Wp/nit/కేరళ రాష్ట్రం

కేరళ రాజముద్ర

కేరళ తెలుగు రాష్ట్రాలుంగ్ నైరుతి పకాంగ్ మలబార్ మెరామ్ అనేక రాష్ట్రం.కేరళ సరిహద్దులతి తూర్పు, ఉత్తరం వై కర్ణాటక, తూర్పు వై తమిళనాడు రాష్ట్రల్,పడమర పకాంగ్ అరేబియా సమధుర్,దక్షిణ తమిళనాడు ఉంగ్ కలయత కన్యాకుమారి జిల్లా అన్సా.కేంద్రపాలిత ప్రాంతం ఎద్ద పాండిచ్చేరి త మహే సిమన కేరళతి అంసాద్.దక్షిణ భారత్ ఇన్స ఇనేక 5 రాష్ట్రాలతి కేరళ ఒక్కొద్.

క్రీ.పూ.10 వ శతాబ్దం ఉత్ ద్రావిడ గొట్టి ముడెక మంది ఇతి అనెంగ్ ఎద్దేర్.మౌర్య సామ్రాజ్యమూత్ భాగం అండీన్.వెనకత్ చేర సామ్రాజ్యముత్,భూస్వామ్య నంబుదిరిలా పాలనత్ అంత్ వత్తిన్.ఇంకోకో దేశలాడ్ అనేక సంబంధ ఆకరింగ్ స్థానికు,అక్రమాదారులంగ్ నడుం జగడ ఎద్దేవ్.కొత్త రాష్ట్ర ఇధరేక చట్టమున్ సుమ్ముత్ 1956 నవంబర్ 1 ఇంగ్ కేరళ సిమన స్థాయి రాష్ట్రం ఎద్దీన్.19 వ శతాబ్దం ఉత్ కొచ్చిన్, తిరువాంకురు సంస్థనాల్ ఇధర్తే గిన సామాజిక సంస్కరణ స్వాతంత్ర్యం వెనకత్ వత్త సర్కార్ ఉన్ ఆడిగిప్ తేర్. అదున్గ్ వాలాడ్ ముంది దునియత దేశాలతి పేరెత్ కరపుత్ అనేక,గుల్ సోయ్ అనేక ఏరియా లాంగ్ కేరళ ఇల్తిన్.ఆనంగి ఆత్మహత్య, నొకరి తోసేట, గల్తీక్ ఇధరేకతి నెండే దేశం ఉత్ అనేక రాష్ట్రాలతి కేరళ ఒక్కొద్.

కేరళ ఇన్స పేర్ ఎనాంగ్ వత్తిన్ ఇనేక గొట్టింగ్ లొల్లి అంసాద్. కేర ఇంతే నారాలి మాక్,ఆలం ఇంతే భూమి. ఇధవున్ ఇందిగున్ కలపుత్ నారాలి మాక్ లా భూమిలాంగ్ కెరళం ఎద్దీన్ ఇనేకాద్ ఒకో గొట్టి.ఈ విధంగా కేరళీయులు అవరె భూమిన్ కేరళం ఇన్సర్.చేర,ఆలం ఇంతే చేరుల భూమి ఇనేక గొట్టి తనట్ కేరళం వత్తిన్ ఇన్స మారోకో గొట్టి.

ట్రావంకోర్( తిరువాంకురు) రాజు రాజా  మార్తాండ వర్మ తనే రాజ్యమున్ తిరువనంతపురం త పద్మ నాభ స్వామింగ్ సియూత్ అంద్ దాసునిగా రాజ్యమున్ ఆడిగిప్ తెంద్.అమనున్ వెనకత్ అమ్నె ఖన్ధాన్ త రాజు గిన ఆనంగి ఇదర్తేర్.రాజా ముద్రలు దెయ్యం నే పేరాడ్ అండే. అదున్గ్ వాలాడ్ "God's own country"భగవంత్ నే రాజ్యం ఇన్సార్.

ప్రాచినం

కేరళ మరయూర్ ఏరియాత్ కొత్తరాతియుగం మంది ఇదార్థ దండి గుండ్ల తపనే - ఇదవున్ మునియరాల్ ఇన్సార్.

అగస్త్య మహర్షి పేరాడ్ ప్రసిద్ధమేద్ద అగస్థ్యమలై ఒకో ఓలేక జాగా - తిరువనంతపురం జిల్లా పడమటి కనుమలతి అంసాద్.అగస్త్యుడు వైదిక హిందూమతమున్ దక్షిణ భారత ఉంగ్ కొత్తేంద్ ఇస ఇన్సార్.

