Wp/nod/ᨤᩣᩴᨹᩣ᩠ᨿ ᨶᩩᨻᩥ᩠ᨦ

ᨤᩣᩴᨹᩣ᩠ᨿ ᨶᩩᨻᩥ᩠ᨦ (ᨵᩱ᩠ᨿ: คำผาย นุปิง) ᩁᩂᨻᩬᩴ᩵ᨣᩕᩪᨤᩴᩣᨹᩣ᩠ᨿ ᩆᩥᩃ᩠ᨷᩥᨶ᩼ᩉᩯ᩠᩵ᨦᨩᩣ᩠ᨲᩈᩣᨡᩣᩆᩥᩃ᩠ᨷᨠᩣ᩠ᩁᩈᨯᩯ᩠ᨦ (ᨠᩣ᩠ᩁᩈᨯᩯ᩠ᨦᨻᩨ᩠᩶ᨶᨷ᩶ᩤ᩠ᨶ) ᨸᩦ ᨻ.ᩈ.᪂᪅᪃᪈᪨᪨ ᨸᩮ᩠ᨶᨩ᩵ᩣ᩠ᨦᨪᩬᩴᨴᩦ᩵ᨾᩦᨩᩨ᩵ᩈ᩠ᨿᨦᨶᩲᨧᩢ᩠ᨦᩉ᩠ᩅᩢᨯᨶ᩵ᩣ᩠ᨶ ᪨᪨

