Wp/nod/ᩈᩥ᩠᩵ᨦᨾᩦᨩᩦᩅᩥ᩠ᨲᨶᩬᨠᩃᩰᩫ᩠ᨠ

ᩈᩥ᩠᩵ᨦᨾᩦᨩᩦᩅᩥ᩠ᨲ​ᨶᩬᨠ​ᩃᩰᩫ᩠ᨠ ᩉᩖ᩶ᩣ᩠ᨦ​ᨴᩮᩬᩥ᩵ᩋ​ᨣᩤᩴ​ᨸᩣ᩠ᨠ​ᨣᩴ​ᩁ᩶ᩬᨦ​ᩅ᩵ᩤ ᩋᩮᩃ᩠ᨿᨶ (ᩋᩢ᩠ᨦᨠᩕᩥ᩠ᩈ : alien) ᨤᩨ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲᨣᩕᨶᩮ​ᩅ᩵ᩤ​ᨾᩦ​ᨠᩣᩴ​ᨶᩮᩥ᩠ᨭ​ᩓ​ᩋᩣᩆᩱ᩠ᨿ​ᩀᩪ᩵​ᨶᩬᨠ​ᩃᩰᩫ᩠ᨠ ᪨᪨ ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨩᩮᩬᩥ᩶ᩋ​ᨶᩢ᩠᩶ᨶ ᨾᩦ​ᨯᩱ᩶​ᨴᩧ᩠ᨦ​ᨴᩦ᩵​ᨸᩮ᩠ᨶ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᩀ᩵ᩣ᩠ᨦ​ᨦ᩵ᩣ᩠ᨿ​ᩀ᩵ᩣ᩠ᨦ​ᨷᩯ᩠ᨣᨵᩦᩁ᩠ᨿᩮ​ ᨻᩱ​ᨧᩫ᩠ᨶ​ᨳᩮᩥ᩠ᨦ​ᨴᩦ᩵​ᨪᩢ᩠ᨷᨪ᩶ᩬᩁ​ᨾᩦ​ᨷᩕ᩠ᨿᩣ​ᨷᩢᨬ᩠ᨬᩣ​ᩈᩪᨦ ᪨ ᨴᩦ᩵​ᨣᩴ​ᩉᩖ᩶ᩣ᩠ᨦ​ᩅ᩵ᩤ​ᨾᩦ​ᩋᩣᩁ᩠ᨿᨵᩢᨾ᩠ᨾ᩼​ᨧᩁᩮᩥ᩠ᨬ​​ᩉᩖᩮᩬᩥᩋ​ᨾᨶᩩᩔ᩼​ᩃᩰᩫ᩠ᨠ​ᨶᩢ᩠ᨠᨣᩯ ᪨᪨ ᩈᨾᨠᩣ᩠ᩁ​ᨡᩬᨦ​ᨯᩕᩮ᩠ᨠ​ᨯᩱ᩶​ᨲᩣᩴᨶ᩠ᩅᩣ᩠ᨿ​ᨠᩣ᩠ᩁ​ᨾᩦ​ᩀᩪ᩵​ᨡᩬᨦ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨴᩦ᩵​ᨾᩦ​ᨷᩕ᩠ᨿᩣ​ᨷᩢᨬ᩠ᨬᩣ​ᨶᩲ​ᨴᩦ᩵​ᩋᩨ᩠᩵ᨶ​ᪧ​ᨶᩲ​ᨧᩢᨠ᩠ᨠᩅᩣ᩠ᩊ ᪨᪨ ᩅᩥᨴ᩠ᨿᩣᩆᩣᩈ᩠ᨲᩕ᩼​ᨴᩦ᩵​ᩈᩮ᩠ᨠᩥᩢᩈᩣ​​ᩁᩮᩬᩥ᩵ᨦ​​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨶᩬᨠ​ᩃᩰᩫ᩠ᨠ​ᨴᩘ᩠ᩃᩣ᩠ᨿ​ᨶᩢ᩠᩶ᨶ​ᩁ᩶ᩬᨦ​ᩅ᩵ᩤ​ᩅᩥᨩ᩠ᨩᩣ ᨩᩦᩅᨯᩣᩁᩣᩆᩣᩈ᩠ᨲᩕ᩼ ᪨᪨

