Wp/nod/ᩈᩫ᩠ᨾᨯᩮ᩠ᨫᨻᩕᨾᩉᩣᨴᩮᩅᩦᨸᩮ᩠ᨶᨧᩮᩢ᩶ᩣᩋᩮᩃᩥᨪᩣᨷᩮ᩠ᨴᨴᩦ᩵ ᪒ ᩉᩯ᩠᩵ᨦᩈᩉᩁᩣᨩᩋᩣᨱᩣᨧᩢᨠ᩠ᨠ᩼
_(cropped)_(3-to-4_aspect_ratio).jpg)
ᩈᩫ᩠ᨾᨯᩮ᩠ᨫᨻᩕᨾᩉᩣᨴᩮᩅᩦᨸᩮ᩠ᨶᨧᩮᩢ᩶ᩣᩋᩮᩃᩥᨪᩣᨷᩮ᩠ᨴᨴᩦ᩵ ᪒ (ᩋᩢ᩠ᨦᨠᩕᩥ᩠ᩈ: Elizabeth II; ᪂᪁ ᨾᩮᩇᩣᨿᩫ᩠ᨶ ᨣ.ᩈ. ᪁᪉᪂᪆ - ᪈ ᨠᩢᨶ᩠ᨿᩣᨿᩫ᩠ᨶ ᨣ.ᩈ. ᪂᪀᪂᪂) ᨾᩦᨻᩕᨶᩣ᩠ᨾᨾᩮᩬᩨ᩵ᩋᨷᩕᩈᩪᨲ᩼ᩅ᩵ᩤ ᨧᩮᩢ᩶ᩣᨶᩣ᩠ᨦᩋᩮᩃᩥᨪᩣᨷᩮ᩠ᨴ ᩋᩃᩮᩢ᩠ᨠᨪᩣ᩠ᨶᨯᩕᩣ ᨾᩯᩁᩦ᪩ ᨻᩕᨶᩣ᩠ᨦᨸᩮ᩠ᨶᨠᩕᩈᩢ᩠ᨲᩉᩯ᩠᩵ᨦᩈᩉᩁᩣᨩᩋᩣᨱᩣᨧᩢᨠ᩠ᨠ᩼ ᩓᨻᩕᨷᩕᨾᩩᨡ᩼ᨡᩬᨦᨳᩯ᩠ᨾ ᪁᪄ ᨷᩕᨴᩮ᩠ᩆᨧᩣ᩠ᨠ ᪅᪃ ᩁᩢᨭᩛ᩼ᩈᨾᩣᨪᩥ᩠ᨠᨶᩲᨣᩕᩮᩬᩨᩋᨧᩢᨠ᩠ᨠᨽᩫᨻᩛ᩼ᩉᩯ᩠᩵ᨦᨷᩕᨩᩣᨩᩣ᩠ᨲ (The Commonwealth of Nations), ᨷᩕᨵᩣ᩠ᨶᨣᩕᩮᩬᩨᩋᨧᩢᨠ᩠ᨠᨽᩫᨻᩛ᩼, ᩓᨷᩕᨾᩩᨡ᩼ᩈᩪᨦᩈᩩᨯᩉᩯ᩠᩵ᨦᨣᩕᩥᩈ᩠ᨲᨧᩢᨠ᩠ᨠ᩼ᩉᩯ᩠᩵ᨦᩋᩢ᩠ᨦᨠᩕᩥ᩠ᩈ᪩ ᨻᩕᨶᩣ᩠ᨦᨸᩮ᩠ᨶᨠᩕᩈᩢ᩠ᨲᨴᩦ᩵ᩈ᩠ᩅ᩻ᩮᩥ᩠ᨿᩁᩣᨩᩈᩫᨾ᩠ᨷᩢᨲᩥ᩼ᨶᩢ᩠᩵ᨦᨾᩮᩬᩨᨦᨾᩮᩥ᩠ᨶ ᪇᪀ ᨸᩦᨠᩢ᩠ᨷ ᪂᪁᪄ ᩅᩢ᩠ᨶ ᨶᩢ᩠ᨷᩅ᩵ᩤᨾᩮᩥ᩠ᨶᨶᩣ᩠ᨶᨴᩦ᩵ᩈᩩᨯᨶᩲᨷᩕᩅᩢᨲ᩠ᨲᩥᩆᩣᩈ᩠ᨲᩕ᩼ᩋᩢ᩠ᨦᨠᩕᩥ᩠ᩈ ᨾᩮᩥ᩠ᨶᩉᩮᩖᩬᩨᩋᩈᩫ᩠ᨾᨯᩮ᩠ᨫᨻᩕᨾᩉᩣᨴᩮᩅᩦᨸᩮ᩠ᨶᨧᩮᩢ᩶ᩣᩅᩥ᩠ᨣᨴᩬᩴᩁ᩠ᨿᩮ ᨪᩮᩥ᩠᩵ᨦᨸᩮ᩠ᨶᨧᩮᩢ᩶ᩣᨾᩯ᩵ᨡᩬᨦᨧᩮᩢ᩶ᩣᨸᩪ᩵ᨡᩬᨦᨻᩕᨶᩣ᩠ᨦᩉᩢ᩠᩶ᨶᩓ ᩓᨣᩴᨶᩢ᩠ᨷᩅ᩵ᩤᨾᩮᩥ᩠ᨶᨶᩣ᩠ᨶᨸᩮ᩠ᨶᩃᩣᩴᨯᩢ᩠ᨷᨴᩦ᩵ ᪂ ᨡᩬᨦᩃᩰᩫ᩠ᨠ ᨿᩬ᩵ᨾᩉᩖᩮᩬᩨᩋᨻᩕᨸᩮ᩠ᨶᨧᩮᩢ᩶ᩣᩉᩖᩩ᩠ᨿᩈ᩼ᨴᩦ᩵ ᪑᪔ ᩉᩯ᩠᩵ᨦᨺᩕᩢ᩠᩵ᨦᩔᩮ᪩
ᨻᩕᨶᩣ᩠ᨦᨷᩕᩈᩪᨲ᩼ᨴᩦ᩵ᨾᩮᨿ᩼ᨼᩯᩁ᩼ ᨾᩮᩬᩨᨦᩃᩬᨶᨯᩬᨶ ᨶᩲᩁᩢᨩ᩠ᨩᩈ᩠ᨾ᩻ᩱ᩠ᨿᨡᩬᨦᩈᩫ᩠ᨾᨯᩮ᩠ᨫᨻᩕᨸᩮ᩠ᨶᨧᩮᩢ᩶ᩣᨧᩬᩁ᩠᩼ᨫᨴᩦ᩵ ᪕ ᨪᩮᩥ᩠᩵ᨦᨸᩮ᩠ᨶᨧᩮᩢ᩶ᩣᨸᩪ᩵ᨡᩬᨦᨻᩕᨶᩣ᩠ᨦ᪩ ᨻᩕᨶᩣ᩠ᨦᨸᩮ᩠ᨶᩃᩪᨠ᩼ᩈᩣ᩠ᩅᨤᩫ᩠ᨶᨣᩮᩢ᩶ᩣᨡᩬᨦᨯᨿᩩᨣ᩼ᩓᨯᩢ᩠ᨯᨫᩮ᩠ᩈᩉᩯ᩠᩵ᨦᨿᩬᩁ᩠ᨠ᩼ (ᨻᩣ᩠ᨿᩃᩪᩁᨤᩨ ᩈᩫ᩠ᨾᨯᩮ᩠ᨫᨻᩕᨸᩮ᩠ᨶᨧᩮᩢ᩶ᩣᨧᩬᩁ᩠᩼ᨫᨴᩦ᩵ ᪖ ᩓᩈᩫ᩠ᨾᨯᩮ᩠ᨫᨻᩕᨾᩉᩣᨴᩮᩅᩦᩋᩮᩃᩥᨪᩣᨷᩮ᩠ᨴᨲᩫ᩠ᨶᨾᩯ᩵)᪩ ᨧᩮᩢ᩶ᩣᨻᩬᩴ᩵ᨡᩬᨦᨻᩕᨶᩣ᩠ᨦᨡᩧ᩠᩶ᨶᨶᩢ᩠᩵ᨦᨾᩮᩬᩨᨦᨾᩮᩬᩨ᩵ᩋᨸᩦ ᨣ.ᩈ.᪁᪉᪃᪆ ᨻᩣ᩠ᨿᩃᩪᩁᨠᩣ᩠ᩁᩈ᩠ᩃ᩻ᩡᩁᩣᨩᩈᩫᨾ᩠ᨷᩢᨲᩥ᩼ᨡᩬᨦᨻᩕᨸᩮ᩠ᨶᨧᩮᩢ᩶ᩣᩋᩮ᩠ᨯᩅᩮᩥᩁ᩠᩼ᨯᨴᩦ᩵ ᪘ (ᨧᩮᩢ᩶ᩣᩃᩩᨦᨡᩬᨦᨻᩕᨶᩣ᩠ᨦ) ᨿ᩠ᨿᩮᩡᩉᩨ᩶ᨧᩮᩢ᩶ᩣᨶᩣ᩠ᨦᩋᩮᩃᩥᨪᩣᨷᩮ᩠ᨴᨪᩮᩥ᩠᩵ᨦᨾᩦᩅᩢᩔᩣ ᪁᪀ ᨸᩦᨶᩲᨲᩬᩁᨶᩢ᩠᩶ᨶ ᨠᩖᩣ᩠ᨿᨸᩮ᩠ᨶᩋᩫᨦ᩠ᨣ᩼ᩁᩢᨩ᩠ᨩᨴᩣᨿᩣ᩠ᨴᨯᩰᩫ᩠ᨿᩈᩢᨶ᩠ᨶᩥᨭᩛᩣ᩠ᨶ᪩