ᨷᩅᩢᨲ᩠ᨲᩥ᩼

ᨻᩬᩴ᩵ᨣᩕᩪᨤᩣᩴᨹᩣ᩠ᨿᨠᩮᩥ᩠ᨭᩅᩢ᩠ᨶᨴᩦ᩵ ᪁᪉ ᨻᩂᩇᨽᩣᨣᩫ᩠ᨾ ᨸᩦᨻᩩᨴ᩠ᨵᩈᩢᨠᩕᩣ᩠ᨩ ᪂᪄᪆᪇ ᨴᩦ᩵ᨷ᩶ᩤ᩠ᨶᩉ᩠ᩅᩫᨶᩣ ᨲᩣᩴᨷᩫ᩠ᩃᨴ᩵ᩤᨶ᩶ᩣ᩠ᩅ ᩋᩣᩴᨽᩮᩬᩥᨻᩪᨻ᩠ᨿᨦ ᨧᩢ᩠ᨦᩉ᩠ᩅᩢᨯᨶᩣ᩠᩵ᨶ᪩^[1] ᨸᩮ᩠ᨶᩃᩪᨠᨷ᩵ᩤ᩠ᩅᨡᩬᨦᨻᩬᩴ᩵ᨧᩲ ᨶᩩᨻᩥ᩠ᨦ ᩓᨾᩯ᩵ᨷᩰᩬᩡ ᨶᩩᨻᩥ᩠ᨦ᪨᪨ ᨻᩬᩴ᩵ᨣᩕᩪᨯᩱ᩶ᨲᩯ᩠᩵ᨦᨦᩣ᩠ᨶᨠᩢ᩠ᨷᨾᩯ᩵ᨷᩥ᩠ᨶ ᨶᩩᨻᩥ᩠ᨦ ᨾᩦᩃᩪᨠ ᪅ ᨤᩫ᩠ᨶ ᨸᩮ᩠ᨶᩃᩪᨠᨩᩣ᩠ᨿ ᪂ ᨤᩫ᩠ᨶ ᩃᩪᨠᨿᩥ᩠ᨦᨳᩯ᩠ᨾ ᪃ ᨤᩫ᩠ᨶ᪨᪨ ᨾᩮᩬᩥ᩵ᩋᨿᩣ᩠ᨾᩉ᩠ᨶᩬ᩠᩶ᨿ ᨻᩮᩥ᩠᩵ᨶᨯᩱ᩶ᨴ᩠ᩅ᩠ᨿᨻᩬᩴ᩵ᨾᩯ᩵ᨻᩱᨼᩢ᩠ᨦᨪᩬᩴᩓᨯᩱ᩶ᨠᩮᩥ᩠ᨭᨪᩬᨷᨧᩲ ᨧᩧ᩠᩵ᨦᨯᩱ᩶ᨧᩣᩴᨲᩣᩴᨶᩬᨦᨾᩣᩉᩢ᩠ᨯᨪᩬᩴᨤᩫ᩠ᨶᨯ᩠ᨿᩅ ᨧᩫ᩠ᨶᨪᩬᩴᩉᩮᩖ᩶ᩁᨠᩢ᩠ᨷᨻᩮᩥ᩵ᩬᩁᨯᩱ᩶ᨠ᩠ᩅᩯ᩵ᩁ᪨᪨ ᩃᩪᩁᨾᩣᨴ᩵ᩤ᩠ᨶᨣᩴᨯᩱ᩶ᨾᩦᨧᩲᨣᩕᩲ᩵ᨸᩮ᩠ᨶᨩ᩵ᩣ᩠ᨦᨪᩬᩴ ᨧᩧ᩠᩵ᨦᨯᩱ᩶ᨺᩣ᩠ᨠᨲ᩠ᩅᩫᨸᩮ᩠ᨶᩃᩪᨠᩆᩥᩇ᩠ᨿ᩼ᨡᩬᨦᨻᩬᩴ᩵ᨣᩕᩪᨩᩱ᩠ᨿᩃᩘᨠᩣ ᨣᩕᩮᩬᩥᩋᩈᩮ᩠ᨶ (ᩆᩥᩃ᩠ᨷᩥᨶ᩼ᩉᩯ᩠᩵ᨦᨩᩣ᩠ᨲᨸᩦ ᨻ.ᩈ.᪂᪅᪃᪀)᪨᪨ ᨺᩮᩥᩢ᩠ᨠᨡᩢ᩠ᨷᨪᩬᩴᩓᩉᩮᩖ᩶ᩁᩈᩃᩬᩴ᩶ᨪᩬᩴᨻᩥ᩠ᨱᩀᩪ᩵ᩉᩖᩣ᩠ᨿᨸᩦ ᨧ᩠ᨶᩫᩋᩬᨠᨹᩣ᩠ᨾᨪᩬᩴᨴᩮᩬᩥ᩵ᩋᩁᩯ᩠ᨠᨾᩮᩬᩥ᩵ᩋᩋᩣᨿᩩᨯᩱ᩶ ᪁᪃ ᨸᩦ᪨ ᨴ᩠ᩅ᩠ᨿᨻᩬᩴ᩵ᨣᩕᩪᨩᩱ᩠ᨿᩃᩘᨠᩣᩋᩬᨠᨹᩣ᩠ᨾᩀᩪ᩵ ᪇ ᨸᩦ ᨧᩧ᩠᩵ᨦᨯᩱ᩶ᨿᩯ᩠ᨠᨾᩣᨲᩢ᩠᩶ᨦᩅᩫ᩠ᨦᨡᩬᨦᨲ᩠ᩅᩫᨠᩮᩢ᩵ᩣᨩᩨ᩵ᩅ᩵ᩤ "ᩅᩫ᩠ᨦᨤᩴᩣᨹᩣ᩠ᨿ"᪩^[2]

