Wp/nod/ᨯᩣ᩠ᩅᩆᩩᨠᩕ᩼

ᨯᩣ᩠ᩅᩆᩩᨠᩕ᩼

ᩁᩪᨷ᩼​ᨯ᩠ᩅᨦ​ᨲᩅᩢ᩠ᨶ​​ (​ᩈᩦ​ᨴᩯ᩶) ᨳ᩵ᩣ᩠ᨿ​ᨹ᩵ᩣ᩠ᨶ​ᨹᩯ᩠᩵ᨶ​ᨲᩕᩬᨦ​ᩈᩯ᩠ᨦ​ᨲᩅᩢ᩠ᨶ ᩁᩪ᩠ᨷ​ᨯᩣ᩠ᩅ​ᩆᩩᨠᩕ᩼ (​ᩈᩦ​ᨴᩯ᩶) ᨳ᩵ᩣ᩠ᨿ​ᩃᩩᨠ​ᨿᩣ᩠ᨶ​ᨾᩮ᩠ᩈᨪᩮ᩠ᨶᨩᩮᩬᩥᩁ᩼​ (MESSENGER)᪩​ ᨩᩢ᩠᩶ᨶ​ᨺ᩶ᩣ​ᨯᩱ᩶​ᨸᩫ᩠ᨠ​ᨣᩃᩩᨾ​ᨯ᩠ᩅᨦ​ᨯᩣ᩠ᩅ​ᨲ᩠ᩃ᩻ᩬᨯ​ᩅᩮᩃᩣ​ ᨿᩮ᩠ᨿᩡ​ᩉᩨ᩶​ᨷᩴ​ᩉᩢ᩠ᨶ​ᨹᩥ᩠ᩅ​ᨯᩣ᩠ᩅ᪩
ᨩᩨ᩵	ᨯ᩠ᩅᨦ​ᩆᩩᨠᩕ᩼,​ ᨯᩣ᩠ᩅᩈᩩᨠ᩠ᨠ᩼,​ ᨯᩣ᩠ᩅᨻᩕᨠᩣ᩠ᨿ,​ ᨯᩣ᩠ᩅᩉ᩠ᨾᩪᨣᩬᨦ
ᩈᩢᨬ᩠ᨬᩃᩢᨠ᩠ᨡᨱ᩼
ᨡᩬᩴ᩶ᨾᩪᩃ᩼​ᩃᩩᨠ​ᨠᩣ᩠ᩁ​ᩈᩢ᩠ᨦᨠᩮ᩠ᨲ
ᩁᨿ​ᩉ᩵ᩣ᩠ᨦ​ᨳ᩠ᩅᩫ​ᩅᩢ᩠ᨯ​ᩃᩩᨠ​ᩃᩰᩫ᩠ᨠ
ᨤ᩠ᩅᩣ᩠ᨾ​ᩈᩬ᩵ᨦ​ᨧᩯ᩠᩶ᨦ​ᨷᩕᩣᨠᩫ᩠ᨭ
ᨤ᩠ᩅᩣ᩠ᨾ​ᩈᩬ᩵ᨦ​ᨧᩯ᩠᩶ᨦ​ᩈᩣᩴᨷ᩠ᩅᩁ
ᩈᨻᩮᩢ᩠ᨠᨴᩕᩢ᩠ᨾ

ᨯᩣ᩠ᩅ​ᩆᩩᨠᩕ᩼​ (ᩋᩢ᩠ᨦᨠᩕᩥ᩠ᩈ ​: Venus ;​​ ᨵᩱ᩠ᨿ : ดาวศุกร์)​ ᨣᩤᨯᩣ᩠ᩅᩈᩩᨠ᩠ᨠ᩼​ ᨣᩤ​ᨯᩣ᩠ᩅ​ᨻᩕᨠᩣ᩠ᨿ​​ ᨣᩤ​ᨯᩣ᩠ᩅ​ᩉ᩠ᨾᩪ​ᨣᩬᨦ ᨸᩮ᩠ᨶ​ᨯᩣ᩠ᩅ​ᨣᩕᩰᩬᩡᩉ᩼​ᨯ᩠ᩅᨦ​ᨴᩦ᩵​​ ᪂​ ᨧᩣ᩠ᨠ​ᨯ᩠ᩅᨦ​ᨲᩅᩢ᩠ᨶ᪩​​ ᨸᩮ᩠ᨶ​ᨯᩣ᩠ᩅ​ᨣᩕᩰᩬᩡᩉ᩼​ᩉᩕᩥ᩠ᨶ​ᨴᩦ᩵​ᨾᩦ​ᨡ᩠ᨶ᩻ᩣ᩠ᨯ​ᩓ​ᨾ᩠ᩅᩁ​ᨠᩖᩲ᩶​ᨤ᩠ᨿᨦ​ᨠᩢ᩠ᨷ​ᩃᩰᩫ᩠ᨠ​ᨪᩮᩥ᩠᩵ᨦ​ᨸᩮ᩠ᨶ​ᨯᩣ᩠ᩅ​ᨴᩦ᩵​ᨤᩰᨧᩬᩁ​ᩀᩪ᩵​ᨲᩥ᩠ᨯ​ᨠᩢ᩠ᨶ᪩​ ᨯᩣ᩠ᩅ​ᩆᩩᨠᩕ᩼​ᨸᩮ᩠ᨶ​ᨯᩣ᩠ᩅ​ᨴᩦ᩵​ᩁᩪ᩶​ᨧᩢ᩠ᨠ​ᨠᩢ᩠ᨶ​ᩅ᩵ᩤ​ᨾᩦ​ᨩᩢ᩠᩶ᨶ​ᨷᩢᩁ᩠ᨿᩣᨠᩣ᩠ᩆ​ᨴᩦ᩵​ᩉ᩠ᨶᩯ᩶ᩁ​ᩉ᩠ᨶᩣ​ᨴᩦ᩵​ᩈᩩᨯ​ᨶᩲ​ᩉ᩠ᨾᩪ᩵​ᨯᩣ᩠ᩅ​ᨣᩕᩰᩬᩡᩉ᩼​ᩉᩥ᩠ᨶᨴᩢ᩠ᨦ​ᨾ᩠ᩅᩁ​ ᨪᩮᩥ᩠᩵ᨦ​ᨾᩦ​ᩈ᩠ᩅ᩵ᩁ​ᨷᩕᨠᩬᨷ​ᩉᩖᩢᨠ​ᨸᩮ᩠ᨶ​ᩋ᩠ᩅᩣ᩠ᨿ​ᨤᩣᩁ᩼ᨷᩬᨶ​ᨯᩱ​ᩋᩬᨠ​ᨪᩱᨯ᩼​ᩓ​ᨼ᩶ᩣ​ᨠᩕᩫ᩠ᨯ​ᨪᩢ᩠ᩃᨼᩥ᩠ᩅᩁᩥ᩠ᨠᨣᩃᩩᨾ​ᨴ᩠ᩅᩫ᩵​ᨯᩣ᩠ᩅ᪩​ ᩏᨱ᩠ᩉᨽᩪᨾᩥ᩼​ᨨ᩠ᩃ᩠᩻ᨿᩮ᩵​ᨴᩦ᩵​ᨻᩨ᩠᩶ᨶᨹᩥ᩠ᩅ​ᨯᩣ᩠ᩅ​ᩀᩪ᩵​ᨴᩦ᩵​ ᪇᪃᪇ K (᪄᪆᪄ °C) ᩓ​ᨾᩦ​ᨤ᩠ᩅᩣ᩠ᨾ​ᨯᩢ᩠ᨶ​ᨷᩢᩁ᩠ᨿᩣᨠᩣ᩠ᩆ​ᨴᩦ᩵​ᨶᩢ᩠ᨠ​ᩉᩖᩮᩬᩥᩋ​ᩃᩰᩫ᩠ᨠ​ᨴᩦ᩵​ᩁᨯᩢ᩠ᨷ​ᨶ᩶ᩣᩴ​ᨵᩃᩮ​ ᪉᪂​ ᨴᩫ᩠ᨷ​᪩​

ᨻᩣ᩠ᨿ​ᨶᩲ​ᨯᩣ᩠ᩅ​ᩆᩩᨠᩕ᩼​ᨾᩦᨠᩯ᩠ᨶ​ᨯᩣ᩠ᩅ​ ᨩᩢ᩠᩶ᨶ​ᨾᩯ᩠ᨶᨵᩮᩥ᩠ᩃ​ ᩓ​ᨸᩖᩮᩬᩥᨠ​ᨯᩣ᩠ᩅ᪩​ ᨯᩣ᩠ᩅ​ᩆᩩᨠᩕ᩼​ᨷᩴ​ᨾᩦᨯᩱᨶᩣᨾᩰ​ᨻᩣ᩠ᨿ​ᨶᩲ​ᩓ​ᨣᩴ​ᨾᩦ​ᨩᩢ᩠᩶ᨶ​ᨾᩯ᩠ᨠᨶᩦᨴᩰ​ᩈᨼ᩠ᨿᩮᩁ᩼ᨴᩦ᩵​ᩋᩬ᩵ᩁᨪᩮᩥ᩠᩵ᨦ​ᨠᩮᩥ᩠ᨭ​ᨧᩣ᩠ᨠ​ᨷᨭᩥᨠᩥᩁᩥᨿᩣ​ᨠᩢ᩠ᨷ​ᩃᩫ᩠ᨾ​ᩈᩩᩁᩥᨿ᪩​ ᩉᩖᩯ᩵ᨦ​ᨤ᩠ᩅᩣ᩠ᨾ​ᩁᩬ᩶ᩁ​ᨻᩣ᩠ᨿ​ᨶᩲ​ᨡᩬᨦ​ᨯᩣ᩠ᩅ​ᩆᩩᨠᩕ᩼ᨠᩮᩥ᩠ᨯ​ᨠᩣ᩠ᩁ​ᩈᩪᨬ᩠ᨬ᩼​ᩈᩮ᩠ᨿ​ᨹ᩵ᩣ᩠ᨶ​ᨠᩕᨷ᩠ᩅᩁ​ᨠᩣ᩠ᩁ​ᨸᨵᩩ​ᨡᩬᨦ​ᨯᩬ᩠ᨿ​ᨼᩱ᪩​ ᨯᩣ᩠ᩅ​ᩆᩩᨠᩕ᩼​ᨸᩮ᩠ᨶ​ᨯᩣ᩠ᩅ​ᨣᩕᩰᩬᩡᩉ᩼​ ᪁​​ ᨶᩲ​ ᪂​ ᨯ᩠ᩅᨦ​ᨶᩲ​ᩁᨷᩫ᩠ᨷ​ᩈᩩᩁᩥᨿ​ᨴᩦ᩵​ᨷᩴ​ᨾᩦ​ᨯ᩠ᩅᨦ​ᨯᩮᩬᩨᩁ​ ᨯᩰᩫ᩠ᨿ​ᨳᩯ᩠ᨾ​ᨯ᩠ᩅᨦ​​ ᪁​ ᨣᩴ​ᨤᩨ​ᨯᩣ᩠ᩅ​ᨻᩩᨵ᩼᪩​ ᨾᩦ​ᨤ᩠ᩅᩣ᩠ᨾ​ᩉᩖ᩶ᩣ᩠ᨦ​ᨧᩢ​ᨸᩮ᩠ᨶ​ᩅ᩵ᩤ​ᨶᩲ​ᨩᩢ᩠᩶ᨶ​ᨺ᩶ᩣ​ᨡᩬᨦ​ᨯᩣ᩠ᩅ​ᩆᩩᨠᩕ᩼​ᨶᩢ᩠᩶ᨶ​ᨧᩢ​ᨾᩦ​ᩈᨽᩣᩅ​ᨴᩦ᩵​ᩉ᩠ᨾᩰᩬᩡᨣ᩠ᩅᩁ​ᨠᩢ᩠ᨷ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ᪩​ ​ᨶᩲ​ᨿᩩᨣ᩼​ᨷᩢᩁ᩠ᨻᨠᩣ᩠ᩃ​ ᨶᩣ​ᩁᩉ᩠ᩅ᩵ᩣ᩠ᨦ​ᨿᩩᨣ᩼​ᨠᩬᩴ᩵ᨣᩮᩢ᩶ᩣ​ᨡᩬᨦ​ᨯᩣ᩠ᩅ​ ᨯᩣ᩠ᩅ​ᩆᩩᨠᩕ᩼​ᨣᩴ​ᩉᩖ᩶ᩣ᩠ᨦ​ᩅ᩵ᩤ​ᨧᩢ​ᨾᩦ​ᨶ᩶ᩣᩴ​ᨶᩲ​ᩈᨳᩣᨶ​ᨡᩬᨦ​ᩉᩖᩯᩅ​ᨷᩫ᩠ᨶ​ᨹᩥ᩠ᩅ​ᨯᩣ᩠ᩅ​ᩓ​ᨾᩦ​ᩈᨽᩣᩅ​ᩅᩯ᩠ᨯ​ᩃᩬ᩶ᨾ​ᨴᩦ᩵​ᩈᩫ᩠ᨾ​ᨣ᩠ᩅᩁ​ᨠᩢ᩠ᨷ​ᩈᩥ᩠᩵ᨦ​ᨾᩦ​ᨩᩦᩅᩥ᩠ᨲ᪩​ ᨻᩣ᩠ᨿ​ᩃᩪᩁ​ᨾᩣ​ᨶᩢ᩠᩶ᨶ​ᨯᩣ᩠ᩅ​ᩆᩩᨠᩕ᩼​ᨠᩮᩥ᩠ᨭ​ᨽᩣᩅ​​ᩁᩮᩬᩨᩁ​ᨠᨧᩫ᩠ᨠ​ᩓ​ᨿᩮ᩠ᨿᩡ​ᩉᩨ᩶​ᨶ᩶ᩣᩴ​ᩉᩮᩨᩬᨯ​ᩉᩯ᩠᩶ᨦ​ᨧᩣ᩠ᨠ​ᨯᩣ᩠ᩅ​ᨻᩱ​ᩈ᩠ᨿ᩶ᨦ​ᩓ​ᩀᩪ᩵​ᨶᩲ​ᩈᨽᩣᩅ​ᩉ᩠ᨾᩮᩬᩨᩁ​ᨶᩲ​ᨠᩣ᩠ᩃ​ᨷᩢ᩠ᨯ​ᨯ᩠ᨿ᩵ᩅ​ᨶᩦ᩶᪩