. Daut griechische Wot fe Betja es biblia. Dee Schriewasch staume utem Kultuarum vonne Levaunte en utem Vearaschta Orient. Dee Betja send en eene Tiet von onjefea 1200 Joa entstone. Bettem 2. Joahundat habe escht dee Jude, dan uck dee Tjriste dise Betja to eenem Kanon jemoakt.

Dee hebreische Bibel, dee Tanach, haft dree Hauptdeela: dee Tora (Jesatza), Nevi'im (Profeete) en Ketuvim (Schrefte). Dise Betja, een bet aundasch toopjestalt en een bet meea doabie, send uck aus Oolet Testament dee eschta Hauptdeel vonne tjristliche Bibel, woo daut Niee Testament dan noch doatoo tjemmt. En dise Form es dee Bibel daut Schreftwoatj, waut oppe gaunze Welt aum wiedsten vebreedt es en aum foakensten publizet woat.