ᨻᩬᩴ᩵ᨣᩕᩪᨤᩣᩴᨹᩣ᩠ᨿᨸᩮ᩠ᨶᨤᩫ᩠ᨶᨴᩦ᩵ᨡᩢ᩠ᨷᨪᩬᩴᨠ᩠ᩅᩯ᩵ᩁ ᨲᩯ᩠᩵ᨦᨷ᩠ᨴᩫᨪᩬᩴᨯᩱ᩶ᨧᩢ᩠ᨷᨧᩲᨤᩫ᩠ᨶᨼᩢ᩠ᨦᨶᩢ᩠ᨠᩉᩖᩣ᩠ᨿ᪨᪨ ᨻᩮᩥ᩠᩵ᨶᨿᩢ᩠ᨦᩈᩲ᩵ᩁᩮᩬᩥ᩵ᨦᨡᩬᨦᩅᩢᨯ᩠ᨰᨶᨵᩢᨾ᩠ᨾ᩼ᩃ᩶ᩣ᩠ᨶᨶᩣ ᨶᩯ᩠ᩅᨣᩤᩴᨣᩧ᩠ᨯᨻᩢᨯ᩠ᨰᨶᩣᩈᩘᨣᩫ᩠ᨾ ᩓᨣᩤᩴᩈᩬᩁᨴᩤ᩠ᨦᨻᩩᨴ᩠ᨵᩈᩣᩈᨶᩣᩃ᩠ᨦᩫᨻᩱᨶᩲᨣᩤᩴᨪᩬᩴᨴ᩠ᩅ᩠ᨿ᪨ ᨧᩫ᩠ᨶᨯᩱ᩶ᩁᩢ᩠ᨷᨠᩣ᩠ᩁᨷᩕᨠᩣ᩠ᩈᨠ᩠ᨿᨲ᩠ᨲᩥᨣᩩᨱ᩼ᨪᩬᩴ ᨯᩰᩫ᩠ᨿᩈᨳᩣᨶᩦᩅᩥᨴ᩠ᨿᩩᨽᩣ᩠ᨣᩉ᩠ᨶᩮᩬᩥᩋᨧᩢ᩠ᨦᩉ᩠ᩅᩢᨯᩃᩣᩴᨻᩣ᩠ᨦ ᨾᩮᩬᩥ᩵ᩋᨸᩦ ᨻ.ᩈ.᪂᪅᪁᪄᪩^[3] ᨿᩫ᩠ᨠᨿ᩵ᩬᨦᩉᩨ᩶ᨸᩮ᩠ᨶᨹᩪ᩶ᨾᩦᨹᩫ᩠ᩃᨦᩣ᩠ᨶᨯᩦᨯᩮ᩠᩵ᨶᨯ᩶ᩣ᩠ᨶᩅᩢᨯ᩠ᨰᨶᨵᩢᨾ᩠ᨾ᩼ ᩈᩣᨡᩣᩆᩥᩃ᩠ᨷᨠᩣ᩠ᩁᩈᨯᩯ᩠ᨦ ᨯᩰᩫ᩠ᨿᨣᨱᨠᩢᨾ᩠ᨾᨠᩣ᩠ᩁᩅᩢᨯ᩠ᨰᨶᨵᩢᨾ᩠ᨾ᩼ᩉᩯ᩠᩵ᨦᨩᩣ᩠ᨲ᪨᪨ ᨾᩮᩬᩥ᩵ᩋᨸᩦ ᨻ.ᩈ.᪂᪅᪃᪃^[4] ᨯᩱ᩶ᩁᩢ᩠ᨷᨠᩣ᩠ᩁᨿᩫ᩠ᨠᨿ᩵ᩬᨦᩉᩨ᩶ᨸᩮ᩠ᨶᩆᩥᩃ᩠ᨷᩥᨶ᩼ᩉᩯ᩠᩵ᨦᨩᩣ᩠ᨲ ᩈᩣᨡᩣᩆᩥᩃ᩠ᨷᨠᩣ᩠ᩁᩈᨯᩯ᩠ᨦ (ᨠᩣ᩠ᩁᩈᨯᩯ᩠ᨦᨻᩨ᩠᩶ᨶᨷ᩶ᩤ᩠ᨶ) ᨾᩮᩬᩥ᩵ᩋᨸᩦ ᨻ.ᩈ.᪂᪅᪃᪈᪩^[5]

