Wp/nr/IVUNULO
Ivunulo yizambatho ezimbathwa maNdebele eminyanyeni ehlukahlukileko. Ivunulo ibalulekile esikweni lama Ndebele begodu ngiyo ehlathulula bona ulenzile isiko noma awa. Bazikhakhazisa ngendlela ekarisako ngendlela ebambatha ngayo. Izembatho ezinengi zesiko zinento ebizwa bona mncamo. IsiNdebele sikarisa kwamambala egodu ivunulo yabo inemibala eminengi ekhanyako.
ABO MMA NABO BABA
Abomma
Abo mma ngomnyanya lapho umswegwabo aba yisokona bambatha ivunulo esuka ehloko efika eenyaweni. Ehloko bambatha umkhala nomlinga kobe. emzimbeni bambatha ingubo ebovu ebizwa bona yi bhidi.
Abobaba
abo baba emnyanyeni ongehla nabo bambatha ivunulo esuka ehloko ukufika eenyaweni. Ehloko bambatha iporiyana, esandleni sokudla baphatha intonga bese ngesandleni sesincele baphatha isiviko.
UMSWEGWABO
Umswegwabo msana ongakenzi isiko nofana msana ongakayi engomeni. ivunulo yaba swegwabo ngiyo elula ukudlula zoke. Nabo bambatha ivunulo esuka ehloko ukufika eenyaweni. Ehloko bambatha utjani ebenzwe indingiliza ebubizwa bona ngu swenyana, emzimbeni bambatha i yembhe yemikhono emide, eenyaweni bambatha ibhrugu elifitjhani bese esandleni sokudla baphatha intonga. Bakhamba ngo bhadu phasi okuhlathulula bona abambathi amanyathelo. Batjhagala endleleni ukutjengisa abantu bona sebalungile ukukhamba nabo baba.
AMASOKANA
Isokana mumuntu wejazi owenze isiko begodu wahlatjelwa wakhamba nabo baba. Ivunulo yama sokana nayo isuka ehloko ifinyelele emilenzeni. Ehloko bambatha umkhala, entameni bambatha irasu, edinini bambatha ijuba nobukhobe, emikhonweni kanye nemilenzeni bambatha iinrholwani. imibala yakhona ngu nzima, hlaza okwesibhakabhaka, hlaza satjani, ubukhobe kanye nomhlophe. Koke lokhu kwenziwe ngomncamo. Iinrholwani lezi zinendlela ezilandelana ngayo ngokuya kwesiko. Isithombe esingehlanzeni sesincelesi masokana asayokwenza isiko ivunulo yabo ihlukile kunamasokana sele aqedileko. Ivunulo yabo ilula njengale yomswegwabo. Bona bambatha ibhetjha kanje neenzipha kwaphela bese baphathe intonga ngesandleni sokudla.
ABENTAZANA
Abentazana ngomhlubulo nabo bambatha ivunulo esuka ehloko ukufika eenyaweni. ehloko bambatha umkhala, entameni bambatha irasu, edinini iphephethu, iinrholwani zedinini (ijuba nobukhobe), isithimba kanye ne yerhana. Ezandleni bambatha iinrholwani ezinemibalabala babuye bazembathe kanye neenyaweni. Imibala yakhona ngu nzima, hlaza okwesibhakabhaka, hlaza satjani, ubukhobe kanye nomhlophe. Koke lokhu kwenziwe ngomncamo.