Wp/nr/Imisebenzi ye-Art eyenziwa bomma bamaNdebele
Abomma bamaNdebele banobukghoni obukhulu kweze-art ngombana bakhona ukwenza imisebenzi yezandla emihle begodu ebukwa liphasi loke. Imisebenzi yezandla abayenzako akusiyo imisebenzi ungenziwa ngunyana ngubani mgombana ifuna itelente begodu nekghono lokusebenzisa izandla ngendlela ethile, begodu ube nekghono lokukhetha imibala uyihlanganise ukwenza amaphetheni. ikghono leli kwezomkhakha wefundo liwela ngaphasi kwe-Arts.
Ukugwala[edit | edit source]
ukugwala yindlela yokuhlobisa amaboda ngokupenda wenze amaphetheni amahle, ngemibala ehlukahlukeneko. Abomma nabagwalako basenzisa isiba lekukhu khulu khulu. Abomma ekadeni bebenza umsebenzi lo ukuhlobisa imizabo[1]. Esikhathini ukugwala sekuyinto AmaNdebele adume ngayo iphasi loke ngombana sele kungasa gwala izindlu kwaphela kodwana sele kugwalwa nezambatho, imodere nokhunye. Umuntu odume khulu ngokugwala emaNdebeleni ngumma u Esther Mahlangu osele enze imisebenzi eminengi khulu ngokugwala.
Ukuluka imiseme[edit | edit source]
Nasikhuluma ngokuluka sikhuluma ngokwenza umseme usebenzisa umcobosi. umcobosi butjani ubuhlaza ubudege ubumila ngemlanjeni. abomma bayakhamba bayokukha utjani lobu nofana bayobuthenga bese benza ngabo imiseme. Lokha nabenza imiseme le basebenzisa amawula ahlukahlukeneko ngemibala, begodu amawula la enza amaphetheni amahle khulu emsemeni. Umseme usetjenziselwa ukuhlala, ukunothisa, kanye nokwakha intende lokha nakusimanje. Umsebenzi omkhulu womseme singatjho bona kuhlalisa abantu kuhle phasi bangasilaphazeki.
Ukuphothela umcamo nokunghada iinrholwani[edit | edit source]
Ukuphothela kuluka usebenzisa imicamo ukwenza ivunulo ethileko yesiNdebele enjenge nrholwani, iphephethu, iyerhana nokhunye[2]. Ukuphothela kufuna ikghono lokusenzisa izandla begodu ukwazi ngithjo nokuthunga. Ukuphothela nokughada iinrholwane kuyinto eqakathekileko eMaNdebeleni ngombana pheze ivunulo yabo yoke ivela lapho.