Wp/nr/U-Andries Pretorius

U-Andries Pretorius

U-Andries Wilhelmus Jacobus Pretorius wabelethwa ngomhlaka-27 kaSinyikhaba 1798 wahlongakala ngomhlaka-23 kaVelabahlinze 1853. Bekamdosiphambili wamaBhuru embusweni we-ZAR, nembusweni weNatalia Republic, eSewula Afrika. Idorobhokazi elikhulu ebelibizwa ngePretoria esele liyiTshwane lathiyelelwa ngaye.

U-Andries Pretorius dlale indima ekulu ekubumbeni umbuso wamaBhuru we-ZAR. Nguye obekadosa phambili ekusizeni uMpande wesitjhaba samaZulu ekulweni nomnakwabo uDingane ngo-1840. Ngibo abahlula uDingane ePini yeMaqongqo namkha emlanjeni i-Blood River.

Kwakhe kwaba nokungathelelani amanzi phakathi kuka-Andries Pretorius namaNgisi, okwenza waba nyama nambana kibo. Kodwana ngokukhamba kwesikhathi wathoma ukuba netjhebiswano elihle nabo. Wadlala indima ekulu ebantwini abanzima nabamhlophe, begodu usahlonitjhwa babantu bekhabo bekube nje.

Umlando ka-Andries Pretorius

U-Andries Jacobus Pretorius wabelethwa ngomhlaka-27 kaSinyikhaba 1798 ayindodana kaMfundisi uWessel Schulte womndeni wakwaPretorius, asizukulwane sesine sikaJohannes Pretorius. Wabelethelwa endaweni ehlanu kweGraaff-Reinet eKapa. Nanyana imininingwana yepilwakhe ingakanabi kangako, okwaziwako kukobana wakhulela eplasini lekhabo ebelibizwa bona yiDriekoppen. Iplaseli belisetlhagwini-pumalanga yeGraaff-Reinet, likude ngebanga lamakhilomitha ama-40.