Wp/nr/Nothembi Mkhwebane

UNothembi Mkhwebane

Wabelethwa lokha ilanga lilinye enyangeni kaTjhirhweni ngomnyaka we-1953. Wabelethelwa e-Carolina engasi kude ne-Belfast enarheni yeSewula Afrika.

UNothembi Mkhwebane mvumi nombethi gathara owaziwako welimi lesiNdebele. Ugogwakhe wamfundisa ukubetha iinsetjenziswa zomvumi ezinjengesikumero, isidonodono neengubhu. Umalumakhe kwaba nguye omfundisa ukubetha igatara eyenziwe ngesigubhu se-oyila. Bekanande amfundisa ukubetha igathara lokha nabasemasimini ngesikhathi sokudla nangemva kokuraga iinkomo.

Ngomnyaka we-1977 wathoma ukusebenza ePitori, la akghona khona ukuzithengela igatarakhe yokuthoma nekhibhodi. Wathoma ukuzenzela umvumo watlola neengoma ezinengana okungezakhe. Ngomnyaka we-1980 wasungula isiqhema sakhe sokuvuma esabizwa ngokobana yiNothembi Nezelamani Zakonomazyana. Isiqhemesi besimenywa khulu bona sivume besinandise eminyanyeni eminengi efana nemitjhado, neminye iminyanya.