Wp/nod/ᩌᩰᨾᩰᩋᩥᩁᩮ᩠ᨣᨴᩢ᩠ᩈ

ᩉ᩠ᩅᩫ​ᨠᩉᩖᩰᩫᨦ​ᨧᩣᩴᩃᩬᨦ​ᨡᩬᨦ​ᩌᩰᨾᩰ​ᩋᩥᩁᩮ᩠ᨣᨴᩢ᩠ᩈ​​ ᨩᩨ᩵​ᨾᨶᩩᩔ᩼​ᨸᩢ᩠ᨠᨠᩥ᩠᩵ᨦ​ ᨴᩦ᩵​ᨻᩥᨻᩥᨵᨽᩢᨱ᩠ᨯ᩼​ᩈᩢᨲ᩠ᩅ​ᩅᩥᨴ᩠ᨿᩣ​ᨿᩩᨣ᩼​ᩉᩥ᩠ᨶ​ᩉᩯ᩠᩵ᨦ​ᨷᩕᨴᩮ᩠ᩆ​ᨧᩦ᩠ᨶ᪩

ᩌᩰᨾᩰᩋᩥᩁᩮ᩠ᨣᨴᩢ᩠ᩈ​ (ᨩᩨ᩵​ᩅᩥᨴ᩠ᨿᩣᩆᩣᩈ᩠ᨲᩕ᩼​:​ Homo erectus; ᨸᩖᩯ​ᩅ᩵ᩤ​​ "ᨾᨶᩩᩔ᩼​ᨴᩦ᩵​ᨿᩨ᩠ᨶ​ᨪᩨ᩵"​)​ ᨸᩮ᩠ᨶ​ᩈᨻᩦᨫᩦᩈ᩼​ᨡᩬᨦ​ᨾᨶᩩᩔ᩼​ᨷ᩠ᩅᩫ​ᩁᩣ᩠ᨱ​ᨴᩦ᩵​ᩈ᩠ᨿ᩶ᨦ​ᨩᩮᩬᩨ᩶ᩋ​ᩈᩣ᩠ᨿ​ᨻᩱ​​ᩓ᩠ᩅ​ ᨯᩰᩫ᩠ᨿ​ᨾᩦ​ᨩᩦᩅᩥ᩠ᨲ​ᩀᩪ᩵​​ᨾᩮᩬᩨ᩵ᩋ​ᨷᩕᩉ᩠ᨾᩣ᩠ᨱ​​ ᪂​ ᩃ᩶ᩣ᩠ᨶ​ᨸᩦ​ᨠᩬ᩵ᩁ​ᨶᩲ​​ᩈ᩠ᨾ᩻ᩱ᩠ᨿ​ᨽᩖᩱᩈᨴᩰᨪᩦ᩠ᨶ​​​ ᪩​ ᨪᩣ᩠ᨠ​ᨯᩧ᩠ᨠᨯᩣᩴᨷᩢᩁ᩠ᨻ᩼​ᨡᩬᨦ​ᨾᩢ᩠ᨶ​ᨶᩢ᩠ᨷ​ᨸᩮ᩠ᨶ​ᨲ᩠ᩅᩫ​ᩀ᩵ᩣ᩠ᨦ​ᩁᩯ᩠ᨠ​ᨴᩦ᩵​ᨯᩱ᩶​ᩁᩢ᩠ᨷ​ᨠᩣ᩠ᩁ​ᨿᩬᨾ​ᩁᩢ᩠ᨷ​ᩅ᩵ᩤ​ᩀᩪ᩵​ᨶᩲ​ᩈᨠᩩᩃ᩼​ᩌᩰᨾᩰ​ (Homo) ᨪᩮᩬᩥ᩵ᨦ​ᨣᩴ​ᨤᩨ​ᩈᨠᩩᩃ᩼​ᨡᩬᨦ​ᨾᨶᩩᩔ᩼​ᩁᩮᩢᩣ​ᨶᩦ᩶ᩓ᪩

ᨾᨶᩩᩔ᩼​ᩉᩖᩣ᩠ᨿ​ᩈᨻᩦᨫᩦᩈ᩼​​ ᨩᩮᩬᩨ᩶ᩋ​ᩅ᩵ᩤ​ H. heidelbergensis (ᩌᩰᨾᩰ​ ᩌᩱᨯᩮ᩠ᩃᨷᩮᩬᩥᩁ᩼ᨣᩮ᩠ᨶᨪᩥ᩠ᩈ)​ ᩓ H. antecessor​ ​(ᩌᩰᨾᩰ​ ᩋᩯ᩠ᨶᨵᩮᨪᩮ᩠ᩈᨪᩬᩴᩁ᩼) ᨩᩮᩬᩨ᩵ᩋ​ᨠᩢ᩠ᨶ​ᩅ᩵ᩤ​ᨯᩱ᩶​ᩅᩥᩅᩢᨯ᩠ᨰᨶᩣᨠᩣ᩠ᩁ​ᩃᩩᨠ​ᩌᩰᨾᩰ​ᩋᩥᩁᩮ᩠ᨣᨴᩢ᩠ᩈ​ ᩓ​ᨾᨶᩩᩔ᩼​ᩈ᩠ᨾ᩻ᩱ᩠ᨿ​ᨳᩢ᩠ᨯ​ᨾᩣ​ᨤᩨ​ ᨾᨶᩩᩔ᩼​ᨶᩦᩋᩯ᩠ᨶᨯᩮᩬᩥᩁ᩼ᨵᩢ᩠ᩃ,​ ᨾᨶᩩᩔ᩼​ᨯᩮᨶᩥᨪᩰᩅᩯ᩠ᨶ,​ ᩓ​ᨾᨶᩩᩔ᩼​ᩈ᩠ᨾ᩻ᩱ᩠ᨿ​ᩉ᩠ᨾᩲ᩵​ ᨣᩴ​ᨩᩮᩬᩨ᩵ᩋ​ᩅ᩵ᩤ​ᨯᩱ᩶​ᩅᩥᩅᩢᨯ᩠ᨰᨶᩣᨠᩣ᩠ᩁ​ᩃᩩᨠ​​ H. heidelbergensis​ ᨶᩦ᩶​ᨩ᩠ᩓ᪩​​ ᩌᩰᨾᩰ​ᩋᩥᩁᩮ᩠ᨣᨴᩢ᩠ᩈ​ᨸᩮ᩠ᨶ​ᨷᩢᩁ᩠ᨻᨷᩩᩁᩩᩇ​ᨾᨶᩩᩔ᩼​ᨠᩖᩩ᩵ᨾ​ᩁᩯ᩠ᨠ​ᨴᩦ᩵​ᨠᩕᨧᩣ᩠ᨿ​ᨲ᩠ᩅᩫ​ᩀᩪ᩵​ᨴ᩠ᩅᩫ᩵​ᨴ᩠ᩅᩦᨷ᩼​ᩀᩪᩁᩮᨪ᩠ᨿᩮ​ ᨲᩢ᩠᩶ᨦ​ᨲᩯ᩵​ᨤᩣ᩠ᨷ​ᩈᨾᩩᨴᩕ᩼​ᩋᩱᨷᩦᩁ᩠ᨿᩮ​ᨻᩱ​ᨧᩫ᩠ᨶ​ᨳᩮᩥ᩠ᨦ​ᩉ᩠ᨾᩪ᩵​ᨠᩰᩬᩡ​ᨩᩅᩤ᪩