Wp/ngu/Yepatl

Yepatl noso Epatl, se tepeyolkej. Yejuin yolkatl se mamifero, mamifero kijtosneki se yolkatl tlen koni chichiualatl (leche). Itsontli yepatl itlapajli kapostik iuan istak. Yepamej chantij kampaj tepeyoj ipan tlali Canada, EEUU, niman Mexko. On yepamej tlakuaj sakatl, xiujtli, nakatl, totoltetl, niman yolkatsitsimej. Yepamej chantij ijtik ostotsitsintin. Yejuin yolkamej achijtsin xiuitl nemij. Yepatl iyejle melak sanoyej kokoyak (xkuajli). Iyejle kichijchiua on oksekimej yolkamej notlalouaj.