ᨲᩢ᩠᩶ᨦᨲᩯ᩵​ᨠᩖᩣ᩠ᨦ​ᩈᨲᩅᩢᩔ᩼​ᨴᩦ᩵ ᪂᪀ ᨣᩴ​ᨾᩦ​ᨠᩣ᩠ᩁ​ᩅᩥᨧᩱ᩠ᨿ​ᩀ᩵ᩣ᩠ᨦ​ᨲᩬᩴ᩵​ᨶᩮᩬᩥ᩵ᨦ​ᨴᩦ᩵​ᨧᩢ​ᨪᩰᩬᩡ​ᩉᩣ​ᩁᩬ᩵ᨦ​ᩁᩬ᩠ᨿ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨶᩬᨠ​ᩃᩰᩫ᩠ᨠ ᨴᩧ᩠ᨦ​ᨴᩦ᩵​ᨸᩮ᩠ᨶ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᩈ᩠ᨾᩱ᩠᩻ᨿ​ᨷ᩠ᩅᩫᩁᩣ᩠ᨱ ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᩈ᩠ᨾᩱ᩠᩻ᨿ​ᨷᩢ᩠ᨯᨯ᩠᩵ᨿᩅ ᩓ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨴᩦ᩵​ᨾᩦ​ᨷᩕ᩠ᨿᩣ​ᨷᩢᨬ᩠ᨬᩣ​ᩈᩪᨦ ᪨᪨ ᩅᩥᨵᩦ​ᨠᩣ᩠ᩁ​ᨪᩰᩬᩡ​ᩉᩣ​ᨣᩴ​ᨾᩦ​ᨲᩢ᩠᩶ᨦᨲᩯ᩵​ᨠᩣ᩠ᩁ​ᩅᩥᨣᩕᩰᩬᩡᩉ᩼​ᨡᩬᩴ᩶​ᨾᩪᩃ᩼​ᩃᩩᨠ​ᨠᩖᩬ᩶ᨦ​​ᨴᩰᩁᨴᩢᩆ᩠ᨶ᩼​ᩓ​ᩃᩩᨠ​ᩅᩢᨲ᩠ᨳᩩ​​ᨲ᩠ᩅᩫᩀ᩵ᩣ᩠ᨦ ᨻᩱ​ᨧᩫ᩠ᨶ​ᨳᩮᩬᩥᨦ​ᨠᩣ᩠ᩁ​ᨠ᩠ᩅᨯᨿᩢ᩠ᨷ​ᩈᩢᨬ᩠ᨬᩣ᩠ᨱ​ᩅᩥᨴ᩠ᨿᩩ​ᩃᩩᨠ​ᨲ᩵ᩣ᩠ᨦ​ᨯᩣ᩠ᩅ ᪨᪨

ᨶᩯ᩠ᩅ​ᨣᩤᩴᨣᩧ᩠ᨯ​ᩁᩮᩬᩥ᩵ᨦ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨶᩬᨠ​ᩃᩰᩫ᩠ᨠ ᨯᩰᩫ᩠ᨿ​ᨨᨻᩕᩰᩬᩡ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨶᩬᨠ​ᩃᩰᩫ᩠ᨠ​ᨴᩦ᩵​ᨾᩦ​ᨷᩕ᩠ᨿᩣ​ᨷᩢᨬ᩠ᨬᩣ​ᩈᩪᨦ​ᨶᩢ᩠᩶ᨶ ᨾᩦ​ᩍᨴ᩠ᨵᩥᨻᩫ᩠ᩃ​ᨲᩬᩴ᩵​ᩅᩢᨯ᩠ᨰᨶᨵᩢᨾ᩠ᨾ᩼​ᨶᩢ᩠ᨠ​ᩉᩖᩣ᩠ᨿ ᨯᩰᩫ᩠ᨿ​ᨨᨻᩕᩬᩡ​ᨶᩲ​ᨦᩣ᩠ᨶ​ᨡ᩠ᨿᩁ ᪨᪨ ᩉᩖᩣ᩠ᨿ​ᨸᩦ​ᨴᩦ᩵​ᨠᩖᩣ᩠ᨿ​ᨾᩣ ᨶᩥᨿᩣ᩠ᨿ​ᩅᩥᨴ᩠ᨿᩣᩆᩣᩈ᩠ᨲᩕ᩼​ᨯᩱ᩶​ᩈᩨ᩵​ᨶᩯ᩠ᩅ​ᨣᩤᩴᨣᩧ᩠ᨯ ᩓ​ᨧᩥᨶ᩠ᨲᨶᩣᨠᩣ᩠ᩁ​ᨳᩮᩥ᩠ᨦ​​ᨤ᩠ᩅᩣ᩠ᨾ​ᨸᩮ᩠ᨶ​ᨻᩱ​ᨯᩱ᩶​ᨡᩬᨦ​ᩈᩥ᩠᩵ᨦ​​ᨾᩦ​ᨩᩦᩅᩥ᩠ᨲ​ᩉᩖᩣ᩠ᨿ​ᪧ​ᨷᩯ᩠ᨷ​ ᨪᩣᩴ᩶​ᨿᩢ᩠ᨦ​ᩈᩫ᩠᩵ᨦ​ᩍᨴ᩠ᨵᩥᨻᩫ᩠ᩃ​ᨶᩢ᩠ᨠᨣᩯ​ᨲᩬᩴ᩵​ᨣᩤᩴᨣᩧ᩠ᨯ​ᩉᩢ᩠ᨶ​ᨡᩬᨦ​ᨤᩫ᩠ᨶ​ᨴᩘ᩠ᩃᩣ᩠ᨿ​ᨠ᩠᩵ᨿᩅᨠᩢ᩠ᨷ​ᨩᩦᩅᩥ᩠ᨲ​ᨶᩬᨠ​ᩃᩰᩫ᩠ᨠ ᪨᪨ ᨷᩕᨯᩮᩢ᩠ᨶ​ᩉ᩠ᨿᩲ᩵​ᨴᩦ᩵​ᨤᩫ᩠ᨶ​ᨿᩢ᩠ᨦ​ᨳᩫ᩠ᨠ​ᨳ᩠ᨿᨦ​ᨠᩢ᩠ᨶ​ᩈᩨ᩠ᨷ​ᨾᩣ​ᨤᩨ​ᨤ᩠ᩅᩣ᩠ᨾ​ᨧᩤᩴᨸᩮ᩠ᨶ​ᨴᩦ᩵​ᨧᩢ​ᨲᩥ᩠ᨯᨲᩬᩴ᩵​ᨠᩢ᩠ᨷ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨶᩬᨠ​ᩃᩰᩫ᩠ᨠ​ᨴᩦ᩵​ᨾᩦ​ᨷᩕ᩠ᨿᩣ​ᨷᩢᨬ᩠ᨬᩣ ᪨᪨ ᨻᩕᩬ᩵ᨦ​ᩅ᩵ᩤ​ᩈᩫ᩠ᨾᨣ᩠ᩅᩁ​ᨴᩦ᩵​ᨧᩢ​ᩁᩮ᩠᩵ᨦ​ᨲᩥ᩠ᨯᨲᩬᩴ᩵​ᨠᩢ᩠ᨷ​ᩈᩥ᩠᩵ᨦᨾᩦ​ᨩᩦᩅᩥ᩠ᨲ​ᨶᩬᨠ​ᩃᩰᩫ᩠ᨠ​ᨴᩦ᩵​ᨾᩦ​ᨷᩕ᩠ᨿᩣ​ᨷᩢᨬ᩠ᨬᩣ​​ᩀ᩵ᩣ᩠ᨦ​ᨲᩮ᩠ᨾ​ᨠᩣᩴᩃᩢ᩠ᨦ ᪨᪨ ᨲᩯ᩵​ᨻᩕᩬ᩵ᨦ​ᨣᩴ​ᩅ᩵ᩤ​ᨷᩴ​ᨣ᩠ᩅᩁ​ᨿ᩠ᨿᩮᩡ ᨿᩬ᩶ᩁᩅ᩵ᩤ ᨳ᩶ᩣ​ᨯᩱ᩶​ᨸᩡ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ​ᨴᩦ᩵​ᨾᩦ​ᨷᩕ᩠ᨿᩣ​ᩈᩪᨦ​ᩉᩖᩮᩬᩥᩋ​ᨾᨶᩩᩔ᩼​ᨶᩢ᩠᩶ᨶ ᨣᩴ​ᩉᩖ᩶ᩣ᩠ᨦ​ᨴᩦ᩵​ᨡᩮᩢᩣ​ᩉ᩠ᨾᩪ᩵​ᨶᩢ᩠᩶ᨶ​​ᨧᩢ​ᨾᩖ᩶ᩣ᩠ᨦ​ᩈ᩠ᨿᩮ​ᨪᩮᩥ᩠᩵ᨦ​ᨾᨶᩩᩔ᩼​ᩃᩰᩫ᩠ᨠ​ᨴᩦ᩵​​ᩋᩣᩁ᩠ᨿᨵᩢᨾ᩠ᨾ᩼​​ᨲᩣᩴ᩵​ᩉᩖᩮᩬᩥᩋ ᪨ ᨨᨶᩦ᩶​ᨠᩣ᩠ᩁ​ᨿ᩠ᨿᩮᩡ​ᩉᩨ᩶​ᨯᩣ᩠ᩅ​ᩃᩰᩫ᩠ᨠ​ᨸᩮ᩠ᨶ​ᨴᩦ᩵​ᩈᩫ᩠ᨶ​ᨧᩲ​ᨣᩴ​ᨧᩢ​ᨸᩮ᩠ᨶ​ᩁᩮᩬᩥ᩵ᨦ​ᩋᩫᨶ᩠ᨲᩕᩣ᩠ᨿ ᪨᪨