ᩋ᩶ᩣ᩠ᨦᩋᩥ᩠ᨦ

↑ ᨷᩩᨣᩫ᩠ᨣᩃᩈᩣᩴᨤᩢ᩠ᨬᨴᩤ᩠ᨦᩅᩢᨯ᩠ᨰᨶᨵᩢᨾ᩠ᨾ᩼ ᨶᩣ᩠ᨿᨤᩣᩴᨹᩣ᩠ᨿ ᨶᩩᨻᩥ᩠ᨦ https://web.archive.org/web/20180228065702/http://kanchanapisek.or.th/kp8/culture/nan/nan241.html
↑ ᨽᩪᨾᩥ᩼ᨷᩢᨬ᩠ᨬᩣᨵ᩶ᩬᨦᨳᩥ᩠᩵ᨶᩋᩣᩴᨽᩮᩬᩥᨻᩪᨻ᩠ᨿᨦ https://web.archive.org/web/20140718064655/http://province.m-culture.go.th/nan/file/amphur/pup/05pup.html
↑ ᨷᩩᨣᩫ᩠ᨣᩃᩈᩣᩴᨣᩢ᩠ᨬᨴᩤ᩠ᨦᩅᩢᨯ᩠ᨰᨶᨵᩢᨾ᩠ᨾ᩺ ᨶᩣ᩠ᨿᨤᩣᩴᨹᩣ᩠ᨿ ᨶᩩᨻᩥ᩠ᨦ https://web.archive.org/web/20180228065702/http://kanchanapisek.or.th/kp8/culture/nan/nan241.html
↑ ᨷᩩᨣᩫ᩠ᨣᩃᩈᩣᩴᨣᩢ᩠ᨬᨴᩤ᩠ᨦᩅᩢᨯ᩠ᨰᨶᨵᩢᨾ᩠ᨾ᩺ ᨶᩣ᩠ᨿᨤᩣᩴᨹᩣ᩠ᨿ ᨶᩩᨻᩥ᩠ᨦ https://web.archive.org/web/20180228065702/http://kanchanapisek.or.th/kp8/culture/nan/nan241.html
↑ ᨣᩤᩴᨷᩕᨠᩣ᩠ᩈᨠ᩠ᨿᨲ᩠ᨲᩥᨣᩩᨱ᩺ᩆᩥᩃ᩠ᨷᩥᨶᩉᩯ᩠᩵ᨦᨩᩣ᩠ᨲ https://web.archive.org/web/20160305000036/http://art.culture.go.th/index.php?case=artistDetail&art_id=140&pic_id=&side=dnc_art_th

[1] ᨷᩩᨣᩫ᩠ᨣᩃᩈᩣᩴᨤᩢ᩠ᨬᨴᩤ᩠ᨦᩅᩢᨯ᩠ᨰᨶᨵᩢᨾ᩠ᨾ᩼ ᨶᩣ᩠ᨿᨤᩣᩴᨹᩣ᩠ᨿ ᨶᩩᨻᩥ᩠ᨦ https://web.archive.org/web/20180228065702/http://kanchanapisek.or.th/kp8/culture/nan/nan241.html

[2] ᨽᩪᨾᩥ᩼ᨷᩢᨬ᩠ᨬᩣᨵ᩶ᩬᨦᨳᩥ᩠᩵ᨶᩋᩣᩴᨽᩮᩬᩥᨻᩪᨻ᩠ᨿᨦ https://web.archive.org/web/20140718064655/http://province.m-culture.go.th/nan/file/amphur/pup/05pup.html

[3] ᨷᩩᨣᩫ᩠ᨣᩃᩈᩣᩴᨣᩢ᩠ᨬᨴᩤ᩠ᨦᩅᩢᨯ᩠ᨰᨶᨵᩢᨾ᩠ᨾ᩺ ᨶᩣ᩠ᨿᨤᩣᩴᨹᩣ᩠ᨿ ᨶᩩᨻᩥ᩠ᨦ https://web.archive.org/web/20180228065702/http://kanchanapisek.or.th/kp8/culture/nan/nan241.html

[4] ᨷᩩᨣᩫ᩠ᨣᩃᩈᩣᩴᨣᩢ᩠ᨬᨴᩤ᩠ᨦᩅᩢᨯ᩠ᨰᨶᨵᩢᨾ᩠ᨾ᩺ ᨶᩣ᩠ᨿᨤᩣᩴᨹᩣ᩠ᨿ ᨶᩩᨻᩥ᩠ᨦ https://web.archive.org/web/20180228065702/http://kanchanapisek.or.th/kp8/culture/nan/nan241.html

[5] ᨣᩤᩴᨷᩕᨠᩣ᩠ᩈᨠ᩠ᨿᨲ᩠ᨲᩥᨣᩩᨱ᩺ᩆᩥᩃ᩠ᨷᩥᨶᩉᩯ᩠᩵ᨦᨩᩣ᩠ᨲ https://web.archive.org/web/20160305000036/http://art.culture.go.th/index.php?case=artistDetail&art_id=140&pic_id=&side=dnc_art_th

[1]

[2]

[3]

[4]

[5]