Wp/nr/Imithetho yokutlola nokupeleda

Imithetho yokutlola nokupeleda

Ngokuya kukaZulu, uBotha no-Barnard (2008:188) imithetho yokutlola nokupeleda kulibuthelelo lamatshwayo lawo asetjenziswa ekultolweni kwelimi begodu afaka hlangana indlela yokutlola nokupeleda kwelimi lelo. Ngamanye amagama singatjho bonyana imithetho yokutlola nokupeleda kumhlahlandlela loyo ohlahla abasebenzisi belimi elithe bonyana litlolwa njani begodu amatjhada abanawo ngimaphi.

U-Albert (2013) usekele uZulu nabanye (2008) lokha nakaveza bonyana imithetho yokutlola nokupeleda uvumela amalimi bonyana anzinzise amalimi wabo ngokuthi aqinisekise bonyana kuba nokutlolwa nokupeledwa kwelimi lelo ngokufakano. Ukungezelela, imithetho yokutlola nokupelelda yenza isiqiniseko sokobana abasebenzisi belimi balisebenzisa ngokufana ilimi lelo.

U-Albert (2013) uragele phambili wathi, imithetho yokutlola nokupeleda ayisizi kwaphela ekwenzeni isiqiniseko sokuthi ilimi lisetjenziswa ngokufanako, kodwana isiza nemisebenzi yelimi kanye nokuthintaneni. Lokhu kutjho bonyana imithetho yokutlola nokupeleda ayisimhlahlandlela kwaphela kodwana kulithulusi lokuthuthukisa ilimi.

Imithetho yokutlola nokupelela le iqakathekile bonyana ngaso soke isikhathi ibuyekezwe ukuze ikhambisane nokuthuthuka kanye netjhuguluko lelimi. Siyazi bonyana ilimi alikajami ndawonye, liyathuthuka begodu liyatjhuguluka isikhathi nasikhambako.

Imithetho yokutlola nokupeledwa le kufanele isekelwe nangamarhubhululo ukuze nakuthathwa iinqunto, kuthathwe iinqunto ezizwakalako. Ngaphandle kwemithetho yokutlola nokupeleda, abantu angeze bazwana mayelana nelimi, kungakho sitjho bona iqakathekile.’

Umthombolwazi

Zulu, P. N., Botha, G., and Barnard, E. 2008. Orthographic measures of language distances between the official South African languages. Literator, 29(1):185-204.

Alberts, M. 2013. The Afrikaans Orthographic Rules as Guide for Other South African Languages. Lexikos, 23:1-28