పరశురాముడు ఉంద్ సందురున్ వెనకవై పవిడుత్ కేరళన్ ఇధరతేంద్ ఇన్స తోలేనిత కథ.కొత్త రాతీయుగం కాలముత్ ఇత్త వర్షాటవు మలేరియంగ్ బేమరి వరేకద్ అనేకదున్గ్ వాలాడ్ ఈ ఏరియత్ మనకకేర్ అనుడ్ తోద్. అదున్గ్ వాలాడ్ క్రీ. పూ.10 వ శతాబ్దం త దుత్తపెంక,తపనే లి మందినే బతుకుంగ్ కలయత ఇత్తి రొమాట్టా తోలేనిత దాఖలా.తమిళం గొట్టి ముడెక తోలేనిత మంది ఇదవున్ తయ్యార్ ఇదర్తేర్.ఇదున్ వాలాడ్ తోలేనిత కాలముత్ కేరళ, తమిళనాడు ఏరియా (తమిళకం త ఒకో భాగం)ఒక్కొది గొట్టి,జాతి,సంస్కృతి ఇంగ్ కలయతార్ ఇన్స ఎర్క వరసాద్.14 వ శతాబ్దం త తొలినాళ్లకు,భాష రకమాడ్ కేరళ ప్రత్యేకతను కలయతిన్.గవ్వ రొమాట్టా మొదల్ సామ్రాజ్యం - చేర వంశీకులు - వంచి రాజధాని లాంగ్ కేరళన్ ఆడిగిప్ తేర్.పల్లవులాడ్ కలయూత్ అవర్ చోళ, పాండ్య రాజులాడ్ లాడెయ్ ఇదర్తేర్.8-14 శతాబ్ద నడుం కాలం చేరరాజు ఆడిగిపేక కాలముత్ మలయాళం గొట్టి ముందరవై వత్తిన్.అది కాలమూత్ కేరళీయు తమిళ మందిత్ భాగం ఎరసేట ఒకో ప్రత్యేక జాతి లాంగ్ గుర్తు ఎద్దీన్.

కేరళ రాష్ట్రం

1947 ఉత్ నెండే దేశం ఉంగ్ స్వాతంత్ర్యం వారెంగా 1941 జులై 1 తిరువాన్కురు,కొచ్చిన్ కలపుత్ తిరువాన్కురు-కొచ్చిన్ ఇదర్తేర్.1950 జనవరి 1 ఇంగ్ ఇదున్ ఒకో రాష్ట్రం లాంగ్ గూర్త్ ఇదర్తేర్. ఇద్ కాలముత్ మద్రాసు ప్రెసిడెంసీన్ మద్రాసు రాష్ట్రం ఇదర్తేర్.1956 నవంబర్ 1 కొత్త రాష్ట్ర ఇదార్థ చట్టం ప్రకర్ కేరళ రాష్ట్రం ఎద్దీన్.మద్రాసు ప్రెసిడెన్సీ తన మలబార్ ఏరియన్ (4 తాలుకా సాయూత్) వెగ్రే ఇదరుత్ తిరువాన్కురు-కొచ్చిన్ ఉత్ కళాప్తేర్.1957 ఉత్ కొత్త అసెంబ్లీ ఎన్నిక ఎద్ద వెనకత్ ఇ.ఎం.ఎస్. నంబూద్రిపాద్ నే నాయకత్వం ఉత్ కమ్యూనిస్టు సర్కార్ అధికారముత్ వత్తిన్.

ఆ కమ్యూనిస్టు సర్కార్ కుల్కడ్,కేన్ పని ఇదరేకరుం సౌలత్ అనేక విధాన కొత్తిన్. వెనకత సర్కార్ గిన్ ఇద్ధి పావున్ సుమ్ముత్ మందింగ్ బాత్క్ దేడి త పావ్ ఇడ్డుత్ ముందర్వాయి కొత్తిన్.

భౌగోళికం

ఇడుక్కి జిల్లాత్ మున్నూర్ చుట్టూరా ఏరియా గుల్ పర్వతమయం.

కేరళ భూవైశాల్యం 38,863 చ.కి.మీ.ఇద్ నెండే దేశం త దవ్వుత్ 1.18% అంసాద్. ఎక్వా జాగ పడమటి కనుమాలుంగ్, అరేబియా సందురుంగ్ నడుం అంసాద్.దునియత్ పానమున్ గుల్ సోయ్ ఇధరేక 25 జాగలతి కేరళ ఒక్కొద్.(biodiversity hotspots) ఉత్తర అక్షణశాలు 8°18, 12°48 నడుం,తూర్పు రేకాంశాలు 74°52, 72°22 నడుం అనేక కేరళ సిమన భూమధ్య వేండి జాగత్ అంసాద్.కేరళ తీరా రేఖ 580 కి.మీ - 120 కి.మీ నడుం ఆంసాద్.

భౌతికంగా కేరళన్ ముంది ఏరియా లాంగ్ ఇధరెంగ్ వంద్. తూర్పు మెకార ఏరియా,నడుం మెట్ల ఏరియా,పశ్చిమ పల్లపు సవాన్ ఏరియా.భారత tectonic plate నడుమున్ అనేకదున్ వాలాడ్ కేరళత్ భూకంపా ఏరేకద్ కూబ్ కడమ.

కేరళ సగటు ఉష్ణోగ్రత 25 డిగ్రీలు - 27 డిగ్రీలు సెంటి గ్రేడ్ నడుం అన్సా.ఇదవి తీరమైదానాలతి 20 డిగ్రీలు - 22.5 డిగ్రీల నడుమున్ అన్సా.రోజిత పేరెత్ ఉష్ణోగ్రత కరెవరే 36.7 డిగ్రీల సెంటి గ్రేడ్ అంసాద్.రోజిత కడమ ఉష్ణోగ్రత కరెవరే 19.8 డి.సెం అంసాద్.