Wp/nod/ᩌᩱᩁᩰ​ᨠᩖᩥᨼ᩼ᩋᩦᩀᩥᨷ᩠ᨴ᩼

ᨲ᩠ᩅᩫ​ᩌᩱᩁᩰᨠᩖᩥᨼ᩼​ᩃᩩᨠ​ᩉᩖᩩᨾ​ᩆᩫᨻᩛ᩼ᨡᩬᨦ​ᨼᩣᩁᩰᩉ᩼ᨪᩮᨲᩥ​ᨴᩦ᩵​ ᪑​ (ᩉᩖᩩᨾᩆᩫᨻᩛ᩼​ KV17),​ ᨷᩕᩉ᩠ᨾᩣ᩠ᨱ​ᩈᨲᩅᩢᩔ᩼​​ᨴᩦ᩵​ ᪁᪃​ ᨠᩬ᩵ᩁ​ᩈᩣᨠᩫ᩠ᩃ​ᩈᨠᩕᩣ᩠ᨩ᪩

ᨲ᩠ᩅᩫ​ᩌᩱᩁᩰᨠᩖᩥᨼ᩼​ᩋᩦᩀᩥᨷ᩠ᨴ᩼​ᨸᩮ᩠ᨶ​ᩁᨷᩫ᩠ᨷ​ᨠᩣ᩠ᩁ​ᨡ᩠ᨿᩁ​ᩀ᩵ᩣ᩠ᨦ​ᨸᩮ᩠ᨶ​ᨴᩣ᩠ᨦ​ᨠᩣ᩠ᩁ​ᨴᩦ᩵ᨩᩲ᩶​ᨶᩲ​ᩋᩦᩀᩥᨷ᩠ᨴ᩼​ᨷ᩠ᩅᩫᩁᩣ᩠ᨱ​ᨻᩮᩬᩨ᩵ᩋ​ᨡ᩠ᨿᩁ​ᨽᩣᩈᩣ​ᩋᩦᩀᩥᨷ᩠ᨴ᩼᪩​ ᩌᩱᩁᩰᨠᩖᩥᨼ᩼​ᨾᩦ​ᨲ᩠ᩅᩫ​ᩉ᩠ᨶᩢ᩠ᨦ​ᩈᩨ​​ ᪃​ ᨷᩯ᩠ᨷ​ᨤᩨ​ ᨲ᩠ᩅᩫᩉ᩠ᨶᩢ᩠ᨦ​ᩈᩨ​ᨴᩯ᩠ᨶ​ᨣᩤᩴ​ (logograph) ᨲ᩠ᩅᩫᩉ᩠ᨶᩢ᩠ᨦ​ᩈᩨ​ᨴᩯ᩠ᨶ​ᨻ᩠ᨿᩣᨦ᩠ᨣ᩼ (syllabary)​ ᩓ​ᨲ᩠ᩅᩫ​ᩋᩢᨠ᩠ᨡᩁ​ (alphabet) ᨯᩰᩫ᩠ᨿ​ᨾᩦ​ᨶᩢ᩠ᨠ​ᨳᩮᩥ᩠ᨦ​ᨶᩢ᩠ᨷ​ ᪁᪀᪀​ ᨲ᩠ᩅᩫ᪩ ᨲ᩠ᩅᩫ​ᩌᩱᩁᩰᨠᩖᩥᨼ᩼​ᨷᩯ᩠ᨷ​ᩉ᩠ᩅᩢᨯ​ᨾᩢ᩠ᨠ​ᨩᩲ᩶​ᨻᩮᩬᩨ᩵ᩋ​ᨡ᩠ᨿᩁ​ᩁᩮᩬᩨ᩵ᨦ​ᨴᩣ᩠ᨦ​ᩈᩣᩈᨶᩣᩃᩫ᩠ᨦ​ᨷᩫ᩠ᨶ​ᨠᩕᨯᩣ᩠ᩇ​ᨻᩣᨻᩥᩁᩢ᩠ᩈᩓᨹᩯ᩠᩵ᨶ​ᨾᩱ᩶᪩​ ᨻᩣ᩠ᨿ​ᩃᩪᩁ​ᩌᩱᩁᩰᨠᩖᩥᨼ᩼​ᨯᩱ᩶​ᨻᩢᨯ᩠ᨰᨶᩣ​ᨻᩱ​ᨸᩮ᩠ᨶ​ᨲ᩠ᩅᩫ​ᩉ᩠ᨶᩢ᩠ᨦᩈᩨ​ᨴᩦ᩵​ᩁᩬ᩶ᨦ​ᩅ᩵ᩤ​ ᩌᩱᩁᩣᨲᩥ᩠ᨠ​ ᩓ​ ᨯᩮᨾᩰᨲᩥ᩠ᨠ​ ᩓ​ᨣᩴ​ᨿᩢ᩠ᨦ​ᩁ᩠ᩅᨾ​ᨻᩱ​ᨳᩮᩥ᩠ᨦ​ᨲ᩠ᩅᩫ​ᩉ᩠ᨶᩢ᩠ᨦ​ᩈᩨ​ᨷᩯ᩠ᨷ​ᨻᩕᩰᨴᩰᨪᩱᨶᩣ᩠ᨿᨲᩥ᩠ᨠ​​ᨪᩮᩥ᩠᩵ᨦ​ᨻᩣ᩠ᨿ​ᩃᩪᩁ​ᨣᩴ​ᨠᩖᩣ᩠ᨿ​ᨾᩣ​ᨸᩮ᩠ᨶ​ᨲ᩠ᩅᩫ​ᩋᩢᨠ᩠ᨡᩁ​ᨼᩦᨶᩥᨫ᩠ᨿᨶ᪩